Юсуф Расул: Ўғриликнинг яширин сирлари.

 асосий эркинликлар, демократия, Инсон Ҳуқуқлари, ислом-ва-демократия, мақолалар  Add comments
Mar 042013
 

“Замондош” учун махсус

Фахриддин Худойқуловга!

Фахриддин ака, сизни олдинлари ҳурмат қилардим. Яхши инсон эдингиз, самимий, оқкўнгил ва ҳақгўй. Лекин менга қарши кампания бошланиб кетгач, сизни таний олмай қолаяпман. Веласапед ўғриси деганингиз нимаси ака? Мени веласапед ўғирлаб, полицияга тушганим ҳақида қўлингизда бирор исбот, далил борми? Бу қуруқ туҳмат-ку!

Журналист аввало далилларга суяниши керак эмасми? Веласапед воқеаси ҳақиқатдан бўлган, лекин сиз ўйлаганчалик бу ўғрилик эмас эди.

Биз олдин Тимра шаҳрида яшардик. Абу Наср деган Сомалилик бир дўстим бор эди. Мен унга мошина ҳайдашни ўргатиб, ҳайдовчилик гувоҳномаси олишига ёрдам бергандим. Абу Наср бошқа шаҳарга кўчиб кетаётган пайтда унга юкларини ташишга ёрдам бердик. Уни иккита бузуқ веласапеди мошинага сиғмай қолди. “Юсуф, шуларни сиз олинг, бирор кишига берарсиз” деб ташлаб кетди. Мен уларни эски валасепедлар турадиган жойга қўйиб қўйгандим. Чимкентдан келган Карим ака ва Баҳодир деган ўзбек миллатдошларимизга шуларни тузатиб миниб юринглар деб бериб юбордим. Валасапедларни ўхшатиб, анча вақтгача ҳайдаб юришди. Улардан бири- Баҳодир уч ойлардан кейин Қозоғистонга қайтиб кетди. Валасапедни менга олиб келиб топширди. Ўша пайтда шаҳримизга Тоҳиржон деган андижонлик биродаримиз кўчиб келган эди. Унга ҳам валасапед керак бўлиб қолган экан. Шу “икки ғилдиракли авлиё”ни унга топширдим. Ўша пайтлар биз ҳам бошқа шаҳарга кўчиб кетадиган вақтимиз эди.

Хуллас, Тоҳиржон веласапедни миниб, “Лидл” деган магазинга борса, бир швед аёл “Валасапед меники” деб унга ёпишиб олиб, полицияга хабар қилибди. Полиция етиб келгач, Тоҳиржон менга телефон қилди. Мен полиция ходими билан телефон оқали гаплашиб, веласапед менга тегишли эканини, уни Сомалилик Абу Наср деган дўстим менга ташлаб кетганини тушунтирди. Полиция ходими, “Бўпти, тушунарли”, деб телефонни Тоҳиржонга берди.

Хуллас, ўша куни, улар веласапедни қайтариб ўз эгасига топширишган. Бу воқеадан кейин мен Абу Насрга телефон қилиб, нега ўғирланган валасапедни менга ташлаб кетганини сўрадим. Унинг ҳам бу ўғриликдан хабари йўқ экан. Валасапедларни “Секонд Ҳанд”дан сотиб олганини, қўлида ҳужжатлари борлиги, ўзи полицияга телефон қилиб, тушунтиришини айтди.

Шунақа гаплар.

Бу воқеалар мени бировни мулкини атайлаб ўғрилаганим исботи эмаску Фахриддин ака! Сиз эса бирор асоссиз, далилсиз мени ўғрига чиқариб ўтирибсиз.

Асл ўғри сиз эмасми? Мен 2007 йилдан ҳар ойда пулини тўлаб ишлатиб келган, 7 йиллик хизматим сингган, минглаб ўқувчиларга, мухлисларга, миллатдошларимизга таниш бўлган “Янги Дунё” саҳифаси доменини куппа- кундуз куни ўғирлаб кетганингиз бу факт-ку! Ҳозир ҳам мени сайтимни ҳеч нарса бўлмагандек ишлатиб юрибсиз-ку! Бу ўғрилик бўлмай нима, ака!

Одам ҳам шунақа безбет бўладими? Яна ҳеч нарса бўлмагандек, кўзингизни лўқ қилиб, бу сайтга эгалик иддаосини қиласиз. Саҳифа сизники бўлса, нега уни Эрк партияси ва ЎХҲ оёғини остига ташлаб қўйибсиз? Олдин “Янги Дунё”га кунига 4 мингдан 7 мингагча ўқувчи кирарди. Ҳозир сиз бошқараётган бу саҳифага кунига 100 одам кирадими? Кирмайди, бунга ишончим комил. Чунки, халқимизга бунақа бирёқлама, фақат бир гуруҳ манфаатларига хизмат қиладиган матбуот воситаси керак эмас. Одамлар эркин фикрга, эркин матбуотга, демократияга муҳтож.

