Зора менинг дардимни эшитиб ноҳақликларга чек қўядиганлар бўлса керак деган умиддаман.

Ўзбекистон Республикаси

Президенти И. А. Каримовга.

 

Жиззах вилояти Зарбдор тумани

Бўстон шаҳарчаси Навруз «МФЙ»

Ш. Рашидов кўчаси 5/2 уйда

яшовчи Иззатой Қурбонова

т о м о н и д а н.

Очиқ хат

 

ОТАЖОН – ДАРДИМГА ҚУЛОҚ ТУТИНГ ВА ЁРДАМ БЕРИНГ!

 

Мен юртбошимизнинг гапларини эшитиб жуда хурсанд бўлгандим. Отамиз Ўзбекистоннинг барча вилоятларига борганларида ўз сўзларида “ Мен – ҳам оиласида, ҳам давлат ишларида кам кўстсиз иш олиб бораётган аёлларимизга ишонаман”- деган эдилар. Мен у кишининг сўзларини тинглаб туриб, руҳланиб ўз ишларим бўйича ўзимга ҳисобот берган эдим.

Шу юрт тузини ичиб катта бўлдим. Шу юрт тинчлиги ва фаравонлиги йўлида ўзингиз таъкидлагандек қўлимдан келганича эркаклар қаторида меҳнат қилдим. 25 йиллик пед стажим билан 2009 йилдан буён Зарбдор тумани 2- ихтисослаштирилган давлат умумтаълим мактабида директор бўлиб ишлаб келаётган чоғимда Жиззах вилояти халқ таълимига янги рахбар этиб тайинланган Олий Мажлис Сенатори Эргашев Қуроқбой Ялгашевич меҳнат қонунларини қўпол равишда бузган холда кадрларни ишдан бўшатишдан бошлади. 2011 йилнинг 2 сентябр куни 117-к сонли буйруқ билан меҳнат шартномамни меҳнат кодексининг 100 моддаси 2 кисми 3-4 бандлари билан бекор қилиб ишдан четлатишди. Мен ўзимнинг паймол бўлган конституциявий ҳуқуқларимни тиклаш учун Жиззах вилояти касаба уюшмасига шикоят ариза билан мурожаат қилдим. Вилоят касаба уюшма кумитаси мехнат конунларини купол равишда бузганлигини важ килиб, Жиззах туманлараро судига даъво ариза киритиб ишга тиклашди. Мансабидан фойдаланиб, Олий Мажлис Сенаториман дея суднинг хал килув кароридан норози булиб Олий судгача даъво ариза киритди лекин суд унинг киритган аризасини каноатлантирмасдан суднинг биринчи инстанциясидаги кабул килган карорини уз кучида колдириб, вилоят халк таълими бошкармасидан менинг фойдамга бекор юрган кунларим учун 1.048. 890 сум ундиришлик ва фаолиятимни давом эттиришлик буйича карор кабул килган. К Эргашев халк таълими вазири Т Шириновлар судлар ким томонидан хукм укиб карор кабул килганликларини билибми ёки билмайми узларини президентдан устун куйиб, конунга панжа орасидан караб Жиззах шахрида йигилиш утказиб, йигилиш баёнига асосланиб мени яна ишдан четлатишга мувоффак булишганлар менхат конунчилигида шундай дейилганки, хар бир ходимни мехнат шартномасини бекор килишдан олдин муддат оралигида унга нисбатан ички интизомий жазо кулланиши шарт деб курсатилиб куйилган. Бунга карамасдан 2012 йилнинг май ойида мени эгаллаб турган ловозимимдан четлаштириб урнимга туман халк таълимида ишлаб келаётган Анвар Араловни директор этиб буйрук асосида тайинлаб кетади.

Энг ачинарлиси шундаки, президентимиз айтган гапларини қўл остидагилар қўллаб қувватлаш ўрнига ҳар хил норозиликларни вужудга келтириб чиқармоқда.

Муҳтарам Ислом Абдуганиевич!

Мен аёл бошим билан ҳам оила тебратиб керак бўлса қишлоқ ҳўжалик ишларида эркаклар қаторида забардас уриб меҳнат қилсамда бугунги кунда мени бир неча йиллик меҳнатларим қадрсизланиб, қуқуқларим қўпол равишда бузилаётганларига чидай олмасдан қисқа бўлсада сизга мурожаат қилишга жазму қарор қилдим. Зора менинг дардимни эшитиб ноҳақликларга чек қўядиганлар бўлса керак деган умиддаман.

 

Аризачи: И Қурбонова.