Саодат,синглим,сизнинг “Билдирги” остидаги чиқишингизга жавоб ёзсами,ёки “Ахмоққа энг яхши жавоб сукут” деган нақлга амал қилиб,ёзмасаммикин,деб кўп ўйладим.

Мабодо,“Билдирги”нгиздаги ҳақорату камситишлар фақат менинггина шаънимга бўлганида эди,эҳтимол сизга жавоб ёзишга вақтимни ҳам бесамар сарфлаб ўтирмаган бўлардим.

Аммо сизнинг “Билдирги”нгизда гап ўзбекларнинг, миллатнинг қадри-қиммати ҳақида кетмоқда. Эҳтимол сиз билиб,билмай,жаҳлингизни жиловлай олмай жазавага тушганингиз учун ҳам ақлингиздан қахрингиз устун келиб менинг миллатимга тил текказгандирсиз. Бироқ шуни билингки,менинг ҳатти-ҳаракатларим учун миллатим,ўзбеклар айбдор эмас,миллатим менинг бошқарувимга жавоб бермайди. Агар  гуноҳкорни топиш керак бўлса,шарт бўлса. Айбдор  ёлғиз ўзимман.  Шу сабабдан ҳам сизнинг ўзбек халқни ҳақорат қилишга маънан ҳаққингиз йўқ эди деб ўйлайман.

Донишмандлар бу дунёда жаҳли чиққанда ғазабини,гап келганда тилини,вақти келганда нафсини тия билган кишиларгина ҳам руҳан,ҳам жисмонан кучли,ақлан етук бўлади дейишган экан. Ёхуд “Олдига келганни емоқ ҳайвоннинг иши,оғзига келганни демоқ нодоннинг иши” дейшади. Эшитмаганмисиз?  Сиз эса “Билдирги”нгизда ўзбек миллатига ўз нафратингизни изҳор қилиш орқали тийиқсизлигингиз,вайсақилигингизни,қўйингчи,маънавий тубан эканлигингизни кенг омма олдида намоён қилиб бўлдингиз. Нега? Негалигини тушунтиршга уринаман:   сизнинг миллатингиз нима,билмайман. Ўз чиқишингизда “Каримов тожик,аммо сиз ўзбексиз. Ўзбеклар эса қўрқоқ ва номард халқ!” дебсиз.  Сизчи? Сиз кимсиз? Тожикми? Нега у ҳолда “Каримов тожик” деган жумлангиз давомига “Мен ҳам тожикман!” дея баралла айтиб,  қўшиб қўймадингиз? Худди ана шу нарса мен учун қизиқ. Йўқ,чунки сиз ундай деб айта олмайсиз? Негалигини биласизми?  Мен биламан! Тожик миллати билан бизнинг феъл-атворимиз,динимиз,урф-одатимиз бир. Асрлар давомида  ўзбеклар тожиклар билан қуда-анда бўлиб,бир тану-бир жон бўлиб кетишган.  Менинг ҳам тожик миллатига мансуб ажойиб дўстларим бор. Шунинг учун ҳам биламанки,тожиклар жуда валломат,танти ва жумрад халқ. Аммо сиз каби жиззаки,вайсақи эмас. Сизнинггина эмас,ота-бобонгиз,етти аждодингизнинг ҳам киндик қони Ўзбекистон деб аталмиш мана шу муқаддас тупроққа,она заминга тўкилган.  Ўзбекистонда рисқ-насиба топган. Яшаган,унган,ўсган.  Халқимизда “Бир кун туз еган жойингга қирқ кун салом бер” деган нақл бор. Аммо сиз нима қилдингиз?  Нонкўрлик қилдингиз! Шундай эмасми? Қай тилда сўйлайсиз,қай забонда ўйлайсиз,билмадиму,аммо шуни аниқ биламанки,сиз тожик эмассиз.  “Мен тожикман!” дея кўкрагингизга муштлаб,тожик миллатига иснод келтирмасангиз бўларди,синглим. Сиз  каби кимсаларнинг миллати бўлмайди. Сизга ўхшаганларни аросатда қолган одамлар дейишади. На тожиксиз ва на ўзбек. Сиздекларнинг на миллати,на манзил макони,на Ватани,на тили ва на дини бўлмайди,назаримда. Сиз каби кимсалар нафс қуллари,нафс бандалари бўлишади.  Фикрларимга эътироз билдирмоқчимисиз? Шошилманг,фикрларимни асослаб бераман.

