АНА ХОЛОС: БЕМАҲАЛДА ҚИЧҚИРГАН ХЎРОЗ!

Жаҳон тиллари университети талабаси Ҳикматулло Убайдуллаевнинг “ташаббуси”дан хабарим бор, интервьюлари ҳам қулоғимга чалингандек эди. Аммо талабанинг кейинги тақдиридан воқиф эмас эканман.

Ўзбекистон Республикаси Президенти Ислом Каримовнинг ҳамон тақдири номаълум бўлиб қолаётган қизи Гулнора Исломовнадан биринчилардан бўлиб интервью олиш истагида бир эмас, икки бор Бош прокуратурага, Р. Иноятовга буюртма хати орқали илтимоснома юборгандим.

Гуё талабномамга жавоб тариқасида, шу йилнинг илк ойларида +99891 5085848 рақамидан Суҳроб Мирзаев деган тахминан 20 ёшлардаги йигитча қўнғироқ қилиб қолганди: Мен “Гулнора Каримованинг фанатиман” деб. Кўришгандим. “Гулнора учун жонимниям бериишга тайёрман” деганди у учрашув чоғида.

Ҳалигача тушунмайман: У йигитча ким эди. Паспортини кўрган эмасман. Ростанам Суҳром Мирзаев исмли инсонмиди? У нима мақсадда менга қўнғироқ қилди, мен-ла учрашди, суҳбатлашди? (Ваҳоланки мен билан гаплашишга, менинг рақамимни теришга ҳатто энг севимли туғишган опамнинг ҳам ҳадди сиғмайди, махсус хизматларнинг таъқибу-сўроқларидан қўрқади, пинҳона кўришади!)

Бу болани ёнимга ким юборди, нимага юборди? Ё ўз ташаббуси билан келдимикин? Қай мақсадда?

Суҳбатлашиб кўрдим, сўзлари қўлингдаги жони бор балиқдек типирчилайди, патир-тур қилиб тутқич бермай. Тутадиган, ушлайдиган жойи йўқ. Эсимда қолгани: “Мен Г. Каримованинг фанатиман. Керак бўлса унга жонимниям бераман. Унга ёмон соғинганлар билан ҳисоб-итоб қиламан…” Бўлди. Бори шу.

БИТТА РОМ ОЧИБ ҚЎЯЙМИ?:

Хўш… Хикматулла Убайдуллаев. Очиғи бу талабанинг “ташаббуси” Ўзбекистон расмийларининг, аниқроғи, Гулнора тарафдорларининг қулоқларига мойдек ёқиб тушгану… Бироқ… Ўзбекистон раҳбариятининг яқин келажакдаги “пухта” режасини барбод қилиб қўйиши бир баҳия қолган: бемаҳал қичқирган. Бемаҳалда қичқирган хўрозни эса… Жа унчаликка боришмаса ҳам, попугини пасайтириб қўйиш қўлларидан келади.

ЯҚИН КЕЛАЖАКДА НИМА БЎЛАДИ?:

Аслида, “Гулнора Исломовнани “ХАЛҚ ҚЎЛЛАШИ” – бу ўзбекистон раҳбариятининг “эзгу” режаси бўлган.

Ҳа, нима, қандайдир Суҳроб Мирзаев, Ҳикматулла Убайдуллаевларнинг қўллашлари нима бўпти? ОТА истаса, Ўзбекистон аҳолисининг 31 миллионини “Гулнора Каримова, қайт!” деган “ташаббус” билан майдонларга чиқаришга қурби етади.

Шундай ҳам бўлади.

Гулнора Исломовнанинг келажакдаги карьерасига соя солмаслиги учун уни қамамадилар. Айбдорлар топилди, зиндонбанд этилди. Келажаги кўзларни қамаштирувчи ҚИЗимиз эса қаердадир, мовий кўл лабидаги Панарамадами – хуллас, кенг жамоатчиликка мутлақо номаълум масканда – “уй қамоғида”. (Буниси ҳам мавҳум).

Худо ҳоҳласа, малика қизимизнинг эртаси йўлида яқингинада ЯНГИ ҚОНУН ҳам ўйлаб чиқилди: Уй қамоғи деган.

Келажакда миллионлаб одамлар Ҳикматулла каби Гулнорани кўтар-кўтар қилиш учун “бош кўтариб чиқадилар”. Майдону кўчаларни, еру кўкни мурча-малахдек одамлар босиб ҳам кетади ҳали! Намойиш қилгани қайси, ҳориж радиоларида нотиқлик маҳоратини ишга солгани қайси, маҳаллий матбуотларни сайратгани-ю интернетларни “ишғол” қилганлдари қайси, кўрасиз ҳали. Ўшанда… Ўшанда Гулноранинг беқанот фаришта эканлигига ўзингиз ҳам ишониб қоласиз. ИШОНТИРИШАДИ! Сиёсат мкридан лол, қотасиз! Г. Исломовнага “МИЛЛАТ ҒАМИ ЙЎЛИДА ЎЗ ПАДАРИБУЗРУКВОРИДАН АЗИЯТ ЧЕККАН ЖАБИРДИЙДА. УМРИНИ ЭЛИГА БАҒИШЛАГАН ФИДОИЙ” ДЕГАН “СТАТУС”НИ тупуклаб ёпиштиришади-да ЎЗБЕКИСТОН ҚАХРАМОНИ УНВОНИНИ ҲАМ БЕРИШАДИ! Кейинми, кейин эса “эли учун умрини садқа қилишга тайёр” “ҚАРАМОН ҚИЗ” ўз отасини ҳеч бир иккиланмай ҳу-уув – ўша кўл бўйидаги “ПАНАРАМА”ГА – “УЙ ҚАМОҒИГА” ОЛАДИ…. Бироқ ҳали бунга БИРОЗ ВАҚТ БОР… Ахир бизда “УЙ ҚАМОҒИ” ҲАҚИДА ҚОНУН БОР-КУ. ЯҚИНГИНАДА ҚАБУЛ ҚИЛИНГАН.

