Борган далаларимизнинг барчасида мактаб ёшидаги болаларни учратдик.

15-сентябрь соат 8дан Гулшан Қораева билан иккимиз Қашқадарё вилоят
Косон туман худудига пахтакорларнинг шароити билан танишиш учун ва кузатув ўтказиш учун
бордик.3-4та фермер хўжаликларнинг пахта далаларида пахта тераётган
аёллар, болалар ва шу хўжаликда ишлаётган
ишчилар билан  қиска савол-жавоб ўтказдик, жумладан болалар билан
ҳам.Айтиб ўтиш жоизки
борган далаларимизнинг барчасида мактаб ёшидаги болаларни
учратдик,лекин не ажабки,-<<нечанчи синфда ўқийсан>> деган саволимизга
кўпчилик болалар бирдек жавоб беришарди-<<мен мактабда ўқитувчиман>>
бўйлари эса менинг белимдан келарди. Қизик-нега мустакилликдан кейинги
болаларнинг бўйлари бунча паст экан менга қоронғи,бунга ким айбдор,шу
кетишга кетаверса Ўзбекистон лилипутлар мамлакатига айланиб
қолмасмикан,мен билмадим. Нима бўлганда ҳам ишимизни давом
эттиравердик.соат тахминан 13ларда биз Оқтепа қишлоғидаги пахта тераётган
одамлардан қисқа сўров ўткариб,энди қайтаётган эдик,бир
<<Лада-08>>маркали машина тўхтаб ичидан милиция ходими тушиб аввал
мени, кейин Гулшанни машинага солиб Косон туман ИИБсига олиб кетди.У
ўзини адашмасам Ойбек Сафаров деб таништирди.Бизни ИИБ туман участка
нозирлар бўлимининг бошлиғи  майор Наби деганнинг қўлига топширди.У
мени Гулшандан айириб нега келганимизни ва пахта даласида ишлаётган
аёл ва болалардан  сўрок-жавоб олиш учун рухсат хужжатини ва
шахсимизни тасдиқлайдиган ҳужжатни сўради.мен-<<паспортим қолиб
кетибди,лекин одамлардан сўроқ жавоб олиш учун рухсат ҳужжатини олиш
кераклигини биринчи марта эшитишим>>-дедим.Аммо у  ва унинг ёнида
ўтирган нотаниш киши(у граждан кийимида эди)-<<шундай қонун бор
,қолаверса президентнинг қарори бор>>- дейишди.Мен ушбу қонун ва
қарорни кўрсатишларини талаб қилдим ва -<<қолаверса конституцияда ҳар
қандай киши информация олиш ва тарқатиш ҳуқуқига эга деб ёзиб
қўйилган>>-дедим.Албатта бу ҳаракатлар
мени обдон текширувдан ўткариб,барча чўнтакларимни ағдар,тўнтар
қилишгандан кейин булди.
Шундан кейин улар мендан тушунтириш хати ёздириб олишди,гапнинг очиғи
кузатувга чиққанимни яшириб ўтирганим йўқ.Чунки биз билан МХХ
қизиққанини майор Набининг оғзидан аллақачон  эшитгандик.Шу туришда
соат 19ларгача биз билан  ғеч кимнинг  иши бўлмади, кейинчалик биздан
яна бир марта тушунтириш хати ёздириб олишди ва иккимизни алоҳида
холатда бинонинг иккинчи қаватидага бир хонага олиб киришди.энг аввал
Гулшан кириб чиқди,кейин мен.У ерга кирсам тахминан ўнтачалар одам
ўтирибди.қизиғи шундаки бир киши видеокамера билан мени
тушираяпти.Майор Наби -<<мана бунга қўл қўйинг>>-деди.Ўқиб қарасам мен
расмий равишда огохлантирилаётган эканман.Ушбу огохлантиришда жиноят
кодексининг 40 моддасидан бошланиб,159 (конституциявий тузумга
қарши)моддаси билан давом этирилиб 242, 244-моддаларига бориб тугаган
экан.Тахминан  10тадан хам ошиб кетганди моддаларнинг сони,шу сабаб
барчасини эслаб қололмадим.Нима ҳам қилардим,қўл қўйиб бердим.Шундан
кейин мен билан ўзини таништирмаган бир киши узок суҳбат қилди.Шуни
айтиш керак-ки милиция бўлимига тушганимиздан то қўйиб юборишгунича ҳеч
ким бизга қўпол муносабатда бўлмади.шунга қўшиб агарда бировга насихат
қилиш ва ўз тушунчаларини бировга тиқиштириш
одатларидан воз кечишса нур устига нур бўларди.Сабаби ҳар тушганда бир
хил пластинка эшитиш одамнинг меъдасига тегар экан.Нима бўлганда ҳам
соат 21ларда Гулшан иккимиз озодликда эдик.
Менинг ёзган дафтаримнинг варақларини йиртиб олишгани ва Гулшаннинг
Фронтлайн томонидан берилган ҳуқуқпарварлик гувоҳномасини олиб
қолишганини ҳисобга олмаганда,иккимиз ҳам соғ-омон Қаршига етиб
келдик.

 

16-сентябрь, 2011- йил.

Нодир Ахатов

 

Ўзбекистон Инсон Хуқуқлари Жамиятининг

Қарши шаҳар бўлими раиси.