Мен сизни нега нафснинг қули дедим:тўғри,сиз “Бирдамлик” Ҳаракатига аъзо бўлаётганингизда ижарада ойига 150 АҚШ доллари тўлаб,қийналиб қолганингизни билганим учун ҳам,ойлик маошидан ташқари квартира билан ҳам таъминлайман,моддий кўмак бераман,деганим рост. Худди ана шу мақсадда Тошкентдаги уйимни таъмирлаш борасида бош қотираётганим ҳам ёлғон эмас. Аммо сингилжоним,сизнинг Ҳаракатга аъзо бўлганингизга қанча бўлди? Уч ойми? Ўзбекистонда бирор бир корхона ё ташкилотга ишга киргудек бўлсангиз ҳам олти ой ўтмасдан туриб,таътил беришмайди,агар билсангиз. Шу уч ой сизни яқиндан билиб,таниб олиш учун етарлимиди? Ўз манзил-маконимга сизни жойлаштириш учун у уйни таъмирлашдан ташқари сизнинг аслида ким эканлигингизни ҳам билишим зарурмиди,ёки йўқ?    “Янги офис олиш учун топилган пул,  моддий кўмак бериш учун  менга қолганда  100 доллар ҳам топилмай қолдими?” дея шайтонлаб қолганингиз нимаси? Худди шу нарсани баднафслик деб аташадими? Ёки ўзбек тилида бундай бадфеълнинг ўзга бир синоними ҳам  бормикин? Қолаверса,  уйимни то таъмирдан чиқаргунимга қадар ҳам сабрингиз етмадими?Шунинг учун ҳам уч ой ичида мени лабзсизга чиқардингизми? Шунчалар бетоқатмисиз?  “Сабр таги – Раҳмон” деган гапни эшитмаганмисиз?  Эшитмаган бўлсангиз,эшитинг,синглим,  “Сабрлига тоғлар  эгар бошини,бесабрнинг ўзгалар ер ошини”,шунақа. Қолаверса,халқ,миллат эртаси учун инсон манфаат туфайлигина енг шимармайди.  Нафс учунгина кураш майдонига кирмайди киши! Мен сизга ойлик мошини нега бергандим? Ишсизлигингиз учун,моддий жиҳатдан қийналганингиз учун моддий қувватламоқчи бўлгандим,холос.  Сизнинг бу қилиғингиз эса менга Пушкиннинг “Олтин балиқ ҳақидаги эртак”ини эслатиб юборди.

Майли,мен-ку,шу уч ой мобайнида белгиланган маошни узлуксиз бериб бориш  баробарида сизни оргтехника – фотоаппарат ва компьютер билан ҳам таъминладим.  Аммо сиз нима қилдингиз. Иш қуроли бўлган ана шу фотоаппаратда  икки ой давомида лоақал иккита сурат олиб,сайтга жўнатдингизми?  Ҳисоблаб кўрсам,матбуот котиби сифатида уч ой давомида сайтимизга учта мақола ёзибсиз,холос…

Ва яна сафимизни тарк этиб,мушкилимизни осон этдингиз,раҳмат сизга,аммо,тилхат бериб олганингиз – 550$ (беш юз эллик АҚШ доллари) турадиган ноутбукни,150$ (Бир юз эллик АҚШ доллари) турадиган фотоаппаратни Ҳаракатга қайтаришни унутдингиз. Аниқроғи,қайтаргингиз ҳам йўқ. Шунақа,Ҳаракатнинг оргтехникаси,текин матоҳ  шунақа ширин туюлади кишига!

