Қирғизистон фожиасига ҳам икки йил тўлибди. Бироқ қўшни мамлактада ҳамон ўзбек миллатига нисбатан таҳқиру ҳақаротлар,камситишу босимлар давом этиётганлиги барчага аён. Аслида,тарих саҳифаларини ҳафсала билан титкилаган киши ўзбек билан қирғизнинг илдизи битта эканлигига гувоҳ бўлади. Шу маънода,баралла айтишимиз мумкинки,Қирғизистондаги ўзбек миллатдошларимиз ўз ерларида умргузорлик қилишмоқда. Шундай экан,ўзбекларни “келгинди” санаб,таҳқирлаш,бу энди – ўта кетган ноҳақликдан бошқа нарса эмас.

Қўшни мамлакатда ҳуқуқлари оёқ ости бўлаётган миллатдошларимизнинг тақдири биз Ўзбекистонликларни ташвишга солмасдан қўймайди,албатта. Эзгу мақсадимиз битта – у ҳам бўса,ўзбек ва қирғиз миллатининг қардош эканлигини яна бир бор таъкидлаш,ёдидан кўтарилган кишиларга эслатиб қўйиш орқали икки миллат вакилларини аҳиллиги,тинч,осуда ҳаёти учун ўз ҳиссамизни қўшиш.

Хабарингиз бор,ана шундай эзгу мақсадда  “Бирдамлик” Халқ демократик ҳаракати Ўзбекистон бўлими фаоллари Ўзбекиcтондаги Қирғизистон элчихонаси олдида қирғизистонлик ўзбекларга нисбатан бўлаётган ноҳақликларга қарши ўз норозиликларини пикет орқали намоён этишликни лозим топишганди.

Шу кеча кундузда  норозилик пикетига тайёргарлик ишлари қизғин. Айни дамда,Ҳаракатнинг  Фарғона водийси координатори Носир Зокирга кўра,Хукуматнинг ҳам норозилик пикетини тўхтатиш борасидаги ҳаракатлари “авжида” эканлиги очиқланди.

– Бугун,10 июнь куни кечга яқин уйимга фуқаро формасидаги икки шахс кириб келди,–дейди Носир Зокир  телефон орқали  бўлган суҳбатда,-  Меҳмонлардан бири ўзини Наманган шаҳар ИИБ майори Икромжон Муҳаммедов,иккинчиси эса милиция подполковниги Аббосхон Қосимов деб таништирди. Тажрибадан маълумки,аксарият ҳолларда  фуқаро кийимидаги “элчилар” исм-шарифларини ҳеч қачон очиқ ойдин айтишмас,сир сақлашарди. Бу гал қандай сабаб билан ошкор этишганларига,очиғи ўзим ҳам ҳайронман.

Хуллас,ҳукумат “хабарчилари”дан бири подполковник Аббосхон Қосимов мақсадга кўчди:“Носир ака,сизнинг қатор йиллардан буён амалга ошириб келаётган антиконституцион ҳаракталарингизджан хабаримиз бор. Ҳатто бундан йигирма йиллар олдин очлик эълон қилганларингизни ҳам биламиз”,деди сўзларини чертиб-чертиб. Унинг сўзларидан қон босимим кўтарилиб кетди. “ Кўп йиллик фаолиятим давомида антиконституцион иш қилган эмасман,аксинча,ҳукуматни ҳам,халқни ҳам конститутция доирасида ишлашга чақирдим. Барчани конституция талабларига буйсунишга чақириб келдим. Бундай ҳаракат сизларда антиконституцион фаолият деб аталадими? Бундан анча йиллар олдин очлик эълон қилган бўлсам,бу очликнинг конституцияга даҳли йўқ эди. Ўша пайтларда Совет Армияси сафида хизмат қилаётган Наманганлик 35 нафар йигитнинг жасади келган. Ана шу бедодликка қарши очлик қилганман,холос” дедим суҳбатдошимнинг сўзларидан ранжиб. “Носир ака,норозилик пикети ўтказаман деб Тошкентга боришингиз шартми,ака” дейди Аббосхон Қосимов.   Унинг сўзларидан сездимки,аслида,улар қай мақсадда норозилик пикети ўтказишимиздан ҳам бехабар,хатто. Фақат уларга “Носир Зокирни бироз чўчитиб,талвасага солиб қўйиш керак” деб тепадан буйруқ бўлган холос. Шу сабаб,билдимки,“меҳмонжонларим”  мени  Тошкент сафаридан қайтирш борасида  “сулҳ”  тузишга келишган. “Қирғизистондаги воқеалардан,ҳозирги ҳолатдан,миллатдошларимизнинг тақдиридан хабардорсиз. Биз қўшни мамлакатда яшаётган ўзбекларнинг тақдиридан қайғудамиз. Ана шу мақсадда норозилик пикети ўтказиш ниятидамиз. Бунинг нимаси номаъқул?” дедим энсам қотиб.  Ҳар қандай ҳолатда ҳам миллатдошларимизнинг ҳимояси учун пикетга етиб бориш ҳаракатидамиз,–дея сўзига якун ясади Носир ака.

