ОҚ САРОЙГА ШОШИЛГИН,САРОЙГА!

 

Ош,Ош,кўтар бош! Ош,Ош,кўзинг Оч! Ош,Ош,Шаҳдам  одим от!

 

Хўрликлардан эзилган элим,

Кўрсам кабоб бўлади дилим.

Очилмасдан сулмасин десанг,

Гулзордаги ранго-ранг гулим!

Иккиланма,олға бос,югур,

Тезроқ танла кўрсатган йўлим.

Олойга шошилгин,Олойга!

 

Фурсатни бой бермайин десанг,

Кейин  аттанг қилмайин десанг,

Ортиқ азоб емайин десанг,

Оқ саройга шошилгин,Саройга!

 

Бу режимни қалқисин десанг!

Бахт қуёши балқисин десанг!

Диктаторга  дунё танг бўлсин десанг!

Оқ саройга шошилгин,Саройга!

 

Иккилансанг,чекинсанг,

Ёлғизланиб қоласан!

Ёвнинг ҳийла макридан,

Тинканг қурур,толасан!

Оёққа қалқи тез,оёққа!

 

 

“Бирдамлик”га бирлашсанг агар,

Жабру жафо чекмайсан жигар.

Ҳадик ила иккилансанг гар,

Умр зоя кетар,вақт мисоли- зар!

Оёққа қалқи тез, оёққа!

 

Бошда синган калтаклар,

Бас,барҳам бергин,етар!

Журъатлироқ бўлсанг гар,

Бу тузимга дарз кетар!

Оқ саройга шошилгин,Саройга.

 

Тўқ,тўкин яшай десанг,

Ҳурлик тиғини кўтар!

“Бирдамлик”га бирлашсанг,

Диктатор тугаб,битар!

Оёққа қалқ,оёққа!

 

Озод яшайин десанг,

“ОШ” тадбирин байроқ қил!

Эркни тортиқ қилувчи,

Бирдамликдир,шуни бил!

Оқ саройга шошилгин,Саройга!

 

Малоҳат

http://birdamlik.info/?p=23695

“ОММАВИЙ ШОДЛИК” – ОШ МАРАФОНИ ДАВОМ ЭТМОҚДА

 

Ўзбекистоннинг расмий мустақиллик куни  –1 сенбярь мносабати билан “Бирдамлик” Халқ Демократик ҳаракати ташаббуси билан эълон қилинган “Оммавий Шодлик” – Ош марафони давом этмоқда.

Ҳаракат мурожаатига кўра мазкур марафон давомида Ўзбекистон аҳли Каримов режимига қарши ўз норозиликларини оқ либос кийиш орқали намойиш этишлари кўзда тутилган эди. Шунингдек,ОШ иштирокчилари оқ либосда тушган суратларини марафоннинг танлов ҳайъатига тақдим этишлари ҳам талаб этилган.  Ўтган икки кун давомида “Оммавий Шодлик” ни ўз қарши қарашлари билан кутиб олишни истаган юртдошларимиздан танлов ҳайъатига  оқ либосда туширилган суратлар  келиб тушмоқда. Сизга маълумки,танлов ҳайъатининг тавсиясига асосан  марафонда ўз суратлари билан  ғолиб деб топилган ватандошимиз ҳомийларимиз томонидан тақдим этилган моддий кўмакнинг 50 фоиз миқдоридаги маблағ асосида рағбатлантирилади. 1-,2- ўринга муносиб деб топилганлар келиб тушган молиянинг 25 фоизини қўлга киритадилар. 3 та 3 ўрин шоҳсупасига кўтарилган иштирокчилар ҳам салмоқли сармоянинг  соҳибларига айланишади.

“Бирдамлик” Халқ Ҳаракати Матбуот хизмати  ҳозиргина Ҳаракатнинг молиявий ишлар бўйича  раҳбар ўринбосарининг билдиришига асосланиб, марафон муносабати билан ҳисоб рақамига тушаётган моддий қўллаб-қувватловларнинг салмоғи хусусидаги маълумотга эга бўлди.  Молиявий бўлимнинг ҳисоботига  кўра,2 сентябр куни АҚШ вақти билан то кундузги соат 12.00 га қадар Ҳаракатга саҳоватпеша 4 нафар ватанпарварларимиз томонидан марафон муносабати билан 500 АҚШ доллари тортиқ этилган.

