ЖАҲОН ЧЕМПИОНАТИНИ РОССИЯДА ЎТКАЗИЛИШИГА ҚАРШИ КАМПАНИЯ БОШЛАНДИ

Барибир сиёсатдан қочиб қутулиб бўлмас экан-да.Сен сиёсат билан шуғилланмасанг сиёсат сен билан шуғиллана бошлар экан.Бу ибора яна бир бор ўз исботини топди.

Хабарингиз бор ФИФА қарорига биноан футбол бўйича навбатдаги жаҳон чемпионати 20018-йили Россияда ўтказилиши керак. Россиянинг Украинага нисбатан зўравонларча олиб бораётган сиёсати туфайли Америка ва Овропа иттифоқи Россияга нисбатан навбатдаги санкцияни эълон қилиши баробарида, бутун дунё бўйича жаҳон чемпионатини Россияда ўтказилишига қарши кампания ҳам бошланиб кетди. Бу компанияни Олмониялик бундестаг вакиллари бошлаб беришди.

Бундестаг спорт қумитасининг аъзоси Франк Штеффель:- Путин халқаро ҳуқуқ меъёрларига амал қилмайдиган бўлса, жаҳон чемпионати бошқа мамлакатда ўтказилиши керак.

Бундестаг депутати Эрик Штайнбах:- Россия инсон ҳуқуқлари тамойилларига зид ҳаракат қилар экан, у ерда халқаро спорт турнирлари ўтказилиши керак эмас.Россия аввал тинчлик йўлига қайтиб, инсон ҳуқуқлари тамойилларига риоя қилишга лаёқатли эканлигини исботлаб бериши шарт.

Буедестаг депутати Михаэль Фукс:- ФИФА жаҳон чемпионатини Россияда ўтказиш юзасидан чиқарган қарорини яна бир бор ўйлаб кўрса бўларди. Бизда бунда спорт байрамини рисоладагидек ўтказиш учун етарлича шарт-шароит ва стадионлар бор.Франция билан Италияҳам турнирни ҳеч қандай муаммоларсиз ўтказиши мумкин.

Албатта бу кампанияга бошдан оёқ коррупцияга ботиб кетган ФИФА ва унинг раҳбари Блаттер қарши чиқиб,маҳсус баёнот билан Россиянинг тарафини олди. Бунинг ўзига яраша сабаблари бор албатта. ФИФАнинг икки йил олдинги йиғилишида 2018 ва 2022-йилларда чемпионат ўтказилиши учун ФИФА аъзолари Россия ва Қатарга овоз беришгач, бу давлат вакиллари буни сотиб олганлари ҳақида фактлар асосида жаҳон ОАВларида мақолалар эълон қилина бошлади ва бу ҳалигача давом этаябди. Агар бу рост бўлиб чиқса ўзи шундоқ ҳам халқаро жамоатчилик олдида шармадаси чиқиб бўлган ўрислар ҳамма сирни очиб ташлаши мумкин. Бундай бўлишидан Блаттер ва унинг гумашталари анаконда илондан қўрққандек қўрқади.

Агар кейинги тўрт йил ичида Путин Украинага бўлган сиёсатини ўзгартирмаса,Овропа ва Америка қитъаси давлатлари Россияда ўтадиган тадбирга бойкот эълон қилса, ана ўшанда ФИФА бу масалани ўйлаб кўришга мажбур бўлади. Бунинг учун тарғибот кучайтирилиши керак. Чунки миясини томир-томиригача коммунистик ғоялар билан суғорилган Путин ва унга ўҳшаганлар бундай тадбирларни ўтказилишидан ўз сиёсатлари йўлида фойдаланишлари аниқ. Бунга умуман йўл қўймаслик керак.

Нима бўлганда ҳам юқоридаги масаланинг кўтарилишини ўзи Россиянинг Украинага нисбатан олиб бораётган сиёсати нотўғри эканлигини яна бир маротаба исботлади.

Носир Зокир
Ўзбекистон Инсон Ҳуқуқлари Жамиятининг Фарғона водийси бўйича мувофиқлаштирувчиси
4–август , 2014-йил.