Огоҳ бўлинг!

Жорий йилнинг 25 декабрь куни мен Андижон шаҳрига иш юзасидан бориб
қайтаётган эдим.  Наманган шаҳрининг Норин тумани Ҳаққулообод
шаҳарчасига етиб келганимизда автомобиль юрадиган катта трассалар берк
эди. Гап нимада эканлигини тушуна олмадик. Қарасак Ҳаққулобод  бекатида
бир аёл Лўли аёлни дўппослаётган экан.

Мен нима учун Лўли аёлни дўппослашаётганини  суриштириб кўрсам ,  бундан бир хафта бурун Норин туманида ишловчи  милиция ходимининг 4- синфда ўқиётган ўғлини ўғирлаб кетишган экан. Лўли аёлни ҳалиги дўппослаётган аёл таниб қолган. У милиция ходимининг қўшниси экан. Ҳалиги лўлини  ураётган аёл қаергадир қўнғироқ қилди . сўнгра орадан 20 дақиқа вақт  ўтгач оқ рангли “Дамас”
русумли автомобилда 2 милиция ва битта фуқаро кийимидаги тахминан 40
ёшлардаги йигит келди. Лўли аёлдан -Бола қаерда?- деб сўрашди. Бола
Наманганда- деб жавоб берди у. Лўли аёлни  оқ рангли “Дамас” русумли
автомобилига солиб кетишди.

Тахминан ярим, бир соатлар ўтганидан сўнг шу автомобилда узун бўйли лўли йигит, кичкина бола ва ҳалиги лўли аёл билан келишди. Боладан – сени қандай қилиб олиб кетишди?- деб сўрашганида . Мен дўконга нон олгани чиқиб кетаётувдим. Олдимда оқ рангли “Дамас” турганди. Орқамдан кимдир оғзимни ёпиб кўтариб Дамасга солиб олиб кетди- деб жавоб берди.

Аммо савол туғилади , нега энди айнан мелиция ходимининг боласини
ўғирлашади? Мен халиги иккита милиция ходимидан бунинг сабабини
сўрадим, унинг айтишича бу гуруҳ илгаритдан  наркотик моддаларни сотиш
билан шуғилланиб,бир неча маротаба қамалиб чиққанини айтди.Лекин
барибир саволларимизга тўлиқ жавоб топа билмадик. Воқеа давомини
кузатишда давом этамиз.

Зоҳиджон Зокиров
Ўзбекистон Инсон Ҳуқуқлари Жамияти Наманган вилояти бўлими раиси.

 27–декабрь, 2013-йил.