ЕЛЕНА УРЛАЕВА ТУТҚИНЛИКДАН  ОЗОД ҚИЛИНДИ

 асосий эркинликлар, Инсон Ҳуқуқлари, мажбурий-меҳнат, хабарлар, ҳуқуқбон  Add comments
Jun 012016
 

Таниқли “Альянс” инсон ҳуқуқларини ҳимоя қилиш ташкилоти етакчиси
Елена Урлаева 2016 йилнинг 7 март куни Тошкент шаҳридаги руҳий
касалликлар шифохонасига банди этилган эди.


Бугун, 1 июнь куни Елена Урлаева 87 кунлик тутқунликдан сўнг руҳий
касалликлар шикохонасидан озод этилди.


Шифохона маъмурияти 87 кунлик тутқинлик давомида Урлаева билан
учрашишга унинг энг яқин қариндошларидан ўзга бирор шахсга рухсат
этмаган.


–    Мени мажбурий равишда ушлаб туришди. Америка Қўшма Штатларининг
Ўзбекистондаги элчихонаси вакилларига, Германия элчихонасига,
Ўзбекистон-Германия инсон ҳуқуқлари форумидан чексиз
миннаддорман.Уларнинг саъи ҳаракатлари билангина бугунги кунда
озодликдаман, – дейди телефон орқали мулоқотда Елена Урлаева.


Ўзбекистон ҳукумати ўз танқидчиларига шафқатсизлиги билан ном қозонган.
Мамлакатда авж олган коррупция, мажбурий меҳнат, қонунсизлик ортидан
инсон ҳуқуқларининг топталиши билан боғлиқ муаммоларга муросасиз
бўлган шахслар куч ишлатар тизимлар, қонун идоралари томонидан
тинимсиз таъқиб остига олинган, қатоғон қилинган, қамоққа ташланган,
мажбурий тарзда руҳий касалликлар шифохонасига ётқизилган, жамиятдан
изоляция қилинган.


“Альянс” етакчиси Елена Урлаева Каримов режимининг шафқатсизларча
таъқибларига, аёвсиз босимларига, сурбетларча таъқиб ва таҳқирларига
дош бериб келаётган саноқлик инсон ҳуқуқлари етакчиларидан биридир.


Малоҳат ЭШОНҚУЛОВА
Мустақил журналист ва ҳуқуқ фаоли