Мен сиздан бир нарсани сўрамоқчи эдим: Қачонагча бу ўғриликни бўйнингизга олиб яшамоқчисиз? Шармандангиз чиқиб кетдику ака! Бундай шармада бўлиб яшаш кимга ҳам ёқарди…

Сиз бунақа сайтларни кўпини ташкил қилиб сотгансиз-ку. Ўзингиз айтган эдингиз, “хостингга “Янги Дунё” каби яна 50 та доменни боғлаб, ҳар бири учун ойига 50 доллардан оламан, шу боис сиз жузий 25 доллар тўлаб турсангиз кифоя” деб. Мен ҳар ойда сизга PayPal орқали пул тўлаб борган эдим сизга тегишли веб хостинг учун. Бу пул жўнатмалари банкдаги архивимда турибди. Бошқалар ишонмаса уларни сканер қилиб, айнан шу ерга қўйишим мумкин.

Ака, мен ҳам сиз каби Швециядан алоҳида веб хостинг сотиб олгач, Дадахон Ҳасанга, Абдулазиз Маҳмудовга, Гулчеҳра опага, бошқа кўплаб сиз танимаган кишиларга алоҳида сайтлар очиб бердим. Пулини ўзим тўлайман. Лекин бу сайтларни эгаси менман деб даъво қилмайман. Бу сайтлар эгаси ким ишлатиб юрган бўлса, ким муаллиф бўлса ўшаники ҳисобланади. Сиз “Янги Дунё”ни ўзингиз ишлаётган ширкатдан рўйхатдан ўтказиб олиб, бу сайт менга тегишли деб иддао қилишингиз мантиқсизлик эмасми? Агар бу саҳифа сизга тегишли бўлса, шу сайтда чиққан ақалли бир дона мақолангизни “Замондош”ни ўқиб турган минглаб ўқувчиларга кўрсата оласизми? Майли шу етти йил давомида ақалли битта мақолани ўзингиз айтганингиздек эгаси бўлган “Янги Дунё” сайтида эълон қилган бўлсангиз мен кўпчиликни олдида ваъда бераман, шу сайт сизники! Ўзим ташкил қилган www.yangidunyo.org домени боғланган сайтни ҳам тепасига бу саҳифа Фаҳриддин Худойқуловга тегишли деб ёзиб қўяман. Ишонинг, чин эркакча сўзим…

Лекин бундай қила олмайсиз. Тамом, вассалом. Чунки, ўғри мушукдек панадан туриб чанг солганингиз “Янги Дунё” саҳифасига сизни умуман алоқангиз йўқ. Бу саҳифанинг минглаб ўқувчилари, ўнлаб муаллифлари бор эди. Уларнинг қўллари сизни ёқангизда турганини ҳамиша ҳис қилиб турган бўлсангиз керак ҳар ҳолда.

Ҳозир, Фахриддин Худойқулов нега мени саҳифамни ўғирлаб кетди, деб ўйлаб, охири шундай хулосага келдим. Бу назоратдан чиқиб кетган матбуот воситасини йўқотиш… Ҳа, айнан шундай… Сизга ва ўқувчиларга ўйлаб кўриш учун баъзи ишоралар… Сиз кейинги бир йил орасида Канададаги Туркистонлик Уюшмаси раҳбари сифатида Ўзбекистоннинг АҚШдаги элчихонаси жуда яхши алоқага киришиб юрибсиз. Бу ҳаракатларингиз самараси ўлароқ ёнингиздаги баъзи инсонлар бемалол Ўзбекистонга бориб келиб юришибди. Сиз ҳам икки марта Тошкентга бориб келдингиз деб эшитдим. Лекин аниқ далилга эга эмасман бу ҳақда. Демократик сайтни йўқотиш истагингиз сабаби нимада эканини энди тўла англаб етгандайман.

