…ушбу облигацияларни олганимда, 10 минг сўмга 1та автомобиль сотиб олса бўларди,мен билан эса 1 кг гўшт пули билан ҳисоб китоб қилишди…

 асосий эркинликлар, Инсон Ҳуқуқлари, ўиҳж, хабарлар  Add comments
Aug 042014
 

 

4-август эрталабдан Қарши Халк Банки қошида тумонат одам
йиғилган.Аниқланишича,Ўзбекистон мустақиллика эришган заҳоти чиқарган
облигацияларни  пулларга  алмаштираётган экан.

 

Кассага биринчи кириб чиққан мижозданоқ жанжал кўтарилган–ҳар минг сўм облигацияга 373,376 сўм пул устамаси билан алмаштириб беришган, яъни йиллик устама пули 1,5 процент ҳам бўлмаган. Модомики йиллик инфляциянинг ўзи
30 фоиздан ташкил қилмоқда.1-кирган  мижоз ўзининг 14 минг сўмлик
облигациясига қўшимча 10 минг сўм–ҳаммаси бўлиб 24 минг сўм пул олган
, яъни ўзининг айтишича- “ушбу облигацияларни олганимда, 10 минг сўмга 1та
автомобиль сотиб олса бўларди,мен билан эса 1 кг гўшт пули билан ҳисоб
китоб қилишди, кошки ихтиёрий равишда олганимда эди, мажбур ойлигимдан
пул ушлаб қолишган эди, шунчалар ҳам тирриқ бўладими, Каримов”-дейди.


Жанжалдан 15 минут ўтар ўтмас, банкни МХХ ва милиция ходимлари босиб
кетган. Йиғилганларни, банкнинг ёнбошидаги катта темир дарвоза
орқали, ичкарига киргизишган-”сизларга алоҳида, навбатсиз хизмат
кўрсатилади”-дейишган ва темир дарвоза ёпиб олинган.Шундан кейин
ичкарида гупур-гупур товушлар,одамларнинг  додлагани эшитилган.


1 соатдан кейин 150-200нафар одамдан ҳеч ким қолмаган. Ҳаммаси
қочиб кетишган, милицияга олиб кетилганлар ҳақида информация йўқ.

 

 

4–август , 2014- йил.
Нодир Ахатов
Ўзбекистон Инсон Хуқуқлари Жамиятининг
Қарши шаҳар бўлими раиси.