Қаршидаги автосалонга ташриф

Бугун  15- август куни биз  хуқуқбон Нодир Ахатов иккимиз  Қарши
шаҳридаги автосалонга ташриф буюрдик.
Мижозлар ҳақ –хуқуқларидан бузилмаяпти?-деган мақсадда.
Бизга энг қизиқарлиси бу Дамас русумли автомашинага  шартнома йўқлиги
қизиқтириб қолди. Хабарларда 6- августдан ўзбек сўмига машиналарга шартнома берилаётгани маьлум эди.

15- август куни билсак,Дамас русумли машинага шартнома тугабди.Буни
автосалон директори Зафар Авазов билдирди.
Бунинг сабабини суриштираётганимизда  икки киши кириб келишди.Булар
машина сотиб олишган экан, яьни “Нексия Донц”экан.
Мижозларнинг даво қилишлари бўйича  ушбу машинанинг  кондиционерини
ишлатилиши учун фрёни йўқ бўлиб,эшиклари яхши очилиб
ёпилмаяётганлигидан шикоят қилишди.
Салон директори Зафар ака эса,бу муаммоларга  улар жавобгар
эмасликларини уқдира бошлади.
“-Заводдан шундай келаётган бўлса,бизнинг айбимиз нима дейди?”-дейди Зафар Авазов.

“Масала чигаллашиб кетди шундан сўнг биз аралашишга мажбур бўлдик.
Машина сотилгандан сўнг бир йилгача гарантия бўлади ва сиз камчиликни
бартараф қилишингиз лозим.Мижознинг шикоятини қаноатлантиришингиз
керак.Мижоз хукумат айтган пулини бераяпти!
У сифатли машина олишга хаққи бор! Камчилиги бор машинани тўғрилаб
бериш сизнинг зиммангизда!”

“ Менинг вазифамга кирмайди, умуман олганда менда фрён қўйиб беришга
асбоб ускуна йўқ”-дейди Зафар ака.
“Сиз бирорта  автосервисга мурожаат қилиб шу масалани ҳал қилиб
беришингиз  мумкин.Машина сифатсиз экан, нега сиз машинани қайтариб
юбормадингиз?-савол ташлайман.
“Мана накладнойни кўринг шундай қабул қилганмиз”-дея муҳрланган
ҳужжатни кўрсатди директор.

Катта автосалонда эксперт бўлмаса? Сифатини текшириб  қабул қилиб оладиган?
Муаммо қаерда!
Билсак бу  фрён деганлари 50 минг сўмга тўлдириб берилар экан.
Хукумат 50 минг сўм камига шу машинани берармиди?
Йўқ албатта!
Халқ эса сифатсиз машинани ўз пулига тўғрилатиши керакми?
Қани адолат, қани инсон ҳуқуқлари?

Биз ушбу адолатни топдириб бердик,Дехқонободлик  машина харид қилган
мижозга автосалон директори  кўзимизнинг ёнида 50 000 сўм пулни санаб
берди ва  эски автосалон ёнидаги  сервисга бориб қолган камчиликларни
ҳам тўғрилатиб беришни ўз зиммасига олди.Мижозлар хурсанд бўлиб, бизга
ҳам кичкинагина раҳматни айтиб кетишди.

Ҳақ –ҳуқуқи бузилаётган мижозларни сони  балки кўпчиликни ташкил қилар?
Нега энди ўзбек  халқи  сифтсиз машина харид қилиши керак?
Бинонинг ташқарисига  чиқиб, мониторинг  ўтказдик.Автосалон мижозларидан
жуда кўпчилигига савол бердик.
“Кечирасиз Дамасга шартнома бор эканми билмайсизми?”
Биз савол берган мижозлар ҳаммаси
“Бор экан “-деган жавобни беришди.
Салон директори Зафар Авазов эса
“Шартнома тугаган”деган жавобни берганди.
Бу ерда  мижоз ёлғон гапираяптими ё  салон директорими?
Бу жумбоқнинг жавобини қаердан излайлик?
Машина харид қилиш орзусида анчадан буён елиб юрган мижозлардан
бирининг айтишича.
Тушунарсиз ишлар ҳам  учраётган экан, яьни “Машина долларга сотилиб
ҳужжатларда ўзбек сўми кўрсатилар экан.Кейинчалик долларнинг давлат нархи ошса, камини  мижоз тўлаб бериши ҳам керак” -дейди ўз исмини ошкор этишни истамаган манба.

Автосалонга борсангиз  тушингизга кирмаган гапларни ҳам эшитар экансиз.
Бундан сўнг биз автосалон бўйича доимий мониторинг ўтказамиз ва
халқаро жамоатчиликни бундан хабардор қилиб борамиз.
Ўзбек халқи  сифатли ва ҳақ-хуқуқи бузилмаган ҳолда  машина  харид
қилишга  ҳаққи бор!

Гулшан Қораева
Ўзбекистон Инсон Ҳуқуқлари Жамияти
Қашқадарё вилоят бўлими раиси
15– август, 2014-йил.