Энди нега бу сайтни ислом ақидаларига суяниб яшайдиган, исломчи радикалларни тўплаб олган Ўзбекистон Халқ Ҳаракати қўлига бериб қўйишдан мақсадингиз нимада экани ҳақида. Исломчи радикаллар ва террорчи гуруҳлар асли ҳукумат қўлидаги қўғирчоқ эканлиги бугун кўпчиликка сир бўлмаса керак. Ҳукуматнинг халқ ичидаги норозиликлар тўлқинини босиб туриш учун ўйлаб чиқарган “ваҳобий”, “Ҳизбутчи”, “жиҳодчи” каби уйдирмалари Ислом Каримовни мана 23 йилдирки ҳукумат тепасида қолишига асосий (!!!!) восита бўлиб хизмат қилмоқда. “Террорчи гуруҳлар таҳдиди боис ҳукумат Ғарб ва Европадан қанча молиявий ёрдам олаётгани сизга аён бўлса керак. Ҳукумат нега радикал диндорларни қўллаб хорижда ҳам олдинига “Исломий Жиҳод” ташкилотини ташқил қилгани, у яхши натижа бермагач исломий сиёсий ҳаракат (Ўзбекистон Халқ Ҳаракати) ташкил қилгани сабаби нима экан? МХХ ёрдами билан ташкил қилинган ЎХҲ (МХХ қўғирчоғи бўлган “Акромийлар” нега бу ташкилотни ташкил қилиб, кейин жуфтакни ростлаганликлари, содда Муҳаммад Солиҳни бир ўзи ялпайиб бу ташкилотда қолиб кетиши !!!) ва бу ташкилотни нега сиз каби ҳукуматга яқин киши қўллаб келаётгани сири ҳам шунда эмасмикан? Нега “содда сиёсатчи” Муҳаммад Солиҳни ўйнатиб ётганларингни ҳеч ким тушуниб етмайди деб ўйласангиз… Нега Намоз Нормўмин каби провакаторлар бемалол ЎХҲ ичида яйраб юргани сабабини ҳеч ким билмайди деб ўйласангиз…

Сиз “содда ўзбеклар” деб халқимиз устидан очиқчасига кулибсиз. Ака, халқимиз сиз ўйлаганчалик содда эмас. Хорижда сизга ўхшаган ўнлаб жосуслар изғиб юришганини биз яхши биламиз. “Янги Дунё” атрофида ҳам бир иккитаси айланиб қолганда думини тугиб юборганим эсингизда бўлса керак. 

Яна бир гап. Олдинлари “Янги Дунё” Канадада эканлигида сайтда Муҳаммад Солиҳни танқид қилувчи бирор фикр ёки изоҳ чиқса дарров ўчириб қўяр эдингиз. Доменни Швецияга кўчириб ўтқазганимиздан кейин сиз бу цензурлик ҳуқуқидан маҳрум бўлиб қолдингиз. Кейин турли йўллар излаб охири, доменни ўғирлаб кетиш йўлини топдинглар. 

Бу билан мақсадингизга эришдингизми? Мен “Янги Дунё”ни қайтадан янги доменда ташкил қилдимку. Мени қўлимдаги бир восита бўлган сайтни тортиб олиб, ўз чиркин мақсадимизга эришамиз деб ўйлаган бўлсангизлар керакда. Лекин хом сут эмган бандалар, бир нарсани эсдан чиқариб қўйибсизларку! Мени қўлимдаги қаламни, мендаги ижодкорлик истеъдодини, журналистик иқтидорни тортиб ола билмайсизларку! 

Шунақа гаплар ака! “Янги Дунё” ўғриси, сўз ва матбуот эркинлиги душмани, МХХ малайи деган деган янги унвон муборак бўлсин сизга! Бу тавқи лаънатни энди умр бўйи елкангизда кўтариб юрасиз. Оғир бўлса ярмини ака- ука Бобожоновларга беринг! Улар бу юкни кўтаришга сизга яқиндан ёрдам беришади…

Ҳурмат билан укангиз ЮР

Отправить по электронной почтеНаписать об этом в блогеОпубликовать в TwitterОпубликовать в Facebook

Жойлади: Замондош Вақт 4.3.13

13 Изоҳлар, фикр-мулоҳазалар:

