Сабрнинг ҳам чеки бор!

Қарши шаҳри ахолиси эрталабдан 26 август куни, Мустақиллик байрамини
ҳис қила бошлади, чунки 27 август куни Қарши шаҳар Амфитеатрида
Мустақиллик байрами  кенг нишонланади.
Бу ҳақиқий “байрам” экан.Буни тан олмай иложимиз йўқ. Жазирама
қурғоқчиликда ҳам қуриб ётган кранлардан сув келмаган эди.”Ёш боланинг
сийдигидай”сув кела бошлади.
Қизларим хам ҳайрон.”Сув келди”дея бақиришарди.
Сувсиз қолган бу диёрда, байрам нашидаси билан ичимлик суви кела
бошлаши ҳаммага маьлум. Бу дегани хукумат халқни ўйлаши дегани
эмас, аксинча бу кунда
халқни имкон қадар ўпкасини босиш дегани.
Яқинда махалламизнинг собиқ оқсоқолини кўриб қолдим.(исмини сир сақлашни
шарти билан)У бир қизиқ  воқеа хақида  гапириб қолди.
Махалланинг сувсиз экани тўғрисида бир неча бор, ишлаб юрган
кезларида, прокуратурага шикоят билан  мурожаат қилганидан сўнг Қарши шахар  Сув
окаво ташкилоти бошлиғи келган.
Махаллада  6 йилдан буён  крандан ичимлик суви келмайдиган хонадонни
кўрсатишларини, суви бор ёки йўқлигини ҳам  сўраб чиқишларини айтган
-Хонадон эгасини чақириб чиқдим,уй ичкарисидаги кранида  сув бор ёки
йўқлигини  ҳам қараб чиқишини сўрадим-дейди собиқ оксоқол.
-6 йилдан буён сув келмаган мазкур хонадонга шу куни сув
келганди,менам ҳайрон қолдим-дейди қўшимча қилиб собиқ оқсоқол.
“Сув йўқ деб, нолийсиз бор эканку”-дея юзлаган  Сув- оқава ташкилотининг бошлиғи.
Икки соатларча ичимлик суви кела бошлаган,сўнг яна  “эски хаммом эски
тозга”га айланган.
Яна сув келмай қолганини келтиради оқсоқол.
Бу хукуматнинг майнавозчилигини собиқ дамком ҳам билган,аммо нима қилсин
талаб қилган,ўйин кўрсатишаётганларини  ҳам яхши билган.
Хукумат уялмайди.Халқни алдашдан чарчамайди. Яна норозилик қилиб чиққан ахолига “Халқ душмани”тамғасини босишади.
Бунақа ўйинлар Қарши шаҳар газ ташкилотида ҳам худди шундай
кечаяпти.Газ йўқ деб жанжал қилиб борган хонадон эгалари билан бирга,
бу ташкилот ходимлари қўшилиб келишиб, шу куни  газ босимни қўйиб
юборишаяпти ва хонадонларга газ келаяпти.
Улар кетиши билан эса яна газ йўқ! 25 августдан буён  ёз фасли
бўлишига қарамай газ босими паст холатда.Икки соатлар ичида  чой
қайнайди.04  рақамли Қарши шаҳар Газ ташкилотига, газнинг йўқлигини сўраш
мақсадида  қўнғироқ қилган,ахолига эса бир хил жавоб
беришаяпти.”Текшираяпмиз, Гербини кўришга ходимларимиз  кетган”
“Гербини топиш учун юборилган”Қарши шаҳар газ ташкилотининг ходимлари
кечадан, буён”Гербини” топишмаган кўринади, акс холда табиий газнинг
босими кўтарилган бўларди.
Хозирги кунда,халққни  эса  қиш ойида ишлатмаган гази учун  миллионлаб дебитор қарз босиб уни тўлашга мажбур қилишаяпти.Бу емаган сомса учун пул тўлаш дейилади.
Етар халқни масхарабоз қилиш,унинг  ҳам уволи бор!Ҳеч қайси давлат
Ўзбекистон давлатидай ўз халқини муаммолар билан эзмаган  бўлса керак!
Халқ тўлкин,халқ денгиздир.Буни ёдидан чиқармасин режим!
Сабрни хам чеки бор!

26-август, 2011 йил.

Гулшан Қораева
Ўзбекистон Инсон Хуқуқлари Жамиятининг
Қашқадарё вилоят бўлими раиси.