Ҳуқуқбон Шуҳрат Рустамовга нисбатан жиноят иши қўзғатилди

2018 йилнинг 31 январ куни Фарғона вилояти, Бувайда туман прокурори, адлия маслаҳатчиси Х. Н. Шамсутдинов тумандаги 20-мактабдан ишдан бўшатилган ўқитувчилар Л. Сиддиқов, А. Имомалиев ва инсон ҳуқуқлари фаоли Шуҳрат Рустамовларга нисбатан Ўзбекистон Республикаси Жиноят кодексининг 139-моддаси, 3- қисми, “а”, “г” бандлари, ва 237-моддаси 2- қисми “б” банди билан жиноят иши қўзғатиш хусусида қарор қилган.

Гап шундаки, Фарғона вилояти, Бувайда тумани 20-мактабнинг бошланғич синф ўқитувчиси Л. Сиддиқов ҳамда мазкур мактаб директорининг ўқув ишлари бўйича директор ўринбосари Алишер Имомалиевлар 20-мактаб директори Хамилахон Абдукаримованинг 2017 йил 5 октярдаги 40-сонли буйруғига асосан Ўзбекистон Республикаси Меҳнат Кодексининг 100-моддаси, 2-қисмга асосан ишдан бўшатилган.

Оқибатда ишсиз қолган ўқитувчилар ўз меҳнат ҳуқуқларини тиклаш мақсадида фуқаролик ишлари бўйича Қўқон туманлараро судига даъво ариза билан мурожаат қилишган.

2018 йилнинг 23-февраль куни Қўқон туманлараро суди томонидан мактаб директорининг 05.10.2017 йилдаги 40-сонли ишдан бўшатиш борасидаги буйруғи ҳақиқий эмас деб топилган ва суд даъвогарларнинг даъво талабларини қондириш ҳақида ҳал қилув қарори чиқарган.

Суднинг қарорига қарамасдан, воқеалар ривожи қизғин ва кескин тус олган.

Воқеаларнинг тўлиқ тафслиоти билан тез кунда танишасиз.

Ҳуқуқбон Шуҳрат Рустамовнинг жараёнларга нисбатан билдирган видеомуносабатини тинглаш ва томоша қилиш имкониятига эга бўласиз.

Малоҳат ЭШОНҚУЛОВА

Ўзбекистон Инсон Ҳуқуқлари Жамияти раиси, мустақил журналист.