Пахтакор туманида истиқомат қилувчи Нуринисо Ҳолбоева маҳаллий хокимият амалдорлари ноҳаклигининг қурбони бўлди….

   Жиззах вилояти, Пахтакор туманида истиқомат қилувчи Нуринисо Ҳолбоева
ҳам турмуш ўртоғининг, ҳам маҳаллий хукумат амалдорлари ноҳақлигининг
қурбони бўлди. Эсингизда бўлса, Нуринисо маҳаллий хукумат
идораларининг жабридан, ноҳакликларидан нолиб “Бирдамлик” сайтида
хукумат расмийларига очиқ хат ёзишга мажбур бўлганди. Айни кунда бу
жафокаш аёлнинг курашдан чарчамаслигини, тўхтамаслигини, ортига
қайрилмаслиги, қайтмаслигини билган собиқ турмуш ўртоғи унинг жонига
қасд қилишга жазм қилди.  Бугун, 26 февраль, якшанба куни “Бирдамлик”
Халқ Демократик ҳаракатининг Жиззах вилоятидаги фаоли Нуринисо
Ҳолбоевани турмуш ўртоғи Акбар Ҳолбоев пичоқлаб кетган. Бироз олдин
ҳаракатнинг Жиззах вилояти раиси Саида Қурбонова билан боғландик.
Саида Қурбонованинг айтишича, Нуринисо Холбоеванинг аҳволи жуда оғир.
Унга қон керак. Эслатиб ўтамиз, қишнинг қоқ чилласида фуқаролик ишлари
бўйича Пахтакор ва Дўстлик туманлараро судларининг Нуринисони норасида
боласи билан уйдан чиқариш тўғрисидаги қарорига асосан, шу кеча
кундузда ижрочилар она-болани кўчага ҳайдашга ҳозирлик кўришмоқда эди.
Жабрдийдаларнинг кўчада дарбадар бўлишига ҳам ҳожат қолмади. Бу
ҳолатдан ҳам қаноатланмаган эр Нуринисони жисман йўқ қилишга уринди.
Боғланиш учун Саида Қурбонованинг тел. Рақами: +998941980102.
Сегодня, 26 февраля, в воскресенье в Джиззаке члену Народного
Демократического движения «Бирдамлик» Нуринисо Холбоевой муж Акбар
Холбоев нанёс ножевые ранения. Мы связались по телефону с Саидой
Курбановой, с председателем НДД «Бирдамлик» по Джиззакской области.
Саида Курбанова сказала, что Нуринисо Холбоева в очень тяжолом
состоянии. Ей нужна кровь.

26-февраль, 2012-йил.