“Бирдамлик” халқ ҳаракатининг тажрибали фаоли сўзларидан кўриниб турибдики,  “кимлардир” норозилик пикетининг ўтказилишига тиш-тирноғи билан қарши. Аммо нега? Бу саволга ўзлари ҳам асосли жавоб бера олмайдилар,қаршиликларининг боисини шарҳлашга қийналиб қоладилар,деган фикрдаман. Бироқ,шу нарса аниқки,улар бу йўлда қўлларидан келган ҳар қандай уринишлардан тап ҳам тортмайдилар.

Аммо,умид қиламанки,бу каби уринишлар миллатдошлари тақдиридан ташвишга тушаётган,ўзбек миллатининг ҳурлиги,озодлиги,эрки йўлида тиним билмаётган “Бирдамлик” фаолларининг руҳини синдиролмайди,танлаган йўлларидан қайтара олмайди.!

Қирғизистонлик миллатдошларимизнинг ҳаёти ҳақида қайғуриш ҳар бир ватандошимизнинг,барча ўзбекнинг бурчи. Шундай экан,азиз юртдошлар,12 июнь куни соат 11.00 да Қирғизистон элчихонаси олдида барчангизнинг йўлингизга кўз тикиб қоламиз. Келинг,норозилигингизни намойиш этинг,лоқайдлик кишанларидан қутилинг,биз билан бирга бўлинг!

 

Малоҳат ЭШОНҚУЛОВА

“Бирдамлик” халқ демократик ҳаракати Ўзбекистон бўлими етакчиси

http://birdamlik.info/?p=22464#more-22464

 

            12 июнь куни Қирғизистон элчихонаси олдида ўтказилиши режалаштирилган  норозилик пикетида иштирок этиш мақсадида мамлакатнинг барча вилоятларидан “Бирдамлик” етакчилари ва фаоллари Тошкент сафарига отланишган.

Ҳаракатнинг  Хоразм вилоят бўлими етакчиси Валерий Назаров ҳам ўз сафдошлари билан йўл олислиги боис икки кун аввал,10 июнь куни  Тошкент тараддусида йўлга чиқишганди.   Бироқ йўловчилар ўз манзилларига етиб келиша олмади.