Саодат,сингилжоним,  сизнинг калтафаҳмлигингиз шундаки,Исмат  Хушев ва  Обутов акаларингизнинг маслаҳатига кириб,(бу ҳақда ўзингиз айтгансиз) гуё менга ўзингизча қақшатқич зарба бердингиз!  “Бировга чоҳ қазисанг,ўзинг тушасан” деган гап қулоғингизга чалингандир?  Оқибатда,ўзингиз қазиган чоққа ўзингиз қуладингиз:Фаросатсизлигингиз     натижасида  Ўзбек миллати ҳақида ҳақоратли гаплар айтиш орқали  тубан қиёфангизни кўрсатдингиз,қўйдингиз.Ўзбек миллатига насбатан бўлган қалбингиздаги бу қадар нафрат қайдан?! Сиз кабиларни бағрига олгани,устингизни бут,қорнингизни тўқ қилгани  учун ўзбек халқига айтган  раҳматингизми бу? Ўзбек миллатини таҳқирлаб дунёга жар солганингиздан кейин ҳам ўша акаларингиз миллий ғурурни бир четга суриб қўйиб,сизгинага бағирларини очишармикин?

Саодат,сингилгинам,ўйламанг,йўқ,мени лафсизликда айблаганингиз учун сиздан хафа эмасман. Чунки сиз вазиятни ўз калта қаричингиз билан ўлчагансиз,тушунаман. Сиз ва биз бир-биримизнинг дийдоримизни кўрмаган шунчаки уч ойлик танишлармиз,холос. Бир-биримизга мутлақо ётмиз,бегонамиз. Шу сабаб ҳам мени минг карра ҳақорат қилсангиз,сонсиз марта сотсангиз,қўлда ҳанжар билан кўксимга отилсангиз ҳам майли,  чидайман. Эр кишиман.

Аммо сизнинг ғайбатчилигингиз,энг яқин дўстингизни ҳам истаган дақиқада сотишга шайлигингиз,тайёрлигингиз ранжитди мени. Исботлаб берайми?:

Гулчеҳра Ахророва деган тахаллус билан кирадиган эл. почтангиз орқали 8 март куни менга худди мана шундай нома йўлладингиз:

 

 

———- Forwarded message ———-
From:Gulchexra Aripova <sakinah29@gmail.com>
Date:2012/3/8
Subject:
To:Birdamlik Movement <birdamlik@gmail.com>

Баҳодир ака,сизга яна бир мақолани юбораяпман. Кейин сизга янги ёзиб юбориш ёдимдан кўтарилибди,менга апрел ойининг иккинчи ярмида шифохонага ётиб даволанмоқчиман. Шунга молиявий кўмак беришингизни сиздан илтимос қиламан. Даволаниш жараёнида албатта зиммамга юклатилган вазифани тўлиқ бажараман. Даволанишга ўзимнинг имкониятим етмайди. Фақат бу ҳақда Малоҳат опага айтиб ўтирманг. У киши одамни айнитишга уста…Бу гапимни қандай тушунсангиз,тушунинг…Соғ бўлинг.

 

 

Ўз ўзидан маълумки,сизнинг бу хатингиз мен томонимдан жавобсиз қолди.  Бундан сиз жазавага тушдингиз ва иккинчи мактубнингизни жўнатишга ошиқдингиз:

 

 

 

———- Forwarded message ———-
From:Gulchexra Aripova <sakinah29@gmail.com>
Date:2012/3/8
Subject:
To:Birdamlik Movement <birdamlik@gmail.com>

 Ўйлашимча,сиз мени ишимдан норозисиз. Агар шундай бўлса,мен ишдан кетишга тайёрман. Малоҳат опа бошқа одам топган бўлсалар,нур устига аъло нур. Саломатлигим яхши эмаслигидан,юрагимнинг мазаси йўқлигидан яхшигина  хабардорсиз. Охирги пайтда бўлаётган турли гап сўзлар менга оғир ботаяпти,мен буни сиздан яшириб ўтирмайман. Аммо Малоҳат опани жуда яхши биламан. У киши ўз мақсадига эришиш учун  ҳар қандай одамни қурбон қилишга,ундан ҳар қанча фойдаланишга тайёр! Мендан ҳам ўз раҳбарлари Шерзод Расуловни ишдан олдиришга маккорона фойдаландилар. Биз бу чиқишимиз билан ҳеч нарсага эришмаймиз, сизнинг эрингиз бор,уйингиз бор. Ишсиз қолсангиз қийналмайсиз. аммо мен қийналаман дедим,йўқ бир нарсага эришамиз,деб соддалигимдан фойдаландилар. Мен ишсиз қолдим. 1 йилдан ортиқ вақт давомида қийналдим,нималарни бошимдан кечирганим ўзимга аён. Буни фақат ўзим биламан ва  худо билади. Буни ҳазм қилиш ҳам осон эмас. Яқинда  опа Баҳодир ака ойлигингизни оширмоқчи дедилар. Тўғриси,хурсанд бўлдим. Кейин Малоҳат опа сизни айнитгани аниқ,вилоятда матбуот котиблари лавозимларига одам топсангиз,кейин кўтарадилар дедилар. Майли,индамадим. Лекин бу ҳам менга оғир ботди.

