Президентнинг виртуаль қабулхонасига ёзсаларинг сенларни ишдан бўшатамиз ёки мусиқа мактабини тўла беркитиб қўямиз

Сардорбек Ҳамидов 1994 йилнинг 10 октябрида Наманган вилояти
Тўрақўрғон туманининг Найманча қишлоғида туғилган. Ҳозирги кунда
10-сонли Мусиқа мактабида ишлайди. Унинг айтишича, кейинги пайтда ушбу
мактабда жуда кўп нохақсизликлар рўй бераётганлигини маълум қилди.
Шу мусиқа мактабинг олдинги  директори Алиев Умид эди, уни устидан
ҳозирги директор лавоизимидаги Юлдузхон Жумабаева бўҳтонлар ёзиб,
ишдан бўшатиб юборди. Шундан сўнг азоб-уқубатлар бошланди.

Сардорбекнинг айтишича, Ю.Жумабаева пластик карточкасидаги мукофот
пулини ўзлаштириб олган, пулларни талаб қилса бу пуллар сеникимас- деб
бақираркан.

Директор ўринбосари Юлдуз Жуманбаева эса ишга қабул қилиш учун
300-400 доллордан пора олиб ишга қабул қилдириб олишини, ойлигини эса
ишчилардан яширин равишда кўпайтириб олишини маълум қилди. Энг қизиғи
мусиқа мактабда тасвирий санъат ўқитувчиси мусиқадан дарс беради.
Мусиқадан дарсликни тугатган ўқитувчи агар ўқувчилардан бири қўшиқни
яхши айтса уларни кўтариш ўрнига, нотўғри айтдинг деб ўқувчини сўкади,
ҳатто ўқишдан бездиришаркан, ўзларининг одамларини эса яхши подход
қилган бўлса кўтаришади. Уларга аъло баҳолар билан чоракдан
чиқаришади.

Сардорбекка бу ҳақда бирор Давлат органларига мурожаат қилганмисизлар?-
деб савол бердик. Ҳа, бу ҳақда айтганмиз, 20 кишидан иборат мактаб
ўқитувчилари Наманган вилояти Тўрақўрғон тумани прокуратурасига
мурожаат қилдик. Аммо туман прокуратураси бизнимас балки, мусиқа
мактаби раҳбариятини фойдасига хал қилиб беришди-деб жавоб қилди.

Ўз гапини давом этаркан хозирги кунда мусиқа мактаби колективи
2га ажралган экан. Бири мактаб раҳбарларини тарафдорлари бирлари эса
ҳалол ўқитувчилардир.

Масалан мактабда 30 та ўқитувчи бўлишса ярми мактаб раҳбариятини
қўйнига кириб олган. У ўқитувчиларнинг ойлиги ҳам кўп, бизларники эса
паст. Коллектив орасида ҳам одам ажратиш бор, сўкиш бор муамала эса
ёмон.

Ҳозирги кунда Ўзбекистон Республикаси президентининг мажбурий меҳнатга
оид фармонлари қонунда ўзгартириш киритилиб қаттиқ чоралар кўрилмоқда,
айтингчи мусиқа мактаби коллективини турли хил ҳашарларга олиб чиқиш
ҳоллари борми?

–Ҳашарга ўзимизнинг атрофимиздаги кўча супуришларга олиб чиқишади.

Сизларга шартномада кўрсатилганидек, иш вақти белгиланганми. Одатда иш
вақти эрталаб 7дан то кеч соат 6-00гача. Ҳохласа ушлаб жавоб
бермайдими?

Жавоби эса 6 кун керак булса 8 00дан 5 00 гача ҳохласа ушлаб ўтиради.

Сардорбек сўзини давом этаркан – бу муаммолар юзасидан Ўзбекистон
президентининг виртуаль қабулхонасига юборишни режалаштирмоқчи эдик.
Бунисидан хабардор бўлган раҳбарият мажлис қилиб, Наманган вилояти
маданият бўлими бошлиғи Мухтор ака келиб агар Президентнинг виртуаль
қабулхонасига ёзсаларинг сенларни ишдан бўшатамиз ёки мусиқа
мактабини тўла беркитиб қўямиз , буларни бости бости қилиш керак эди
деб айтди- деб жавоб берди Сардорбек.

Зоҳиджон Зокиров

Ўзбекистон Инсон Ҳуқуқлари Жамиятининг

Наманган вилояти бўлими раиси.

17-июль, 2018-йил.