Режим мени гаровда ушлаб турибди.

     Режимнинг масъул ходимлари мана 3 ойдан буён паспортимни
беришмаяпти. Режимнинг бу ҳаракатини гапнинг очиғи ҳеч
тушунмаяпман. Агар режим ўч олмоқчи бўляётган бўлса, шундай пасткашлик
билан ҳам ўч олиш мумкин эканлигин билмаган эканман.
Паспорт олишим учун мен поликлиникадан справка, маҳалладан справка тавсиянома(?) олдим. Бу ҳам етмаганидек ОИТС марказидан вич_оитс текширувидан ўтиш учун ва у ердан касал эмаслигим ҳақида справка ҳам олиб боришим керак экан.12 март куни у ерга борсам, қабулхонада ўтирган врач менга қараб- “паспортингизни беринг” -дейди. Мен-“опа,мен айнан паспортимни паспорт столидан олишим учун сизлардан справка олиб боришим керак экан,паспортимни паспорт столи бермаяпти”- десам, у врач”- справка
олишингиз учун албатта паспортингизни кўрсатишингиз керак, бе паспорт
справка бермаймиз”-дейди.

Бир томондан ёпиқ айлана ҳосил-бўлиши-яъни
паспорт олишим учун справка олиб боришим, лекин паспортимни кўрсатмасам
справка бермасликлари мени ҳайрон қолдирган бўлса, иккинчи томондан
ОИТС марказларининг реклама қилган- касал одамларнинг шахсини сир
сақлаши мажбурияти ҳақидаги кафолатлари бир чўпчак эканлиги таъбимни
тирриқ қилиб қайтиб келдим. Гапнинг очиғи режим менинг паспортимни
бермаслик йўли билан мени  ТИРИК ГАРОВГА ушлаб ўтириш сиёсатини олиб
бориши ва кейинчалик бирор провакация қилиб қамокка тиқиш йўлини
қилишидан хавфсираб ушбу хабаримни ёзмоқдаман

13-март, 2012- йил.
Нодир Ахатов
Ўзбекистон Инсон Хуқуқлари Жамиятининг
Қарши шаҳар бўлими раиси