ЎХҲ дунё бўйлаб Диктатурага қарши намойишлар ўтказди.

1-2 Сентябр кунлари Ўзбекистон Халқ Ҳаракати дунёнинг бир нечта давлатларида Диктатор Каримов Режимига қарши ўзининг норозилик намойишларини ўтказди. Намойишлар Туркия, Швеция, Чехия, Норвегия, Канада ва АҚШда ҳаракат фаоллари томонидан ташкил қилинди.

Намойишчилар Ўзбекистонда ҳозиргача давом этиб келаётган барча зулмлар ва халқни қўрқитиш эвазига ҳукумат тепасида турган Диктаторлик тузумига ортиқ чидаб бўлмаслигини таъкидлаб ўтишди. Қолаверса Мустақиллик даврида Каримов режими ўзбек халқининг ўз эркидан маҳрум қилди, шунинг учун халқ хақиқий мустақил-озод бўлиш йўлида режимга қарши курашиши керак деб ўз талабларини кенг жамоатчиликка баралла эълон қилдилар.

Улар Сиёсий ва диний маҳбусларни озод қилинсин, Режим тугатилсин, Халқ эркин бўлсин, Қийноқлар тўҳтатилсин, Болалар меҳнати тўҳтатилсин, Озодлик учун курашамиз ва Йўқолсин Диктатура каби талабларни илгари суришди.