–                     Келишувга кўра,ҳиммат кўрсатган юртдошларимизнинг исм-шарифларини очиқлай олмаймиз,–деди Ҳаракатнинг молиявий масалалар бўйича мутасаддиси биз билан бўлган суҳбатда,–Бироқ,  молиявий жиҳатдан қўллаб-қувватлаган юртдошларимизга  Ҳаракатимизнинг чексиз миннаддорчилигини етказиб қўйиш бурчимиздир…. бу ҳали бошланиши,марафонимиз давом этмоқда…

Шуни ҳам таъкидлаш керакки,“Бирдамлик” Халқ Демократик ҳаракати таниқли ҳуқуқ ҳимоячилари Саломат Бойматова ва “Альянс” инсон ҳуқуқларини ҳимоя қилиш ташкилотининг етакчиси Елена Урлаеваларнинг “Оммавий Шодлик” марафонидаги  фаол иштирокларини,беминнат қўлловларини ҳам эътироф этади ва  ушбу фидойи,жасоратли аёлларга ўз ҳурматини изҳор қилади.

Эслатиб ўтамиз,“Оммавий Шодлик” марафони 10 сентябрга қадар давом этади. Марафон танловининг натижалари билан 15 сентябрь куни танишишингиз мумкин.

“Бирдамлик” халқ демократик ҳаракати Матбуот хизмати

 

http://birdamlik.info/?p=23691

 

 

ДОҒДА ҚОЛДИРДИМ…МИ?…

Вой,мен буларни тушунмайман-да! Бу ерда,“дом”имни тагида учтаси нима қилиб ўтирибди қўлидан бир иш келмаса полизнинг кўриқчисига ўхша-аааб? Нима,шу ношудлар учун ҳалқнинг минг-минглаб маблағи сарфланадими ҳали? Шугиналар “полизнинг қўриқчиси” бўлгани учун отнинг калласидек ҳақ ҳам оладими энди?

Мана,худди тоғни талқон қилиб,дарё ўзанини буриб қўйган кишидек савлат тўкиб турганини кўрмайсизми буларнинг?! Мақсад шу,сизу биз билган ўша гап-да:2 сентябр кунида мени оқ куйлак кийиб кўчага чиқрамасликнинг,марафоннинг “белига тепмоқ”ликнинг кафолатини олишган булар.   Майли,қўлингиздан келса,билганингизни қилинг дедим-да,шу тобда шумлигим тутиб кетди. Ҳа,нима,ёвузликка қарши маккорлик ҳам қилиш керак-да,ахир.

Эрталаб ҳеч нарса кўрмагандек қизимни етаклаб яна  бозорга борадиган бўлиб қолдим. “Эй,яна “Фарҳод”гами,роса чайналиб,юракни сиқаркансан-да?!” деманг,бурнингизни жийирманг. Гапни охиригача эшитинг-да энди. Биринчидан,“Фарҳод”га эмас,“Бек барака”га. Ҳув тунов кун қора ниқоблилар ишғол қилган бозорга,билдингиз… Мана бу ғалвалар билан бўлиб,мактаб бошланганиниям билмай қолибману? Қарасам,қизларга кийим-бош ҳам харид қилмаган эканман. Эрталабдан қизим норози тўнғиллаб асабни арралади:“Эртага ўқиш. Нима кийиб бораман энди,ойи-ии-иии?” деб. Ўйланиб қолдим. Жудаям ношуд ота-она бўлдик-да ўзиям. Эсим борида бор йўғи иккитагина туғиб қўйган эканман. Ўз ўтмишимни ўйласам,қўлидан кетмони тушмайдиган отам( чин маънодаги отам ҳақида гап кетаяпти. Юрт отаси деган ўйга борманг-а яна)га “уни оберинг,буни оберинг” деб ҳечам хархаша қилмаган эканмиз. Йўқ,савлатидан сесканганимиз учун эмас,албатта. Сабаби,гарчи оилада 9 фарзанд бўлсак-да,пахта эгатидан ўзга элни кўрмаган отам шўрлик хархаша қилишимизга ҳам ҳожат қолдирмасдилар. Мактаб бошланишига ҳали бир ой бору,бизни етаклаб бозорга об тушардилар,бош-оёқ сарпо-суриқ қилиб берардилар…  Оҳ,отам-а…Бир қўли урушнинг ўқида “қайрилган” бу одамга 9 боланинг кўнглини ўкситмай ўсдириш осон бўлмаган бўлса керак? Бу ҳақда ўша пайтларда ўйлаш қаерда. У пайтларда осмоннинг энг паға булити устида сузиб,самони кезиб,орзуларни қучиб юрган бир пайтларимиз эди…Энди-энди ўйла-аааб қарасам,ота-оналик масъулияти ҳам жуда мураккаб бўларакан…. Отамнинг қўлини олиб,  қизимни олдимга солиб ҳаё-ҳут “Бек барака”,қайдасан,деб кетаётувдим…. Паста,ҳали эслатганим,яна ўша қароқчиларми-ей,айғоқчиларми-ей туришибди. Сони ўзгармаган,ҳалиям учта. Аммо улар ҳам “смен” алмашади чоғи,бугун “пачақ-пучуқ”лари пайдо бўлиб қолишибди. Қалдирғочнинг боласига ўхшаб Иван акам ясаб,икки дарахтга осиб қўйган   қўлбола ёғоч “стул”ларда ўў—ўўўтиришибди.

