НАМАНГАНДА ТУҒИЛГАН ҚРИМ ТАТАРИ ПУТИН ҲУКУМАТИ ТОМОНИДАН УРИБ ЎЛДИРИЛДИ

 асосий эркинликлар, Инсон Ҳуқуқлари, ўиҳж, хабарлар  Add comments
May 072014
 


Илгариги мақолаларимизда Қримдан ота-онасини кўргани келган, асли Наманганлик Руслан Наимовни Қримдаги воқеаларга нисбатан муносабатини берган эдик. Руслан руслар Қримни босиб олмасидан олдин қариндошларининг олдига бориб ишлаб юрган.Унинг отаси Ҳасан аканинг айтишича Руслан Қримга кетгач у ерда Русларнинг уларга қўшилмаган татарларга нисбатан зулмига қарши чиққан. Шу иши учун Путин сиёсатига ҳизмат қилаётган миллатчи гуруҳлар Русланни уриб, ёнига пистолет ва ўқ-дорилар солиб, полицияга “Эта мусулманский террорист, убейти!”-деган. Полиция ҳодимлари Русланни ваҳшийларча калтаклаб ЎЛДИРИШГАН. Ҳозир Русланнинг акаси Марат ва отаси Ҳасан акалар Русланнинг жасадини олгани кетишди.

Ҳасан аканинг айтишича Қримдаги ва руслар қурол билан ноқонуний равишда босиб олган жойлардаги вазият рус матбуоти кўрсатаётгандек эмас. Путин ҳукумати воқеаларни фақат ўз сиёсатидан келиб чиқиб ёритаяпти. Сиёсатига қўшилмаган кишиларни Путин томонидан тиш-тирноғигача қуроллантирилган миллатчи гуруҳлар қурол билан уларни қўрқитиб, ўз томонларига ўтишга мажбур қилишмоқда.

Кўриниб турибди-ки халқаро жамоатчилик Россияга қарши қаттиқ санкцияларни тезроқ қабул қилмаса, Путин бутун Украинани қонга белашда давом этаверади.

 

Носир Зокир ЎИҲЖ нинг Фарғона водийси
бўйича мувофиқлаштирувчиси.
Зоҳиджон Зокиров ЎИҲЖ нинг Наманган вилояти
бўлими раиси

 7- май, 2014-йил.