    Кейин яна бир гап яқиндагина илк маротаба сайтга кирдим. Мени “Бирдамлик”сафига қабул қилинганлигим ҳақидаги қарорни ўқидим. У ерда менга “кўр-кўрона”деган фикр ёқмади. Мен ТВда бир кун яхши томонга ўзгаришлар бўлади,деб барча ноҳақликларга чидаб ишлаб келдим. Аммо ўзгаришлар бўлмади. Лекин сиз қарорда ёзганингиздек,мен уерда кўр-кўрона ишламаганман. Мен ҳамма нарсани,айнан тепадагилар ТВдаги цензуранинг бошида турганликларини,фақат буқаламундек тусланаётганликларини жуда яхши билардим. Каримовни ҳам биринчи марта 1994 йили юзма юз кўрганимда аслида қандай инсон эканлигини жуда яхши тушунганман. Биласизми,мен онгли инсонман. Шунчаки,мусулмончиликка хос,бир куни ҳаммаси яхши бўлар деб умид қилдим,барчасига чидадим. Афсуски чучварани хом санаган эканман. Шу боис бўлиб ўтган барча ишлардан пушаймон эмасман. Қайта туғилганимда ҳам худди шундай қилган бўлардим.

      Аммо,энди ўйлаб кўрсам,бош кўтариб,қора рўйхатга кириш хато эканлигини англадим. Чунки биз ҳеч нарсага эришмадик. Мен тинчгина бошқа иш ўтишим,ёки хорижга кетишим керак экан. Энди бу ерда на турмушга чиқа оламан,на яқинларим ҳаловатда бўлади. Уларнинг ҳам тинчини буздим. Шунинг учун очиқ ойдин айтинг,агар менинг ишимдан қониқмаётган бўлсангиз,жойимга бошқа одам топган бўлсангиз,мен кетишга розиман. Фақат сиздан биттагина илтимосим бор,нетбукни ўзимда қолдирсангиз,ҳар ой оз-оздан Малоҳат опага унинг ҳаққини тўлаб бораман. Ҳар холда унга ўрганиб қолдим.  Хатим чўзилиб кетди…Узр,мени тўғри тушунасиз,деган умиддаман. Дардимни сизга тўкиб солганимнинг боиси,бунча гапни ичимда сақлай олмадим.  Сизга битта маслаҳат,Малоҳат опага кўп ҳам ишонаверманг. Чунки,бундай қилсангиз,бу ердаги аъзоларингизни йўқотаверасиз. Биламан,сиз пулни осонликча топмаяпсиз,аммо ўз ойлигини тўлиқ оқлай олмаётганлар катта хавф хатар остида ишлаётганини ҳам унутманг! Тўғри,улар орасида Малоҳат опа айтганларидек,ишончингизни суъистеъмол қилаётганлар ҳам бор. Бундан кўз юмиб бўлмайди….

     Майли соғ бўлинг! Ишингизга омад!