Бизга нигоҳ ташларкан,оқ кийим киймаганимизни кўриб,диллари яйраб,қўзлари қувнаб кетди шўрликларнинг. Йўқ,мен тушунмайман. Намунча оқ либосдан ҳайиқмаса бўлар? Нима,оқ кийган одамга кўзи тушса арвоҳни кўргандек бўлишармикин ё? Шундан чўчишармикин,нима бало,деб кўнглимдан ўтказиии-ииб турсам, хурсандчиликнинг “кайфи” кучлилик қилди чоғи,кутилмаганда бизга гап ҳам отиб қолди бир маҳал:

–                      Ҳа,қизлар,йўл бўлсин? – деди шопмўйлови.

–                      “Бек Барака”га. Қазалоғимизнинг қўнглини қувонтирайлик бир,–дедим  “хос соқчим”нинг “қизлар” деган қочиримига эътибор ҳам қилмай…

Одатдагидек,улар ортимиздан қара-аааб қолишди. Ҳартугул қутилдим,десам,қайда,бекатда яна биттаси бе-еезирайиииб турибди.  Уф-ффф! Бу “дум”лар ҳам дилга тегиб кетди-ку,дедим қизимга қош қоқиб. Бирга-бирга   “Бек барака”га кетаётувдик,йўлда бирдан қитмирлик қилгим келиб қолди. “Отчопар”га тушдим. Кее-ее-етдик бозор расталари оралаб. Қарасам,изимни йўқотай демайди. Газлама бозор томондаги  бир танишимнинг дўконига ўзимни урдим. “Ака,биттасидан қарзим бориди. Кўриб қолдим. Кўзи тушса,қичаб қўймайди. “Секретный” эшигингиз йўқми,қуён бўлсак?” сўрадим ҳазил аралаш. Йўқ,танишим ҳам ҳожатбарор чиқиб қолди. Омборининг орқа эшигидан  кузатиб қўйди. У ёқда,асосий эшикдан чиқишимни кутиб ўтирган  “тан соқчи”м қолиб кетди яна “эшик оға”лигини қойиллатии-иииб. Баттар бўлсин!…Бозорнинг орқа томонидаги дарвозадан чиқиб,гадойтопмас йўлаклардан “Бек барака”га югурдик. Пиёда-пиёда. Бу бозорга келиб,хушим учди. Вой-вуййй,одамнинг кўплигиниии-иии?!  Ер ёрилиб одам чиққанми дейман. Боламга мактаб буюми олиб бераолмаган биргина мен шўрлик деб сиқилмасам  ҳам бўларкан. Афтидан,мамлакатнинг қоқ ярим аҳолиси мактаб бозорига тушишга қўли калталик қилиб,мен каби кеч қолган кўринади. Бозор деганидаям шунақанги одам кўп бўладими-ей? Мисоли бир денгиз! Бу одамларнинг орасига кирсак,ман ман деган Шерлок Холмасиям,Колубмо-ю Пуаросиям  изимизни искаб топаолмайди-ю? Бозорчилар оқимига қўшилмоқлик,саҳродаги қумга тушган сув томчисидик сингиб  кетмоқлик-ку?! Енгил тин олганча,одамлар оқимига қўшилиб,шунғиб  кетдик….

Дўконларнинг бирида танлаган мактаб формасини “примерка” қилишга шайланган қизимга қўшилиб,мен ҳам парда ортига ўтиб олдим-да тутилаверганидан башараси буришиб  кетган  “Aygen” даги  либосимни устимга илиб олдим. Бир юмалаб оқ либосли фариштага айландим қўйдим. Ҳали мени қизил куйлакда кўрган дўкондор молимни ўмарди-ёв деб кўзлари ола-кула бўлиб қолди. Йўқ,шундоо-ооқ разм солганди,  оппоққина уст-бошимнинг анчагина оҳори тўкилганини кўриб,ўпкасини босиб олди. Энали қиз оппоққина бўливолиб “Бек барака”нинг бозорини хўп ва кўп кездик. Ҳўш,қўлидан нима келди ўша “қароқчи”ларнинг-а? Эшигимнинг тагида эснаб ўтирганлари қолди-ю? Нима дедингиз,беарқон боғлаб кетдимми-а? Барини би-и-ииир доғда қолдирдим…ми?! А?!…Керилиб қўяй!

