Адолат излаётган ИИБ ходими адолатни топа олармикан?

19 август (якшанба) куни, Ғузор тумани Янгикент маҳалласи профилактика инспектори  Рустам Турсунов, хизмат уйи битмаганлиги сабаб, ўз бошқарувида бўлган Матиз русмлик машинасида Қарши шаҳридаги ўз уйига ювиниб кетиш мақсадида келади. Кечки вақтда.

У уйига яқин жойдаги дўкон олдида машинасини тўхтатиб , дўкондан сигарета, газланмаган сув харид қилди. Шу орада қўшни йигитлар билан ҳам салом – аликлашиб олади. У пластик идишдаги сувни ичаётгани вақтида эса, икки нафар шахс келиб, унинг қўлини қайириб машинага олиб боришмоқчи бўлишади. ИИБ ходими қўрқиб кетганидан, уларни қўлидан чиқиб қочиб уйига киради.

Нималар бўлаётганини ҳам тушунмай, боши гаранг бўлиб қолганлигини оналари Бўритош опа сўзлаб бердилар. “Ўғлимни нохақ ишдан бўшатиб юборишган. Ўғлим ичмайдиганлардан. Сабабини билмай сарсонман. Ёзмаган жойим қолмади. Милиса инсон эмасми? У ҳам ювиниб юриши керак-ку. Ўғлим 2005 йилдан буён ИИБ да хизмат қилиб келган. Яқинда Ғузор туманига профилактика инспектори бўлиб ишга борганди. У ерда умуман шароит йўқлиги учун болам уйга ювингани келган. Тозаликни яхши кўради. Ўша куни унинг машинасини ҳам олиб кетишган.

Бўритош опанинг келтиришича, унинг ўғли ўша машинасини кредитга олган.  Ўша куни машинани ўғли тўҳтатган  жойдан  Ўзбекистон хавфсизлик инспекцияси ходимлари уни олиб кетишган экан. Машина салонида бўлган қўл телефони, ҳайдовчилик гувоҳномаси  ва маошга олган бир миллион сўм пули йўқ.  

«Ўғлимни Қашқадарё вилоят Ички Ишлар бошқармасига чақиришган», – дейди Бўритош опа. Онанинг таъкидлашича, ўғлига ёрдам ваъда қилинган ва шу пулни қайтариб олдим деб ёзиб беришини талаб қилишган экан, – «Ўғлим ёзиб берган» – дейди у.

Ўзбекистон президенти Шавкат Мирзиеёв ИИБ профилактика инспекторларига хизмат уйини қурдириб, уларни ўша жойида ҳам ишлаб, ҳам хизмат қилишлари учун кенг имкониятлар яратиб беоган бўлсада, Рустам Турсуновда хизмат уйи битмаганлиги туфайли ювиниб кетишга уйига келишга мажбур бўлган.

“Ўғлим ичган бўлса, қочган экан, нега унда ишидан чақиртириб наркалогияга олиб бориб текширтиришмаган? У мамлакатни тарк этгани йўқ-ку?»- давом этади Бўритош опа.

Календарга қарасангиз айни ўша куни якшанба, яъни дам олиш куни бўлган. Аммо Ўзбекистонда милиция профилактика инспекторининг иш вақти суткасига 24 соат қилиб белгиланмаганлигини ҳам куйиниб келтиради Рустам Турсуновнинг онаси.  

Сухбатимиз обдон у кишини тинглашдан иборат бўлди. Онанинг фикрларини чалғитишни истамадим.

“Ўғлимни уч нафар фарзанди бор. Хотини ишламайди. Машинаси кредитга олинган. Бу йигитни ишлатиб, нега бу аҳволга солишди экан?”- савол қўйди Бўритош опа.

Бу саволга жавобни эса ИИБ бошқармаси, ундан ҳам юқорироқ борилса ИИБ вазирлиги бериши лозим.

 

“Қизим,инсонлар ўзидан-ўзи аламзада бўлмайди, мана шунақа омиллар аламзадаликга олиб бормайдими?”- дейди она савол бериб.  Бош ирғаб қўйдим.

Бўритош опанинг айтишича, у киши Қашқадарё вилоят ИИБ бошқармаси бошлиғини  Турсунбоев Дилшод Тошкентбоевичнинг олдига кириш учун икки ҳафта сарсон бўлан экан. ИИБ масъулларининг ўз ишига маьсулиятсиз ёндошлари ўзи гувоҳ бўлганлигини ҳам келтиради аёл.

Ҳаммасидан ажабланарлик томони эса, Рустам Турсунов ишлайдиган профилактика хизмат уйи битганлиги ҳақида юқори органларга ҳам ёлғон маълумот берилган экан.

«Бу ёлғон нимаси, давлат идоралари ҳам  президентни алдайдими?”-ҳайратланади она.

Хуллас, Бўритош она Бўронова ўғилини ишга қайта тикланишлари истайди.  Демак, милиция лейтенанти, ходими адолат излаяпди.  Рустам Турсунов ишига қайта олармикан?

 

Бўронова Бўритош опа. Тел +9990733 88 62

 

Гулшан Қораева

Ўзбекистон Инсон Ҳуқуқлари Жамияти

Қашқадарё вилоят бўлими раиси

26 сентябрь, 2018 йил.