 

 

 

Сизнинг ўз сафдошингиз Малоҳат Эшонқулова борасида бу каби ичикоралик билан ёзишингиз мени янада хушёр торттирди. Негаки,эътибор қилинг,сиз бу хатларингизни 8 –март – Халқаро хотин-қизлар куни ярим тунда жўнатаяпсиз. Ваҳоланки,айнан шу куни кун бўйи Малоҳат билан бирга бўлгансиз,“сизу-биз” деб оғиз бурун ўпишгансиз. Иккингиз бирга-бирга бетоб ётган ва кекса фаолларимизни уйларига,шифохоналарга бориб,байрам билан қутлагансиз.  Кун бўйи бирга юриб,бир дастурхондан туз тотиб,ярим тунда эса менга М. Эшонқулованинг гўрига ғишт қалаб ёзмоқдасиз.  Сизга бир гапни айтай,Малоҳат билан сиздан оз бўлса-да олдинроқ танишдик,деярли ҳар куни соатлаб гаплашсак-да,ҳарҳолда  у сиз ҳақингизда бирор маротаба  бу каби салбий фикрларни билдиришга журъат этмаганди. Аммо сиз энг яқин кишингизни сотишга ҳатто иккиланмадингиз,ўзингизда куч топдингиз,топа олдингиз. Ўз дўстини,маслакдошини сотиш учун эса инсон ўта виждонсиз,  камида инсон қиёфасидаги махлуқ бўлиши керак.  Қолаверса,мен хатингиздаги ушбу жумлаларнинг  мағзини у қадар чақа олмадим:“…Биз бу чиқишимиз билан ҳеч нарсага эришмаймиз, сизнинг эрингиз бор,уйингиз бор. Ишсиз қолсангиз қийналмайсиз. аммо мен қийналаман дедим,йўқ бир нарсага эришамиз,деб соддалигимдан фойдаландилар. Мен ишсиз қолдим. 1 йилдан ортиқ вақт давомида қийналдим,нималарни бошимдан кечирганим ўзимга аён. Буни фақат ўзим биламан ва  худо билади. Буни ҳазм қилиш ҳам осон эмас…” 

Нима деганингиз бу?  Бу билан мен ЎзМТРКдаги ноҳақликларга қарши ўз ҳоҳишим,ақлим билан курашган эмасман,демоқчимисиз?  М. Эшонқулова сизнинг “соддалигингиз”дан фойдаландими?  Энди бола эмассиз,ёшингиз 40 да. Журналистика борасида  16 йиллак тажрибангиз бор. Тушунмадим,сиз “Давр” дастурида ҳамиша сиёсий тадбирларни,расмий ташрифларни,Президентга оид лавҳаларни ёритиб юрган етук журналистмидингиз,ёхуд Малоҳат Эшонқулованинг қўлидаги бўйнига арқон солинган молмидингиз? Икки елкангиз кўтариб турган нарса нима? Қовоқми? Ё бошми?  Эшонқулова арқонни қай томонга тортиб,етакласа,ортидан эргашиб кетаверадиган даражада бузоқбошмисиз?  У калла нима учун берилган эди сизга? Биз инсонлардаги иллат шундаки,ҳамиша бошимизга тушган кулфат учун гуноҳкор қидирамиз. Ўзимизга таскин,тасалли бериш,овутиш илинжида айбдорни ўзимизча топамиз ҳам. Ана ундан кейин ўша “гуноҳкор”ни қарғаб,хуморидан чиқиб юраверамиз. Мабодо,Эшонқулова сизни чорвадек етаклаб юрган бўлса,қандини урсин-э!