Uzbek
Yusuf Rasul,
Men sizning ham Fahriddin Hudayqulovning ham, qolaversa M. Solihning ham tarafdori emasman. Lekin, shuncha paytdan beri G’arbda yashayotgan bo’lsangizda, huquqiy tomondan savodsiz ekansiz. Yana bu erda demokratiya, so’z erkinligi deb jar solasizlar. Avval demokratiya va so’z erkinligining ma’suliyati to’g’risida biroz fikr qilinglar. Oddiy bir o’zbek sifatida shuni aytmoqchimanki, aksariyat o’zbeklar silarning mana shu janjallaringdan charchadi. Sizlarning o’zbek halqiga keltirayotgan zararlaring hukumatdagi porahorlardan kam bo’lmayapti.
14:56
Анонимный
Yusufjon do’stim,
Bo’ldi qiling bu diydiyolarni. Amaliy ishga o’ting. Iloji bo’lsa yangi nomdagi sayt oching. omad ishlarga.
16:24
JULQUNBOY
Абу Наср деган Сомалилик бир дўстим бор эди. Уни бузуқ веласапеди мошинага сиғмай қолди. “Юсуф, шуларни сиз олинг, бирор кишига берарсиз” деб ташлаб кетди. Чимкентдан келган Карим ака ва Баҳодирга шyни тузатиб миниб юринглар деб бериб юбордим. Валасапедларни ўхшатиб, анча вақтгача ҳайдаб юришди. Улардан бири- Баҳодир кейин Қозоғистонга қайтиб кетди. Валасапедни менга олиб келиб топширди. Ўша пайтда Тоҳиржон деган андижонлик кўчиб келган эди. Унга ҳам валасапед керак бўлиб қолган экан. Шу “икки ғилдиракли авлиё”ни унга топширдим. Хуллас, Тоҳиржон веласапедни миниб, “Лидл” деган магазинга борса, бир швед аёл “Валасапед меники” деб унга ёпишиб олиб, полицияга хабар қилибди. Полиция етиб келгач, Тоҳиржон менга телефон қилди. Мен полиция ходими билан телефон оқали гаплашиб, веласапед менга тегишли эканини, уни Сомалилик Абу Наср деган дўстим менга ташлаб кетганини тушунтирди. Полиция ходими, “Бўпти, тушунарли”, деб телефонни Тоҳиржонга берди.
Абу Наср Валасапедларни “Секонд Ҳанд”дан сотиб олганини айтди.

Usha velosaped aylanib, aylanib qanday qilib USAdagi Shuhrat aka Ahmadjonovga borib qolganiga hayronman !

Ammo, tug’risini aytish kerak bu valasaped tushmagur O’zbek Muholifatiga hech yaramadi, yaramadi-da! Har kuni balloni yorilarmish… Har kuni kamer almashitirovurib Shuhrat akaning qo’llari ham pakrushka bo’lib ketibdi. Shuhrat akaning o’zi aytdi va bu haqida yaqinda BMT-ga 565 sahifalik shikoyat tayorlamoqchi ekan.

16:36
Анонимный
Uzbekning gaplarida jon bor
17:08
Анонимный
Gazeta.ru saytiga Alisher Usmonov birorta maqola yozmaydi, ammo sayt xodimlariyu uning redaktori sayt USmonovga tegishli ekanligini yaxshi biladi. Hech qachon apandiga o’xshab Usmonov maqola yozmagan, endi sayt bizniki demaydi.

Bunaqa misollarni lyuboy mediaga tegishli minglab keltirish mumkin.

Sal jiddiyroq bo’ling.

17:48
Холис
Анонимный 17:48 сизни гапингизда кисман тугри, кисман нотугри. Тугрлиги Алишер Усмановнинг нафакат битта сайт яна канча медиблоглари бор. У хужайин ушаларга. Чунки у уша интернет сайтларни тулалигича моддий таъминлайди. Ресурс учун пул, журналистлар учун зарур техника, ойлик маошу , ижтимоий химоя ва хакозо.

Юсуф Расул ёзаётган холатда Фахриддин Худойкулов бир тийин туламагану канакасига сайт эгаси булади. Просто ЮРни бу сохада тажрибасизлигидан фойдаланган холос. Бир хулоса чикаришдан аввал озгина мантикка хам суяниш керак. Алишер Усманов каекдаю бу Фахриддин ким?

