Қашқадарё вилоятининг маркази Қарши шаҳридан хушхабар!

 

 

Қаршида нима гап?

Қашқадарё вилоятининг маркази Қарши шаҳридан хушхабар!

Жорий йилнинг 3 апрель куни Ўзбекистон Инсон Хуқуқлари Жамиятининг Қарши шаҳар бўлими раиси Нодир Ахатов  қайтадан Ўзбекистон Республикаси фуқаролигини қўлга киритгандек бўлди. Кечирасизлар, бу  хушхабарни қандай айтишни ҳам билмай қолдим. Соддагина қилиб айтадиган бўлсам, у паспортини олишга муаффақ бўлди. Яшоворсин хукуматимиз! Бор эканку! Ўзбекистонда инсон хуқуқлари поймол қилинади дея жар соламиз-а?!

Уят бўлади, ахир  ноябр ойидан буён туя гўштини еб ётганди бу ордона қолгур паспорт!  

“Ҳар қалай, беришдику”, -дейман ўзимга ўзим. Аммо унинг паспортига 2011 йилнинг 26 декабрь кунида берилди деб кўрсатилган. Салгина адашишибти азаматлар, паспорт берилган муддатини кўрсатишда. Бугун ахир 2012 йилнинг 4 апрель куни эди.

Кеча бу хурсандчиликдан сира ухлай олмадим ва хабарни кечикиброқ ёзаяпман. Кечикганим ҳам дуруст бўлди. Нега десангиз, яна битта янгилик бор ва у шу бугун етиб келди. Ўзбекистон Инсон Ҳуқуқлари Жамиятининг фаол аьзоси Ғайбулло Жалиловнинг дараги чикди. Муқаддас Темированинг телефон орқали билдиришича,  турмуш ўртоғи айни дамда Зарафшон шаҳридаги 64/42 манзил колониясига кўчирилган экан. 4 апрель куни Ғайбулло Жалиловдан мактуб етиб келибти. Мактубда унинг соғ-саломат эканлиги ҳам билдирилган экан. Яқин орада ишга чиқишини ҳам билдириб ўтган.

Мана шунақа гаплар. Қарши шахрида.

 

4-апрель, 2012-йил.
Гулшан Қораева
Ўзбекистон Инсон Хуқуқлари Жамиятининг
Қашқадарё вилоят бўлими раиси