Сиз шунга ишонасизми? Шундай бўлиши ҳақида ҳам ҳеч ўйлаб кўрганмисиз?

ҲАҲ, ЭССИЗГИНА-Я, ҲИКМАТУЛЛО ЭРТА “ҚИЧҚИРИБ” ҚЎЙДИ-ДА!

Негаки қизалоғимиз отасининг шоҳлик муддатига эндигина 5 ой бўлди. Унутманг, юртбоши 5 ойга эмас. 5 йилга “сайланган-а”!

Худди ана шу нуқтаи назардан Ҳикматулло ёшлигига бориб эрта “қичқириб қўйди!”

Ҳали товуқларнинг қақиллаши-ю, хўрозларнинг қичқиришига анчагина вақт бор: камида роппа роса тўрт йил!

Президентлик муддати охирлаб борган сайин “Гулнорани қувватловчилар” сони кўпайиб боради. Гулнора Исломовнани кўкларга кўтариб, қахрамон даражасига чиқариб қўйувчи гуруҳларга ростмана “иш топилади”.

Ҳали бунга яна тўрт қовун пишиғи бор…

Талабамиз Убайдуллаев эса ўша яширин ва ўта махфий “ғоя”ни, аниқроғи режани ҳаётга жуда эрта тадбиқ этиш боробарида уни барбод қилиб қўйишига, Ислом Абдуғаниевич тахтининг бардавомлигига, шаҳона креслосига соя солиб қўйишига бир баҳия қолди-я!

Шунақа, сиёсат фоҳиша аёлга ўхшайди деганлари рост. Кимники пули, кучи кўп бўлса ўшанининг оғушида “жилваланади”.

Қаердадир ўқигандим:

Йигит бўлсанг, сиёсатга уйланма,

Ўлиб кетасан.

Қиз бўлсанг сиёсатга тегма

Куйиб ўтасан.

Айнан шундай эмасу, мазмунан шунга ўхшашроқ…

Наҳотки, сиёсат билан “ўйнашиб” қўйган ёшгина талаба Ҳикматулла Убайдуллаев….

Йўғ-э, Худо сақласин.

Қайсидир зах ва бадбўй ертўлада тепки еб ётгандир…

Балки… Худо “Ол, қулим” деган бўлса, 1-сентябрда янги ўқув йилини ҳам бошлагандир, балки… балки илк “кўнгиллилардан” бўлиб аллақачонлар Жиззах чўлларига чиқиб кетгандир, пахта далаларида жавлон уриб юргандир! Илоҳим, шундай бўлгани рост бўлсин….

Ҳар ҳолда бу боқий дунёга “камондировка” қилишгандан яхшироқ-да…

Малоҳат ЭШОНҚУЛОВА

мустақил журнаилст

http://ca-now.org/news/istorija_uzbekskogo_blogera/2015-07-28-103

История узбекского блогера

Исчезновение студента Государственного  Университета  Мировых Языков  Хикматуллы Убайдуллаева, выразившего гражданскую позицию от имени молодёжи Узбекистана в поддержку Гульнары Каримовой до недавнего времени было не известным.

Статья вызвала резонанс в узбекских группах в facebook. Многие твердили, что согласны с мнением Хикматуллы. Но после этого, все его аккаунты неожиданно были удалены.

В социальных сетях появились различные мнения. Одни говорили, что парня вызвали сотрудники МВД РУ на допрос, после чего он бесследно пропал, другие говорили, что он сам удалился из социальных сетей, было еще мнение, что парню угрожают некие лица  за его гражданскую позицию в отношении старшей дочери Президента Ислама Каримова. 

В твиттере разразилось более 400 твитов в поддержку  #УбайдуллаевХикматулла . Певица Озода Нурсаидова выразила огорчение  о пропаже парня, а также известные узбекские блогеры.

Однако, по словам близкого друга Хикматуллы, с ним все в порядке. Парень находится в своём доме. Друг сообщил, что 14 июля, когда Хикматулла дал интервью в Би-би-си его срочно вызвали в университет.

Проректор и деканы расспросили его об интервью в Би-би-си, а также о том, какая причина побудила выразить гражданскую позицию.

“Хикматулла объяснил, что от имени молодежи он хотел высказаться о ситуации, произошедшей с Гульнарой Исламовной и Фондом Форума”  

После того, как проректор и деканы убедились в правдивость Хикматуллы, его попросили написать объяснительную, что ректорат университета не знал о том, что Хикматулла даст интервью в Би-би-си, – пояснил друг.

На вопрос вызывали ли Хикматуллу в МВД, друг ответил, что его никто не вызывал на допрос, никакой давки со стороны правоохранительных органов не было. Отец Хикматуллы Пулатов Шухратилла  предупредил сына, чтоб он удалился из социальных сетей, после чего временно взял его телефон.

 http://ca-now.org/news/istorija_uzbekskogo_blogera/2015-07-28-103