18:39
Анонимный
YUSUFJON, FAHRIDDIN OMMANI ALDAMANGLAR, HADEMAY ANVAR KARIMOV, IKKALANGIZNI TUZLAYDI.
20:17
Nodira
Juda uzoooq chaynaldingizda lekin? Kimga foyda bundan? Naxotki,bu xam diktaturaga qarshi kurashning bir ko’rinishi bo’lsa?
22:20
Анонимный
Бир нарсани тушунмайроқ турипман. Юсуф ўша Тохирга бўяб сотганми валасапитни? Тоҳир имом бўлганми ёки имомга бошқа валасапит текканми? Ранги қанақа бўлган? Нечта бўлган ўзи Юсуфдаги валасапитлар сони? Қаердан уларни ўғирла… э ўхшатиб олган? Эгаси топиб рангги бошқача эди деган гаплар бор… Бунга билганлар озроқ ойдинлик киритса… хангамада бу қизиқ.
22:25
Feruzahon
E uziyamchi kechirasizlarku qupol gapim uchun moral’no ezadigan hilidan ekansizlar. Erkak odam ham shunaqa lattachaynar buladimi-a? Bulgan ish buldi, utdi ketdi. Kim qanaqa odam ekanligini vaqt kursatadi. Shu Yusuf Rasul qachon qarasa kim bilandir urishgani urishgan. Bu odamga hamma yomon ekande. E yahshi inson bulsang nimaga hamma bilan urishasan. Hali u teshikka suqib kuradi uzini, hali bu teshikka. Erkak odam ham shunaqa beburd buladimi? Hammaga Rizo akani, Jahongir akani yomonlab yana bezbetlarcha yordam surashinichi. Tavba. Bunaqa odamlarga umuman ishonmaslik kerak. Pul uchun jigarniyam sotadigan hilidan ekanda uzi. Betayin, subutsiz. Rizo aka, iltimos yuqoting bunaqa odamlarni saytingizdan. Baribir qilgan yahshiligingizni bilmaydi u. Tuz ichgan joyiga tupuradigan hilidan.
23:02
Hangoma
Biz sovet payti maktablarida ishlaganmiz. Yuqoridagilarni o’qib bir voqea esimga tushib ketti.

Paxta terimi vaqti har hafta yakuni buyicha kolxoz idorasiga shtabga chaqirishib har bir o’qituvchidan uning sinfida nechta o’quvchi bor va bir kunda necha kilo norma bo’yicha paxta terish keragu qancha terdi, agar normadagi paxtani tera olmagan bo’lsa nima sababdan tera olmadi o’qituvchini tippa-tik qilib qo’yib kolxozga vakil bo’lgan viloyat rahbari savol so’roq qilar edi.

Shunday so’roqlardan birida juda joniga tekkan ekanmi bir yosh matematika o’qituvchisini sorqlaganda norma nega bajarilmagani sababini quyidagicha tushuntirgandi. So’roqlayotgan oblast komsomol komitetini birinchi sekretari edi. Domla bunday dedi:

30 ta o’quvchi bor sinfimda, 1 tasi bugun paxtaga chiqmadi. Bittasi paxta termayman deb qochgan edi orqasidan quvib ketdim. U qochib borayotib qabristonni ichiga qarab yugurdi, men ortidan qabristonga kirdim. Uni shu joyda ko’zdan yo’qotib atrofga alanglab borayotgandim ochiq go’rga yiqilib tushdim. Hushimdan ketib qolibman. O’zimga kelib qarasam ochiq go’rda yotinman. Shunda kechki payt gir-shira bo;lib qolganekan. O’rnimdan turaman desam oyogim zirqillab ogriyapti. Silab ko’rsam singan ekan. Bir balo qilib o’rnimdan turib bir oyoqlab medpunktga bordim, perevyazka qildirib dalaga qaytib kelgunimcha qorongu tushdi. Tabelchidan qolgan bolalar qancha paxta terganini so’rab daftarimga yozib oldimda mana shtabga etib keldim dedi.

Oblastdan kelgan komsomolvakil sal galatiroq ovsarroq edi. San mani kalaka qilyapsanmi “ha, onangni ” deb haligi yosh o’qituvchiga tashlanib qolgandi u bir silkinib chap bergandi vakil kabinetning boshqa burchagiga borib gursillab tushdi. Ozroq shirakayf ekan o’rnidan tura solib ogzidan ko’piksachratib haligi domlaga onasini haqorat qilib tashlangandi domla ham ” ha, sani onangni ” dedida qulochkashlab solgandi vakil yuz tuban yiqildi.
Keyin haligi domla bilmadim nima qildi harqalay paxtada umuman qatnashmadi, kasalxonda yotib chiqdi. Keyin yana maktabga ishga qaytdi.
Unga o’xhshab bu valasapit voqeasi ham usha “na, sani onanyni voqeasiday yomon cho’zildi.

23:17
Feruzahon
Tagin buyo kishim jurnalistman deb jar solganiga ulaymi. Oldin tugri yozishni urganing urtoq jurmalis Rasulov! ‘Valasaped’ emas VELOSIPED buladi. Rus tili bagoyatda boy til subbota desa ham buladi, shestnica desa ham buladi, deydigan hilidanda bunaqa jurnalistlar.
23:38
Анонимный
Velasaped o’g’irlash kerak-masda endi. Mashina o’g’irlanglar tan beraylik.
23:42

http://zamondosh.blogspot.ie/2013/03/blog-post_2134.html#more