Ҳали бир гапингиз орасида “”Бирдамлик”га аъзо қилиш орқали менинг   номимдан,мавқеимдан фойдаландинглар!” дея иддао қилдингиз,тўғрими?  Ана,энди менга айтингчи,юқоридаги гаплардан кейин,сизнинг ўзингиз киму,вақеингиз нима бўларди сизнинг? ЎзМТРКдаги ғайриқонуний ишларга қарши ўз ҳоҳишингиз билан бош кўтармаган экансиз. Сиз шунчаки Малоҳат Эшонқулованинг қўлида латта қўғирчоқ бўлган экансиз,холос. Шундайми? Унинг гапи ва кўрсатмаси билангина ҳаракат қила олгансиз,тўғрими? Сўзларингиздан шунинг ҳиди келаяпти-да,ахир.  Мендан хафа бўлмангу,сизнинг менга ёзганларингиз олий маълумотли,16 йиллик тажрибага эга бўлган етук журналистнинг эмас,бозордаги ғийбатчи хотинларнинг гапини эслатиб юборди. Йўқса,Эшонқулова деганлари мендан кўра сизга яқин. Бир қадам ташласангиз,етасиз. Қандай  гина-кудратингиз  бўлса  ўзининг юзига шартта-шартта айтиб ташламайсизми? Орани очиқ қилиб қўя қолмайсизми? Менга арз қилганингизда,мен ЎзМТРКдаги ишингизга қайта тиклаб қўярмидим? Нима қиласиз ғийбатни кўпайтириб,энсамни қотириб? Уят,уят-э! Сизнинг бу каби маломатларингизни эшитган дўсту-душманлар “ЎзМТРК раҳбарларининг бошини еяолмадинглар,энди бир-бирингнинг этингни еяпсизларми?!” демайдими?! Уят!

Ўзингизни соддаликка соласизу,аммо айёрсиз,Амонова. “Бирдамлик”дан чиқаркансиз,ўз “Билдирги”нгизда Ўзбекистон Президентига пахта қўйишни ҳам унутмабсиз.  Каримовнинг оёғини чайиб ичсам,зора ишимга тикланиб қолсам,деб умид қилгансиз-да?  Айммо айтиб қўяй,сиз каби калтафаҳмлар,биров етакласа кетаверадиган онгсиз одамлар  на Каримовнинг ҳукуматига,на мухолифатга керак!

Саодат,синглим,  ўзбек халқини интернет орқали очиқ-ойдин таҳқирлашдан,“Бирдамлик”нинг юзга қаро тортиб,сафимизни тарк этишдан Сизнинг муддаонгиз ўзга. Билмайди деб ўйлайсизми? Аммо,хомтама бўлманг,асл мақсадингиз бизга ойнадек аён:Муродингиз барчани ёмон қилиб,ўзбекка туфлаб,тупуриб,ҳорижга қочиб қолиш,сиёсий бошпана олиш.  Бу гап менга маломат дейсизми? Сизнинг бу каби муддаонгиз Facebookдаги ўз  “стена”нгизда,қолаверса,дўстингиз,айни пайтда Швецияда истиқомат қилаётган Қудрат Бобожоннинг “стена”сида муҳирланиб қолган.  (Аммо сиз М. Эшонқулованинг маслаҳати билан бу ёзишмаларингизни бир ҳафта олдин ўчиришга улгургандингиз.  Қудрат эса сизнинг илтимосингиздан кейингина ёзишмаларингизни изсиз йўқотишга муваффақ бўлди!). Келинг,барча ўқувчиларимизнинг гувоҳлигида Қудрат Бобожонга Facebook  орқали битган ўша табаррук ёзишмаларингизни ўқиб,бир эслашиб олайлик,изн беринг:

 

Кудрат Бабаджанов
Работал в Fry’s Food and DrugУчился в كلية اللغة العربيةЖивет в городе
СтокгольмЖенат на Manzura AbdullayevaИз Urganch,Khorazm,
UzbekistanДень рождения:8 марта 1965 г.
Посмотреть все
Запросы на добавление в друзья
Sarah Kendzior
36 общих друзей
Подтвердить запрос о дружбе
Лочинбек Иргашев
13 общих друзей
Подтвердить запрос о дружбе
Адыл Юнусов
15 общих друзей
Подтвердить запрос о дружбе
Найти еще друзей
Малохат,Вас ждут не дождутся друзья

Вы нашли 6 друзей с помощью поиска друзей. Попробуйте еще раз –мы
улучшили поиск.
privacy_lock
Facebook не хранит этот пароль.
Посмотреть все
Реклама
Radio Javan
Radio Javan is your source for Persian entertainment and exclusive
music! Videos,MP3s,DJ mixes,and much more.
Мне нравится · Sexrobiy Qudratov это нравится.
UCell
Internet Mega Boom! Ночью стоимость 1 MB –$0.003.
Мне нравится · Бобиру Джураеву это нравится.
Идет набор в ВУЗ!
mti.edu.ru
МТИ –ведущий Московский ВУЗ. Дистанционное обучение. Гос. Диплом.
Льготная программа поступления. Идет набор!