Ана,энди Ислом ота,айтингчи, сизга нима керак ўзи? Мухолифнинг қаерга боргани,нима кийгани,нима еб-ичганими? Шунчалик даркор экан,ўзимиздан сўраб қўя қолмайсизми?  Нима қиласиз бу сутақўзиларга сармоя сарфлаб,давлат ғазнасининг баракасини учириб? Мана,масалан,мен, ҳаммасини ўзим очиқ-ойдин нафақат сизга,бутун элга айтиб ўтирибману. Шунақа! Биз жиноятчи эмасмизки,элдан пинҳон тутадиган сиримиз бўлса? Шундай экан,Ислом ота,айтмоқчи бўлганим,бир ожизанинг йўлига бажарии-иииб пойлоқчилик қилиш қўлидан келмайдиган бу “учар”ларингизни қўйинг,учириворинг,жавобини бериворинг-э? Йўқ,агар ғазна мўл,ётиб еган билан тугамайди,кимгадир тўрт танга туҳфа қилмасам,уйқум келмайди дегувчи бўлсангиз,мана,  мен-да,бир кунлик саргузаштларимни сатирага солиб,мушкулингизни осон,ҳожатингизни равон қилган ҳажатбарор. Давлатманд бўлсангиз бизга,“Бирдамлик”га бераверинг! Қийналиб қолманг,интернетга боқинг,банк реквизитларимиз сайтимиздан бор,десаммикин дейди бир кўнгил аччиқ устида,яна шайтонга ҳай бераман-да!

Пойабзал дўконларининг бирига бош суққандик,сотувчи бир опа ўтирибди ўзим каби оппоққина бўлиб. Камига бошигаям оқ дуррани танғиб олган. Мана,бўларкан-ку?

Қизим пойабзал танлаш билан,мен сотувчини гапга солиш билан андармон бўлиб қолдик:

–                      Опа,сизам Каримовга қаршимисиз?,–сўрадим секингина.

–                       Бу нима деганингиз? Қайси Каримовга?,–ажабланди сотувчи.

–                      Юрт отасига-да,–елкам оша тепага ишора қилганимни биламан,оппоққина опанинг эсхонаси чиқиб кетди:

–                      Кимсиз ўзи? Нега бунақанги бўлмағур гапларни гапирасиз? Секинроқ сўзланг,деворнинг ҳам қулоғи бор,–иллат қила кетди у.

–                      Нега унда оппоқ кийиниб олгансиз? Эгнингизни кўриб,маслакдошмикинмиз деб ўйлабман-да,узр,–дедим ҳижолатомуз.

–                      Оқ кийинсам нима? – чимрилди сотувчи,–Мен ҳожионаман.

–                      Ҳожиона,“Бирдамлик” деб эшитганингиз борми? Шу кунларда ташкилотимиз оммани Каримовга бўлган қаршилигини оқ либос кийиш орқали кўз-кўз қилишга чақирган-да. Бехабармидингиз?,-  саволомуз  тикилдим суҳбатдошимга.

–                      Ўзингиз ёшгина экансиз. Танангизда нечта жонингиз,елкангизда нечта бошингиз борки,Каримовга қарши чиқасиз? Ажалингиз қарсак чалганми дейман,нима бало? Сиз кабилар бозор оралаб қолгани учунам қора ниқоблилар боса-бос қилган бўлса керак-да? – гуё қора ниқоблиларнинг қилмишига жавобгар мендек,кесиб-кесиб,чақиб-чақиб гапирди у. Кейин чор-атрофга олазарак бўлиб,ташвишли қараб қўйди….   Майдалигимизда катталар биз болаларни “Ана,ола бужи” келаяпти!” деб қўрқитишарди. Бугун билдимки,“Бек барака” сотувчиларининг утини “Қора ниқоблилар босаяпти!” деган гап олиб  қўйган экан…

–                      Қора ниқоблилар қанақа қилиқ кўрсатишганди ўзи? – сўрадим талмовсираб,  гарчи интернет сайтлари-ю,“Озодлик” радиосининг эшиттиришлари орқали бутун тафсилотлардан бохабар бўлсам-да!

