НАМАНГАНДА ДАҲШАТЛИ ВОҚЕА СОДИР БЎЛДИ

Шу кунларда Наманганликлар асосан бўлиб ўтган “Баркамол авлод” мусобақалари атрофидаги воқеаларни қизғин муҳокама қилмоқдалар. Аммо бўлиб ўтган мана бу даҳшатли воқеа одамларни фикрини бутунлай бошқа томонга буриб юборди.

Воқеа қаҳрамонларининг илтимосларига биноан уларнинг номларини ўзгартирган ҳолда воқеа тафсилотларини ҳукмингизга ҳавола этмоқчимиз.

Абдуллажон “Дамас” русумли машинада киракашлик қилиб тирикчилик қилади. Умр йўлдоши билан унга Оллоҳ уч нафар ўғил фарзанд ато этган эди. Кутилмаганда аёли тўртинчи фарзандига ҳомиладор бўлди. Орадан бир оз вақт ўтгач, эри ҳар куни ишга кетишида “Болани олдириб ташлайман!”-деб ғинший бошлади. Абдуллажон кўнмади. Аёли ҳар куни шу гапни қайтаравериб жонига теккач, “Нима қилсанг қилавер!”-дедида ишга чиқиб кетди. Хотин эса ҳомилани олдиргани шифохонага кетади. Тушлик пайти кутилмаганда Абдуллажоннинг қўшнилари унга қўнғироқ қилиб тезда етиб келишини сўрашади. Маълум бўлишича ота-она уйдан чиқиб кетгач икки нафар катта ўғиллари кичик укаларига, “Бизни дадам суннат қилганлар, кел сени ҳам суннат қиламиз”-деб, укаларининг нозик жойини пичоқ билан кесиб ташлашади. Бола шу заҳота жон таслим қилади. Абдуллажон уйига келиб даҳшатга тушади. Қўшнилар “тез ёрдам” чақиришган эди. Улар ҳа деганда келаверишмайди. Болалар эса “Энди дадам бизни уради!”деб Абдуллажон дод-фарёд қилиб ётганда уни машинасини тагига кириб беркиниб олишади. Шу пайт Абдуллажоннинг хотини,”Болани олдириб бўлдим, тез етиб келинг”деб қўнғироқ қилиб қолади. Хотинини болохонадор қилиб сўккан ота ҳовли дарвозаси тўғрисига қўйиб-қўйган машинасига ўтириб, ҳаёл билан олдинга эмас балки орқа томонга юрғизади. Машина балони тагида яшириниб ётган фарзандлар ғилдираклар тагида қолиб ҳалок бўлишади.

Шундай қилиб, ота-она бир кунда ўзларининг айблари билан тўрт фарзанддан жудо бўлишади. Даҳшат! Кўпчилик бу даҳшатли воқеага эр-хотинни айбдор қилиб кўрсатмоқдалар. Одамлар, “Оллоҳ берган болани олдириб Уни қаҳрига учраганлиги учун аёлни, бунга рухсат бергани учун отани Худо жазолади”- демоқдалар.

Носир Зокир
Ўзбекистон Инсон Ҳуқуқлари Жамиятининг Фарғона водийси бўйича мувофиқлаштирувчиси
14-июнь , 2014-йил.