ХИЗМАТЧИДАН  ЎЗИНГ САҚЛА

 

Ғафур   ЙЎЛДОШЕВ

 

             ХИЗМАТЧИДАН  ЎЗИНГ САҚЛА

 

Ўғринча телефонда гап тинглаш – 

                Ватанга хизмат эмиш!

Ҳамюртига айғоқчи бўлиш –

                Ватанга хизмат эмиш!  

Ўзинг сақла Худойим,

                          хизматчи бўлишдан!

Халқ мардикорга кетаяпти гурас-гурас,

Болаю-қарининг чироқсиз,

                             газсиз яшаётгани рост –

Бироқ, хизматчиларнинг кўзлари сўқир,

Оммага фақат ёлғонларни ўқир,

Изоҳларда фақат иғволарни тўқир.

Ўзинг сақла Худойим,

                         хизматчи бўлишдан!

 

Юртни севган менман-у,

Мени ватанфуруш дейди!

Юртда одам отган отаси-ю,

Хоин деб мени бошимни ейди –

Буни яна ватанга хизмат дейди!

Ўзинг сақла Худойим,

                  Бу тахлит хизматчи бўлишдан!

Хизматчилардай –

            иймонсиз бўлишдан,  

Хизматчилардай –

             гадо ор қилувчи унвонда юришдан, 

Хизматчилардай –

             рўзғор тебратиб,

                      боласига ҳаром едиришдан,

Ўзинг сақла Худойим!   

********** 

071\2014