Мени кимдир пикетга ундагани йўқ, аслида мени пикетга чиқишимга адолатсизлик мажбур қилди

Жорий йилнинг 8 ноябрь куни ваҳшийларча уриб ўлдирилган Руслан

Бердиевнинг отаси Муродулло Бердиев оила аъзолари билан Қашқадарё

вилоят хокимлиги яқинида норозилик акцияси яьни оддийгина пикет

ўтказиш мақсадида билдирги тарқатган эдилар.

Бу хақда биз маълум қилган эдик.

 

“Хўш, норозилик ўтказилдими, натижа қандай?”-деган савол  табиийки туғилади.

Норозилик акцияси ўтказилмади,бунга  эса қуйидагилар  сабаб бўлди.

Муродулло Бердиев қуйидагиларни маьлум қилдилар.

“5 ноябрь куни,мен яшайдиган маҳалла қўмитасига тўрт нафар ИИБданмиз

деб таништирган ходимлари келишган, маҳалла идорасига.Сўнг мени

чақиришди.Мен бордим,уларнинг айтиши бўйича бу ишларни ким ўргатган

саволлар кўпроқ қизиқтирарди.Гулшан  Қораева ўргатдими?-деган саволлар

берилди.Бизни мамлакатда,бундай ишлар кетмаслигини ҳам қистириб

ўтишди”-дейдилар воқеа тафсилотларини гапириб.

 

Ўзбекистон Инсон Ҳуқуқлари Жамиятига бу ҳол янгилик эмас эди,Муродулло

ака Бердиевни тинглашда давом этдик.

“7 ноябрь куни эса бир нечта хокимият вакиллари келиб,менга

огоҳлантириш хати беришди.Агар чиқсам менга нисбатан маьмурий ёки

жиноий жавобгарлик белгиланиши тўғрисида огоҳлантирилдим.

 

Эслатиб ўтамиз, аслида бу пикет, ҳеч қанақа кўча юриши ёки митинг эмас ,бундай ҳолатда огоҳлантириш хати берилмаслиги керак эди.Ривожланган мамлакатларда бундай ҳолларда маҳаллий хокимият ҳимоя қилади.

 

Қарши шаҳар хокими Ж.Фозилов 8 ноябрь куни шахсан ўзи бизнинг масаламиз

билан шуғулланиши  тўғрисида ходимларидан айттирган экан. 8 ноябрь куни

бизни соат 9.00да тинглайдиган бўлдилар.

 

Мен оилам билан бирга хоким билан гаплашгани бордик.

Хоким, прокурор, Қарши шаҳар ИИБси бошлиғи ҳғам бор эди.Бизни хоким

тинглади.Биз хокимни тингладик.Хоким ўзи шу ишни назоратга олганини

билдирди.Менинг мақсадим, ўғлимнинг қотилларини жиноий жавобгарликга тортиш кераклиги ҳақида эди.Пикетга мажбур  қилган нарса, бу ўғлимнинг

қотилларидан бир киши ҳибсга олиниб, қолганлари маъмурий жавобгарликга

тортилганлигидан  эди”-дейдилар юраклари куйиниб Муродулло ака.

Ўша пайтда хокимни гапига ишонишни ,ишонмасликни ҳам

билмаётганликларини ҳам айтдилар.

 

Шундай қилиб 8 ноябрь куни Муродулло Бердиев огоҳлантириш туфайли ва

хокимни гапларига ишониб,пикетга чиқмадилар.

“Менга адвокатим қўнғироқ қилиб,уни чақиришаётганини айтди. Суд

қолдирилиб, иш терговга қайтаётгани тўғрисида маълум этди ва суд

тўхтатилди”-дейдилар жабрдийда ота.

 

Айни дамда ишлар қайси томонга кетаётгани тўғрисида қизиқдик.

“Иш прокуратурага эмас, айни дамда УВДга яьни Вилоят ИИБ бошқармасига

ўтганликларини маълум қилдилар.Мени ҳайрон қолдирган нарса шуки,нега

УВДга ўтказишди?Мана шу саволларга жавоб излаяпман.

 

Яна бир қизиғияқинда хат олдим, 30 октябрь 2018 йил №16/10-18-9511  рақами билан келган.Бу хатни Республика бош прокуратураси юборган экан.Мени вафот этган ўғлимга дабдурустдан тўҳмат қилибди бош прокуратура Тоштемиров Б,Б деган бошлиғи. Нима эмиш, менинг ўғлим ўша куни маст, ичган бўлган экан.Икки киши ичиб, бир-бири билан урушиб биттаси ўлган бўлиб чиқаяпти. Мен буни ўқиб рости ҳайрон қолдим.Менинг ўғлим рўза тутиб

юрганди,у ичмаган эди.Уни телефон қилиб чақиришган.Бу прокуратурада

ишлайдиган бошлиқ бундай тўҳматни қаердан олди?-дейдилар кўзларида ёш

билан адолат излаётган ота.

 

Дабрустдан тўҳмат қилингани отани жазавага туширганлиги яққол кўриниб турарди.

“Мен Шавкат Мирзиёевга ва Бош прокуратурага бундай тўҳмат гапни нега

ёзганлиги савол тариқасида хат йўлладим, тўҳматни қаердан олганлиги

мени қизиқтираяпти аслида”-дейдилар Муродулло ака.

 

“Мени кимдир пикетга ундагани йўқ, аслида мени пикетга чиқишимга

адолатсизлик мажбур қилди”-деб кўз ёшларини тия олмаган ота.

 

Бош прокуратура томонидан юборилган хатга назар ташлар эканмиз,инсон

кўзларига ишонмас экан.Ҳақиқатан шундай битилган..

“Нега бош прокуратура бундай жавоб йўллади экан???

Бир ишни игнасидан ипигача ўрганмай туриб,бундай жавоб ёзишни боиси не?

Маъсулиятсизликми? Ё ўз ишига совуққонликми?”-сўзларини якунлаб Муродулло ака.

 

Муродулла Бердиев адолатни қарор  топтиришлари учун  ҳали анча қовун

пишиғи борга ўҳшайди…

Жараённи кузатишда давом этамиз.

 

Гулшан Қораева

Ўзбекистон Инсон Ҳуқуқлари Жамияти

Қашқадарё вилоят бўлими раиси

20 ноябрь, 2018 йил.