–3-4 кун олдин Хоразм-Тошкент йўналиши бўйича поеъздга чипта олиб қўйгандик.  10 июнь куни тахминан соат 15.30 ларда номаълум йўлтўсарларга учрадик,–дейди  Валирей Назаров шу бугун эрталаб телефон орқали бўлган суҳбатимизда,-  Тошкентга бориш учун йўлга  нон,ул-бул харид қилиш учун вокзалга кетаётиб бозорчага тушгандик. Ғафлатда қолган эканман. Шу пайт ёнимда ўрта ёшли бир нотаниш аёл пайдо бўлди. Кутилмаганда у “Нега оёғимни босасан!” дея ёқамдан олиб қолса бўладими?  Ғала-ғоқур бошланиб кетди. Шу пайт 3-4 та “миршаб” ҳам тайёр турган экан. Мени таппа босишди-да ички ишлар бўлимига олиб кетишди. “Мен пайғамбар ёшидан ўтган одамман. Аёлларга тегажоғлик қилиш ёки безорилик кўчасига кириш ёшидан ўтганман. Илтимос,мени йўлдан қўйманглар,Тошкентга кетишим керак” дея  ҳарчанд ёлвормайин,қўлимдан паспортимни,поеъзд билетимни олиб қўйиб,э йўқ,бе йўқ,ўзимни бир сутка қамаб қўйишди.  У ердаги калтак ва ҳақоратларни айтмайсизми? Мана,ҳозиргина қўйиб юборишди. Кейин билсам,мен билан бирга сафарга отланган ҳамроҳларимни ҳам алоҳида-алоҳида тутиб,қамоққа жўнатишган экан. Калтак еганимга,таҳқирланганимга ачинмайман. Поъезддан қолиб кетдим,шунисига сиқилиб ўтирибман. Мана,ҳамон паспортимни ҳам,поъезд чиптамни ҳам қайтаришгани йўқ. Қайтаришадими йўқми,қайтаришса,қачон беришади,номаълум. Мабодо паспортимни қўлга киритиб олсам,чипта-ку,энди куйди,таксида бўлсаям Тошкентга  етиб олиш ниятида ҳаракат қилаяпман. Аммо сзилар кайфиятларингизни асло туширманглар. Аслида бор хатолик мендан ўтган. Ғафлатда қолибман. Кимдир бизнинг сафаримиз ҳақида керакли идораларга аллақачон хабар бериб улгуришган экан чоғи. Улар йўлда провокация уюштиришларини ҳисобга олмаган эканман. Кейин билсам,ёқамга ёпишган аёл ёлланма “қароқчи” экан. Шундай бўлишини билганимда,бозорчага тушмаган бўлардим. Аслида,тажрибамдан келиб чиқиб,ҳар нарса бўлишини билишим,провокацияларга тайёр туришим,эҳтиёт бўлишим керак эди.

Ўзбекистон ҳукуматининг тегишли идора ходимлари “Бирдамлик” халқ демократик ҳаракати Ўзбекистон бўлими фаоллари томонидан Қирғизистон элчихонаси олдида  ўтказилиши режалаштирилган норозилик пикетининг бўлиб ўтишига  халақит беришга астойдил бел боғлаган кўринади.   12 июнь – сешанба кунига қадар ҳали фурсат бор. Аммо “йўлтўсар”у  “қароқчи”ларнинг “Бирдамлик”чиларни тўхтатиб қолиш  учун яна қандай нағмалари бор,буниси энди  ҳали номаълум!

 

        “Бирдамлик” халқ демократик ҳаракати Ўзбекиcтон бўлими Матбуот маркази

http://birdamlik.info/?p=22468#more-22468

 

       “Бирдамлик” халқ демократик ҳаракати Ўзбекиcтон бўлими фаоллари томонидан 12 июнь куни соат 11.00 да Қирғизистон элчихонаси биноси олдида ўтказилиши кўзда тутилган норозилик пикетини тўхтатиш йўлида МХХ ва ИИБ ходамлари неки нағмалари бўлса қўллаб кўришмоқда,зўравонликнинг минг бир хил усулини қўллаб кўришмоқда.

Ҳаракатнинг  Фарғона вилоят бўйича етакчиси Гулҳаё Бобожонова МХХ чиларнинг навбатдаги “ўлчаси” бўлди.  Аниқроғи,Г. Бобожонованинг турмуш ўртоғи МХХ ходимларининг “назарига тушди”. Гап шундаки,   “Бирдамлик” норозилик пикети ўтказишмоқчи” деган хабар қулоқларига  чалинар-чалинмас  Ҳаракатнинг ёш етакчисини ҳузурларига чорлаган Фарғона шаҳар МХХ  ходимлари Гулҳаёдан “Норозилик пикетига бормайман. Пикетда иштирок этмайман” деган мазмунда тилхат ёзиб беришини талаб қилишган эди. Бобожонова ҳам отасининг қизи эмасми,махсус хизмат ходамларининг талабига “хўп” дея кўниб қўя қолмади. Тилхат ёзди,бироқ,  тилхатда “Мен албатта пиктеда иштирок этаман”  деган мазмун касб этди. Аёл киши билан “тиллашиб”,йўғ-э,муштлашиб  бўлмаслигидан алам алангасида қоврилган МХХ ходамлари бу гал таҳдид йўналишини ўзга томонга буриб кўришди. Бир сўз билан айтганда,гулҳаёнинг жон жойидан ушлашди.

