ПУТИН ДЕМОКРАТИЯ ДУШМАНИ

Бирор-бир МДҲ мамлакатларининг бошига демократия тарафдорлари келиб қолса, ўша юртда уруш оловини, турли келишмовчиликларни келтириб чиқаришга ўрганиб қолган Россия президенти бу Украинада мағлубиятга учради. Путиннинг плани амалга ошмади. У истаган одам хокимиятдан четлатилди. Нима эмиш Украинанинг ҳозирги ҳокимият тепасига келган кучлар фашист, миллатчилар эмиш. Путиннинг ўзи эмасми хокимият тепасига келгандан буён миллатчилик сиёсатини олиб бораётган. Биз аминмиз, Путин Украинада ўзини кўрсатиш орқали бошқа МДҲ давлатларини раҳбарларини, “Кўриб қўйларинг! Ҳамманг бизни қўлимиздасан! Ғинг десанг юртингда уруш бўлади, ҳокимиятдан четлатиласан! Бизга тобе бўлиб юрсанг Януковичга ўҳшаб бизнинг “любимчигимиз” бўлиб ҳоҳлаганингча хокимиятда тураверасан”-деб огоҳлантирмоқчи эди. Лекин у мағлубиятга учради. Шунга чидай олмай, бир неча асрлар давомида шаклланган усул, босқинчилик билан Украин халқини қўрқитмоқчи бўлаяпти.

Қримда эҳтимол одамларнинг қўлига пул бериб, гўёки ўз сиёсатини қўллаб-қувватлатиб, одамларни митинга олиб чиқаяпти. Сотқин руспараст Қиримлик сиёсатчиларни ҳар ҳил баёнотлар беришга ундамоқда. Шу йўллар билан ўз мағлубиятини ёпишга ҳаракат қилмоқда.Янукович вақтида кўтарилмаган, Украинанинг Россиядан газ борасида қарзи борлиги масаласи энди кўтарилаяпти. Ваҳоланки,Янукович хокимиятдалигида эса Путин Украинага ёрдам қўлини чўзмоқчи эди.

Энди халқаро жаоатчилик Кремлъни аямай жазолаши лозим. Орқага йўл йўқ. Ҳеч қандай Путинга ён берилмаслиги керак.Агар озгина беэътибор бўлинса бу Путин деганлари биз томонларга ҳам қон қўлларини чўзиши мумкин. У демократия душманидир. Буни жаҳон оммаси беш қўлдай билиши керак.Биз Украинадаги соф демократик кучларни қўллаб-қувватлаймиз. Эй, Путин, Қиримдан қўлингни торт!

Носир Зокир

 Ўзбекистон Инсон Ҳуқуқлари Жамиятининг Фарғона водийси бўйича мувофиқлаштирувчиси

3– март, 2014-йил.