–                      Эй-ййй,сиз сўраманг,мен айтмай. Бир тўда қурол кўтарган  ниқоблилар келиб,автоматларида осмонга қараб роса отишди. Катта-катта камазларнинг балонини ўқ узу-уза илма-тешик қиливоришди.  Ярадор бўлганларам йўғамас. Аммо буни тишдан чиқариб бўлмайди. Барчамизни ташқарига қувишди…. Қаровсиз қолган молимиздан айрилдик. Қолган жонимиз пойдага,шунисигаям шукур. Сиз бу ерда Каримовга қаршиман деб юраберсангиз,  қуролларини кўтарган ниқоблилар яна бозоримизни босиб қолмасин? Тилингизга эҳтиёт бўлинг,-  насиҳатомуз огоҳлантирган бўлди бош чайқаган сотувчи.

Ҳар эҳтимолга қарши “Бирдамлик”нинг мурожаати,“Очиқ хати”дан,камига кечаги “Қорангизни кўрсатмасдан қўрқитманг-да,ота”мдан бир неча нусха оливолгандим. Суҳбат баҳона 5-10 та сотувчига тортиқ қилдим….  Ниҳоят,бугунги сафар ҳам қариди. Бозорни охир қилиб қайтаётганимизда чиқаверишдаги дарвоза ёнидаги дўконлардан бирига кирдим.

–                      Узр,уст-бошим оқ эди. “Пўш арава”лар “пўш-пўш”лаб ён-веримдан ўтавериб,яғирини чиқариб юборди.Шу алфозда омма олдида юриш ноқулай бўлаяпти. Йўқ деманг,шу пардангиз ортида эгнимни ҳозиргина харид қилган куйлагимга алаштириб олай,майлими?,–илтимос қилдим сотувчидан. Шунда дўкондор:“Анави,оқ куйлак кийволиб Каримовга тиш қайраб юрган опа сиз эмасмисиз,мабодо?”,дея сўраб қолса бўладими? Унинг гапларидан қотиб қолдим,рости. Гап қаерда тез тарқайди? Хотинлар оғзида дейсизми? Йўқ,бекор экан. Гап дегани энг тез бозорда болаларкан. Мана,ўзим тирик гувоҳ. Мана шу сотувчини биринчи кўриб туришим. Илгари учрашмаганман,гаплашмаганман,танимайман,билмайман ҳам. Бу бўлса “Сиз ЎШАМУ?” деб турса,қизиқ бўларакан.  Ҳеч бориб кўрганмисиз,“Бек барака” кичик жой эмас. Анчайин катта бозор.  Камида мингта дўкон бордир-ов,адашмасам. Эҳтимол ундан ҳам кўпдир? Бозорнинг ҳув қуйруғида айтган гапларингизни зум ўтмай бу бошидаги дўкондорнинг оғзидан  эшитиб турсангиз ажабланмайсизми? Ҳайратланасиз-да,албатта! Мана,ким билан ишлаш керак экан келажакда? Бозорчилар билан! “Ҳа,энди одамзод бир умр урганиб яшаркан-да” деган хаёлда Ҳукуматнинг жиғига кўпам тегавермай,оқ либосда эмас,«одоблигина» бўлиб  ортга,уйга қайтарканмиз,негадир кўнгилимнинг аллақаеридир кемтик. Бугунги ишимдан,танлаганим,тутган йўлимдан кўнгил улгур тўлмайди,тўлай демайди! Ичимни нимадир кемиргани кемирган:

“Очиқ хат ёзиб,мурожаат қиларингга қилиб,нега энди ўзинг оқ куйлакда пусиб юрасан,қўрқувдан қалтираб,ўласан?  Мард бўлсанг,майдонга чиқ-да?!” дейсизми?  Сиз мени ким деб ўйлаяпсиз? Александр Матросовми? Э-э-э,йўў-ўўўқ,менинг энам қўйган ўз отим бор. Матросов эмасманки,ёғийнинг қуроли оғзига кўксимни қўйиб берсам?!  Ажалимдан беш кун бурун ўлиб кетсам? У ҳолда ёруғ кунлар келганда ким кўради,мен кўрмасам? Бу ҳаракатларнинг бари фаравон турмушни,ҳур,озод онларни кўришлик учун эмасмиди,ахир?  Ким учун,нима учун курашмоқчимиз ўзи,айтингчи?…Куч ишлатар тузумнинг минг бир  ёвузлигига қарши  битт-ттагина макр ишлатсак,ишлатибмиз-да. Шуниям кўп кўрасизми? Хўп денг-да,кўнгилгинам,кўнинг-да энди,кўнақолинг!!!…

Малоҳат ЭШОНҚУЛОВА

“Бирдамлик” Халқ демократик ҳаракати Ўзбекистон бўлими етакчиси

http://birdamlik.info/?p=23688#more-23688