–Кечга яқин эшик қўнғироғи жиринглади. Чиқиб қарасам,икки йигит турибди. Улардан бири “Шу уйда ўз ишининг устаси бўлган уста яшайди дейишди. Шунга устани истаб чиққандик. Азгина юмушимиз бор эйди” деди ўзини таништиришни ҳам унутиб. Турмуш ўртоғим ишсизликдан қоқ ёрилай деб ўтирган эмасми,“буюртмачи”ларнинг таклифига дарҳол розилик бериб қўя қолдилар,–дея гап бошлади Гулҳаё Бобожонова,–Шунда йигитлар “У ҳолда биз билан бирга юринг,ака,иш кўламини кўрсатиб,савдолашамиз” дея эримни олиб чиқиб кетишди. Шу куни болаларимнинг отаси уйга жуда кеч,асаблари таранг ҳолатда  қайтди. Уларнинг айтишларича,фуқаро формасидаги бу икки йигит турмуш ўртоғимни “дом”ларнинг чеккароғига,хилватроқ жойга қадар ана келдик,мана келдик дея алдов йўли билан бошлаб боришган-да,кейин,“Битта хотинингни йиғиштириб ололмасанг қанақанги эркаксан. Белингдаги шимми ё лозим?! Хотининг нега ҳукуматга қaрши чиқаяпти? Нима,ўлгиларинг келганми?  Ёки уйингдан варақа,чўнтагингдан наша чиқишини истайсанми? Билиб қўй,олдингда иккита йўл бор:биринчиси,вақтнинг борида хотинингни йиғиштириб оласан-да,тинчгина яшайсан. Ёки…уйингдан  таъқиқланган варақа топилади,ёхуд чўнтагингдан гиёҳванд модда  олинади-да,умурбод қамоқ жазосига ҳукум қилинасан! Жуда бўлмаганида,камида 14 йилга озодликдан марҳум этиласан! Хўш,сенга қай бир йўл маъқулроқ. Хотинингни изга солишми,ё қамоқ!”  дея таҳдид қилишган,атай ғуруриға тегишган.   Эримнинг сўзларидан кейин  эртасигаёқ Фарғона шаҳар МХХ хизмати ходамларига учрашдим:  “Мен бу ёқда қолиб,нега энди турмуш ўртоғимни сиқувга олаяпсизлар? Шу адолатданми?!” дедим хуноб бўлиб.

Фарғона шаҳар махсус хизмат ходими,“Биздан ноўрин шубҳа қилаяпсиз,опа,  деди ўта хотиржамлик билан,–Назаримда бу иш МХХ йигитларининг иши эмас,бу аниқ. Балки эрингизга босим ўтказган кимсалар ИИБнинг ходамларидир. Сиз кўпам сиқилаверманг.  Уйингизга фуқаро кишиймида  бориб,эрингизга таҳдид қилганларни ўзимиз қидириб топамиз” дея эримга нисбатан қилинган қитмирликни ўзларидан соқит қилишди…Улар турмуш ўртоғимнинг ғурурига тегишган…. Шунинг учун ҳам хўжайиним  анча хифа бўлдилар. Ўзим ҳам жуда сиқилиб қолдим. Уларнинг қўлидан ҳар нарса келади-да…,-  суҳбатдошимнинг овози жуда маҳзун эди.

Фарғона шаҳар махсус хизмат ходамлари “тўрмуш ўртоққа тўрт ташлаш”  операцияси билан ҳам қаноат ҳосил қилган эмас.  11 июнь куни Тошкентга – шифохонага отланган Г. Бобожоновадан “Тошкентга борсам,“Бирдамлик”нинг норозилик пикетидан иштирок этмайман” деган мазмунда тилхат олиб олишгачгина,Ҳаракат етакчисини пойтахт томон “қўйиб юборишди”….

–Пикетда қатнашмайман деб тилхат ёзиб беришга мажбур қилишди. То ёзмагунимга қадар қўйишмади. Ёзганимдан кейингина,Тошкент томон ўтказиб юборишди. Энди эса нима қилишга ҳам ҳайронман….,–дейди Гулҳаё Бобожонова ўйга толиб….

Шу алфозда Ҳаракат фаоллари махсус хизмат ходимлари томонидан турфа тазйиқлар остида қолмоқда….

 

           “Бирдамлик” Халқ демократик ҳаракати Ўзбекитсон бўлими матбуот маркази

http://birdamlik.info/?p=22473

ЎЗБЕКИСТОН:САИДА ҚУРБОНОВАНИ ИИБ ХОДИМЛАРИ ИККИ БОР “ТУТИБ ОЛИШДИ”…