Бугун Андижонда икки минг атрофида одамлар, 2011 йил бузулган уйлари учун товон пули талаб қилиб кўчаларга чиқишди.

 асосий эркинликлар, Инсон Ҳуқуқлари, хабарлар  Add comments
Jul 232012
 

 

Андижондаги 2005 йилги 13 май намойиши қонига ботирилган эди

23.07.12 16:25

Андижон тағин қўзғолмоқда

Бугун Андижонда икки минг атрофида одамлар, 2011 йил бузулган уйлари учун товон пули талаб қилиб кўчаларга чиқишди, – норозилик майдони ўраб олинган, шаҳарга ички ишлар қўшинлари олиб кирилган.

Бу алданган уй-жой эгаларининг сўнгги икки ҳафта ичидаги иккинчи норозилигидир.

2011 йили шаҳар реконструкцияси пайтида уй жойларини йўқотган одамлар, ҳукуматдан товон пули ёки шунга лойиқ бўлган уй жой талаб қилишмоқда.

Норозилик Андижоннинг “Қуриган ер” туманида ўтмоқда. Норозилик иштирокчиларидан бирининг сўзларига кўра, икки минг атрофидаги одам вилоят клиникаси ва яшил кўприк билан боғловчи трассани тўлдиришган.

Норозилар, бошпанасиз одамлардай яшаш жонларига текканини билдиришмоқда. Уйлари бузилгач, ҳукумат уларнинг бир қисмини пахтачилик интитути ётоқхонасига, қолган қисмини коллежлардан бирининг ётоқхонасига жойлаштирган, учинчиси эса қариндошлариникидан бошпана топишган.

Андижон рахбарияти, Uznews.net респондентининг сўзларига кўра, ҳозирча сабр тоқат қилиб, одамларни тинчлантиришга уринмоқда ва уларнинг муаммоларини ечишга ваъда бермоқда. Гарчи норозилик ўтаётган жой милиция кучлари томонидан тўсиб қўйилган, шаҳарга ички ишлар қўшинлари киритилган.

Андижон вилоят ҳокими Ахматжон Усмонов норозилик билдирувчилар билан учрашиб, ҳар бир хонадон 50 млн.сўмдан (тахминан “қора бозор” курси бўйича 17500 доллар) олишини ваъда қилган.

Норозилар, ҳукумат уларни тағин алдаяпти деган ўйда, ҳокимнинг гапини ўта қувонч билан қабул қилишмади.
Андижон Ўзбекистонда алоҳида эътибор қозонган шаҳар. 2005 йилнинг 13 май куни Ўзбекистон ҳукумати бу шаҳарни ўққа тутиб, ўз ҳуқуқ ва эркини талаб қилиб чиққан минглаб одамлар, жумладан аёллар ва болаларни ўлдирган эди.

Шундан буён Андижондаги ҳаёт, бош кўтарган ҳар бир одамни эзиб ташлашга тайёр кучишлатарларнинг сергак нигоҳи остида кечмоқда. Бироқ ҳаёт андижонликларни тағин ва тағин ўз ҳуқуқларини талаб қилишга мажбур қилмоқда.

Uznews.net

 

http://www.uznews.net/news_single.php?lng=uz&sub=top&cid=30&nid=20379