   Создать сообщение
Фото/Видео

Напишите что-нибудь…

   Saodat Amonova
Saodat только что оставила тайное желание для Кудрат в приложении ТопФейс.
Она также оставила тайные желания про остальных своих друзей.
—
Узнай:её тайные желания!
Мне нравится · · Узнай · пятница в 3:26 с помощью TopFace ·
Saodat Amonova
Қачон имейлингизни жўнатасиз????
Мне нравится · · Посмотреть дружбу · пятница в 1:36 ·
           Кудрат Бабаджанов салом мени имейлим kudtat.babadjanov@gmail.com
пятница в 21:45 с помощью мобильного · Мне нравится · 1
Saodat Amonova
Ассалому алайкум,Қудрат ака! Бу мен Саодат Амоноваман.
Соғ-саломатмисиз? Ишлар билан чарчамасдан юрибсизми? Швецияга ҳам
ўрганиб кетдингиз,шекилли. Шу хатни почтангизга жўнатувдим,негадир
қайтиб келди. Қудрат ака,ёзда мен ҳам хорижга чиқиб кетмоқчиман. Шу
боис Швецияга борсам бўладими? Сиз менга олдин Швецияга бориб
тушасизда,ўзингизни полицияга топширасиз,дегандингиз. Ҳозир ҳам
тартиб шундайми? Ёки ана у 9 нафар йигитлар тушган вазиятдан кейин
аҳвол ўзгардими?Умуман чиқиб кетиш учун сиз менга қайси давлатни
тавсия этган бўлардингиз? Яна бир йўли бор дейишди,кейинчалик
мамлакатга бемалол кириб чиқиш учун бирор бир ташкилотдан ишга
таклифнома олиш керак. Шундай таклифномани жўнатишни иложи бўладими?
Ёки сиёсий бошпана сўраган маъқулми? Нима деб ўйлайсиз? Хуллас,бу
борада маслаҳатингизга муҳтожман! Жавобингизни кутаман. Бу қароримни
ҳеч кимга айтманг,илтимос. Соғ бўлинг,кўришгунча!

