Матн катталиги

Жума куни Швецияда, таниқли уламо Обид қорига қилинган суиқасдга қарши пикетлар бошланди.Шунингдек Туркия, Дания, Ҳолландия, Британияда АҚШда ҳам жума куни норозилик тадбирлари режаланган.

Пикет ташкилотчилари Озодлик билан суҳбатда бу тадбирлардан мақсад ўзбек режимини танқид қилган таниқли уламо ҳаëтига қасд қилинишига жаҳон жамоатчилиги диққатини жалб қилиш эканини билдиришди.

Стокголмдаги Риксдак майдонидаги пикет ҳақида тадбир иштирокчиси Қудрат Бобожон ҳабар берди:

– Швециядаги Парламент ва Қирол саройи олдида эрталабдан 25 нафар киши пикетни бошлаб юборди. Пешин номозидан кейин намойишчилар сони яна кўпаяди. Пикетчилар журналист Алишер Соипов, мухолифатчи Фуад Рустамҳўжаев ва имом Обид қори Назаровлар суратлари билан бирга “Каримов режимининг кейинги қурбони ким?” деган шиорни кўтариб туришибди.

Пикет Ўзбекистон Халқ ҳаракати, Швециядаги ўзбек жамоатчилиги ва Обид қорининг мухлислари тарафидан ташкил қилинди.

​​

Дания, Туркия, Ҳолландиядаги тадбирлар пешин намозидан кейин бошланиши айтилди.

Пикетлар ҳақидаги хабарларни кун давомида янгилаб турамиз. Сайтни кузатиб боринг.

Обидхон қори Назаров 22 феврал куни Швециянинг Стромсунд шаҳрида, маҳаллий вақт билан соат 13:40 ларда ўз уйи подъездида номаълум шахм томонидан отиб кетилди.

Ҳозирда Обид қори Умио шаҳридаги касалхонада кома ҳолатида қолмоқда.

Суиқасд юзасидан олиб борилаётган тергов билан Швеция хавфсизлик хизмати шуғулланмоқда.