Dec 072015
 

Арзнома (петиция)

 

 

Ўзбекистон республикаси президенти Ислом Каримовга

Биз қуйидаги арзномага имзо қўйганлар Ўзбекистон Инсон Ҳуқуқлари Жамияти (ЎИҲЖ) Сирдарё вилояти бўлимининг раиси Аъзам Фармоновни озод қилишни талаб қиламиз.

Имзо қўйинг,

Аъзам Фармонов 2006-йилнинг 29-апрелида ҳуқуқбон Алишер Караматов билан бирга қамоққа олинган эди. 2006-йилнинг 16-июнида Янгиер шаҳар суди Аъзам Фармоновни сохта айблар билан товламачиликда айблаб 9 йилга озодликдан маҳрум қилган эди. [1,2,3,4].

Аъзам Фармонов судгача бўлган тергов давомида қийноқларга, ноинсоний муносабатларга дучор бўлган. Унинг товонига таёқ билан уришган, противогаз кийгизиб ҳаво борадиган жойини бўғишган.

Аъзам Фармонов фермерлар ва ногиронларнинг ҳуқуқларини ҳимоя қиларди.

Аъзам Фармоновнинг турмуш ўртоғи Озода Ёқубова эрининг қийноқларга тутилгани тўғрисида мунтазам халқаро инсон ҳуқуқлари ташкилотларини, дунё жамоатчилигини хабардор қилиб келган.

2015-йилнинг 29-апрелида Аъзам Фармонов озодликка чиқиши керак эди, лекин Аъзам Фармонов муассаса тартибини бузганлик айблови асосида унинг жазо муддати яна 5 йилу 26 кунга узайтирилди.

Имзо қўйинг,

Озода Ёқубованинг айтиши бўйича саноқли ойлар қолар экан Аъзам Фармонов 3 марта изоляторга ташланган. “Январь ойида 5 кунга изоляторга ташлашган, февраль ойида 10 кунга изоляторга ташлашган, март ойида 20 кунга изоляторга ташлашган, яна умрбод қамоқда ўтирадиган турмасига олиб ўтилиб 20 кун жуда қаттиқ қийнашган.

Бошига нафас қисувчи махсус резинали мосламалар кийгизишиб қийноққа солишган. Ҳаво қисганда, ҳаттоки, хушимдан кетиб қолаёздим. Бошимга қоп кийгизишиб, бошимни энгаштириб олиб ўтишди мени, деб менга гапириб берди. Ҳаттоки қўлида қолган наручник изларигача кўрсатди менга”- дейди Озода Ёқубова Озодлик билан суҳбатда.

Аъзам Фармонов 2006-йил 17-июлидан ҳозиргача Жаслиқ қамоқхонасида сақланмоқда. Шу йилнинг бошида Аъзам Фармонов БМТнинг Бош котиби Бан Ки мунга ёзган хатида Жаслиқ қамоқхонасини шундай таърифлаган эди:

Жаслиқ қамоқхонасида махбусларнинг умуман мурожаат ҳуқуқлари йўқ. Ариза, шикоят ва бошқа барча ҳуқуқларни очиқчасига паймол қилишмоқда. Муассаса ички кун тартиби фақат маҳкумларга фақат руҳий ва жисмоний қийноқлар қўллаш учун муассаса маъмурияти бир томонлама жорий этилган”.

Аъзам Фармоновнинг озод қилинишини сўраб Фронт Лайн Дефендерс (Front Line Defenders), Хюман Райтс Вотч (Human Rights Watch), Амнести Интернашионал (Amnesty International), ФИДЧ (FIDH) ва Европа Иттифоқи, АҚШнинг юқори мартабали мулозимлари кўп марталаб мурожаат қилишган.

2006-йилнинг 12-июнида БМТнинг бош котиби Бан Ки Мун Ўзбекистонга расмий ташрифида Ўзбекистон президенти Ислом Каримов билан учрашувда Ўзбекистондаги сиёсий маҳбусларни озод қилинишини сўраган, шу жумладан Аъзам Фармоновни ҳам.

Афсуски, Аъзам Фармонов ҳанузгача қамоқдан озод қилингани йўқ.

Биз Аъзам Фармоновни зудлик билан озод қилинишини талаб қиламиз.

Имзо қўйинг,

 

Арзномани тайёрловчи:

Абдужалил Бойматов

Ўзбекистон Инсон Ҳуқуқлари Жамияти президенти

5-декабрь, 2015-йил.

 

1. UZBEKISTAN : Azamjon Formonov sentenced to five additional years in prison

27.05.2015. (https://www.fidh.org/en/region/europe-central-asia/uzbekistan/uzbekistan-azamjon-formonov-sentenced-to-five-additional-years-in).

2. Uzbekistan: 5 More Years for Jailed Activist. 28.05.2015. (https://www.hrw.org/news/2015/05/28/uzbekistan-5-more-years-jailed-activist).

3. Letter from an Uzbek Prison: Azam Farmonov sentenced to additional 5 years. 29.05.2015. (https://www.frontlinedefenders.org/node/28810).

4.Amnesty International considers Alisher Karamatov, aged 41, and Azam Farmonov, aged 30, to be prisoners of conscience. 2011. (http://www.amnestyusa.org/our-work/cases/uzbekistan-alisher-karamatov-and-azam-farmonov?id=1181055).

5. Аъзам Фармонов турмуш ўртоғи унинг қийноққа тутилганини билдирди. 05.07.2015. ( http://www.ozodlik.org/content/article/27110785.html).

6. Азамжон Формоновнинг Бирлашган МиллатларТашкилоти Бош Котиби жаноб Пан Ги Мунга йўллаган хати. 22.05.2015. (http://uz.hrsu.org/archives/7424#more-7424).