Гулшан Қораева:-Мен касаллигимни бутун дунёдан яширганим йўқ.Яширмайман ҳам.

 асосий эркинликлар, Инсон Ҳуқуқлари, ўиҳж, хабарлар, ҳуқуқбон  Add comments
Sep 212012
 

21 сентябрь куни, тахминан эрталаб 10.00ларда участка нозири Азизбек келиб,менга чақирув хати (повестка) ташлаб кетди.

Мен боролмаслигимни, яьни соғлигим ёмонлашганини айтдим.

Ёзиб беришимни талаб қилди.

“Соғлигим йўқлиги сабабли боролмайман”деб ёзиб бердим.

Файлда чақирув хати ҳам бириктирилган.

Участка нозири кетди.

Майда-чуйда дориларни олишим керак эди.Шуларни олиш мақсадида дорихонага бориб келдим.

 

Ёнимда уларни олишга пулим етмади.Қайтиб келиб ўтирсам,қизим келиб “ая сизни Азиз ака деганлари чақираяпти”деб қолди.

Яна нима гап экан деб чиқдим.Бир парча  қоғоз кўтарган участка нозиримиз турган экан.

-“Гулшан опа, сиз даволанаётганингизни исботлаб беришингиз керак,қаерда даволанаяпсиз”-деди.

-Мен уйда даволанаётганимни айтдим.Уни исботлаб беришим учун махсус экспертиза келиб кўрсин,қўпол бўлса хам,”думмамни” ва қўл томирларимни келиб кўришади.

 

Мен касаллигимни бутун дунёдан яширганим йўқ.Яширмайман ҳам.

Мана ҳозир яна мани тобим қочди, Қон босимим кўтарилаяпти, менимча  мени шундай йўл билан ўлдиришмоқчи чамаси.

Агар менга бирон-кор ҳол рўй берса.Қарши шахар ИИБ терговчиси Илҳом Шералиев ва участка нозиримиз Азизбек сабабчи деб билинглар.

Менга энг авало биринчи навбатда соғлигим мухим.

 

21 сентябрь, 2012 йил.

Гулшан Қораева

Ўзбекистон Инсон Ҳуқуқлари Жамияти

Қашқадарё вилоят бўлими раиси.