           Ҳурмат ва самимият ила Саодат Амонова.
суббота в 12:07 · Мне нравится
Оставить комментарий…
   Saodat Amonova
Ассалому алайкум,Қудрат ака! Соғ-саломат юрибсизми? Сизга
бир-икки саволим бор эди. Менга э\почтангизни ёзиб юборасизми?
Мне нравится · · Посмотреть дружбу · 15 февраля в 22:39 ·
ПОСЛЕДНИЕ ДЕЙСТВИЯ
       Кудрат теперь дружит с Realniy Glas Naroda и Nadira Murray.
Кудрат теперь дружит с Tohir Siddiqov и еще 5 пользователями.
Кудрат Бабаджанов рекомендует ссылку
Тарих такрорланмокда
‎http://tv-fly.Давомини/ ўқинг
Мне нравится · · Поделиться · 15 февраля в 12:06 ·
Akhmedova Nigina
Nigina только что оценила Кудрат в приложении ТопФейс.
Она также оценила остальных своих друзей.
—
Узнай:как она оценила тебя!
Мне нравится · · Не показывать мне больше · 12 февраля в 12:36 с
помощью TopFace ·
ПОСЛЕДНИЕ ДЕЙСТВИЯ
Кудрат теперь дружит с Siroj Abdurahmonov и еще 10 пользователями.
”Чиройлисан,ёшсан,гўзалсан -…”про фотографию Navbahor Imamova.
Кудрат Бабаджанов рекомендует ссылку
“Халқ нидоси” Каримов “жиноятларини” фош қилади
Мне нравится · · Поделиться · 10 февраля в 1:41 ·
олим хидиров Bu siz bilan mening nazarimda u shundae
mulkni olgan bulishi mumkin lekin xalqning nazarida undae ymasda bu
xaqiqat xozir isbotsiz bu xolatda prizdenga tuxmat qilayotganda aeb
lanamiz buning uchun xalqninig uzida xam xarakatli yorish qilish
vaqiyalar revojini tekshirish va uni talab qilishi shart shunda bunga
qarama qarshi kuchlar bulinadi xalqqa kim qarshi kim u bilan birga
ykanligi aniq buladi
11 февраля в 10:26 · Мне нравится
олим хидиров Xozir xech qaesi davlat arbobi uz prizdentiga
nisbatan jinoi ish quzg’ataolmaedi bizning gap ulik gap buladi chunki
biz istagan kuchlar bizga qarshi buladi bir gapga qushilib kupchillika
qarshi chiqadigan davlat arbobi bulmasa kerak lekin xalq talab qilsa
unga yon bosib ketishi taen. Chunki u xalqda uning tarafini olgan xech
qachon xor bulmaedi. Yoqaridagi suzlar ularga dalda keingi xayotiga
garov buladi.
11 февраля в 11:50 · Мне нравится
Оставить комментарий…
Наргиза Сейтжанова
Nargiza только что оставила тайное желание для Кудрат в приложении ТопФейс.
Она также оставила тайные желания про остальных своих друзей.
—
Узнай:её тайные желания!
Мне нравится · · Узнай · 6 февраля в 15:54 с помощью TopFace ·
Алена Аминова
Алена только что оставила тайное желание для Кудрат в приложении ТопФейс.
Она также оставила тайные желания про остальных своих друзей.
—
Узнай:её тайные желания!
Мне нравится · · Узнай · 5 февраля в 23:31 с помощью TopFace ·
ПОСЛЕДНИЕ ДЕЙСТВИЯ
Кудрат теперь дружит с Мехринисой Махмудовой и еще 4 пользователями.
Кудрат Бабаджанов рекомендует ссылку
ponauz.com
Мне нравится · · Поделиться · 4 февраля в 15:28 ·
Ruslan Sharipov
Ruslan Sharipov:Urgent –1) Copy of the message to Betsy
Gililland / 2) kopiya perepiski s Nadiroy Hidoyatovoy

   1.

   Dear friends,i am copying to you the message that i wrote to
someone i know,that is not the message to you but it it’s the message
that i wrote to someone else…So i just want you to know what is
happening to me now that is why i am sending you the copy of message
that i wrote …Продолжить чтение
Мне нравится · · 1 февраля в 5:53 ·

Предыдущие публикации

 

 

Мана,ниҳоят сизнинг асл муродингиз ойдинлашди. Шундай экан,четга чиқиб кетиш,ўзга юртдан сиёсий бошпана олиш  илинжида юрган одамга ўзбек миллатига қора чаплашнинг нима кераги бор,мен худди ана шу нарсага тушунолмай турибман.

Саодат,ҳақу-ноҳақ шаънимга текканингиз учун мен сизни кечиришим мумкиндир,дугонангиз Эшонқулова маломатларингизга кўз юмиши мумкиндир,аммо шуни билингки,миллий ғурури бор инсон сизнинг гуноҳингиздан ўтмайди,ноўрин ҳақоратларингиз,таҳқирларингиз учун ўзбек миллати сизни ҳеч қачон кечирмайди!!!

Саодат, сиз,ўз дугонангизни,ҳамкасбингиз,оғир кунларда елкама-елка бўлган маслакдошингизники сотдингизми,мен хафа бўлмасам ҳам бўлаверади. Аммо шу нарса хавфли ва хатарлики,ўз дўстини ҳеч иккиланмай сотадиган сиздек хонимлар учун муқаддас нарсанинг ўзи йўқ. Айнан сиз кабилар  нафс учун,жиғилдон учун  дўстни ҳам,ота-онани ҳам,Ватанни ҳам,киндик қони тўқилган заминни ҳам ҳеч иккиланмай жуда тез,осон ва арзон сотиб юбориши аниқ ва муқаррар. Шу боис ҳам сиздан гинам йўқ,синглим. Чунки сиз ҳатто хафа бўлишга ҳам арзимайсиз…

 

 

Баҳодир Чориев

“Бирдамлик” Халқ Демократик Ҳаракати раҳбари

http://birdamlik.info/?p=21071#more-21071