Султона Суюнованинг ягона умиди.

Қарши шаҳарлик маҳкум ўғлининг қийноқларга тутилганидан азобланган онаизор Султона опа Суюнованинг ичи тўла дард экан. (тел.00906399777)

Султона опа яқинда ўғли Жумаев Хасан Сайфуллаевични
қийнаганларни,устидан шикоят қилгани Тошкентга кетган эдилар.
Мен бу аёлни танимасдим, аммо кўзлари дардга тўла эканлигини кўрсатиб турарди.
Бу дард наинки,ўғли дарди, яна бир  жигаргўшаси Султона опанинг 1978
йилда туғилган қизи Жумаева Сожида Сайфуллаевна ҳам 159 модда билан
6 йил-у, беш ойга  қамалган экан.
Жорий йилнинг 28 июнь кунида,Жумаева Сожида Сайфуллаевна озодликга
чиқиши керак бўлган, лекин унга озодликга чиқиш насиб этмаган кўринади.
– “Сожида қизимни 11 август куни 2011 йил суди бўлди, унга яна 3 йил
қўшимча қўшишди.
Мен судда қатнашдим, қизимга  қамоқхонани ички тартибини бузган деган
айблов қўйилган. Қизим тинмай йиғларди,юрак бағрим эзилиб кетди.уни
йиғисидан.
Унга нисбатан 3 та аёл маҳкумалар кўрсатма беришди.Шундан сўнг ҳукм ҳам
тайёр экан, дарровгина ҳукмни ўкиб эшиттиришди.Менга ҳам сўз беринглар
дегандим, сизга мумкин эмас дейишди”- дейди ўпкасини босолмай йиғлаган
Султона опа.
Онани яратмасин экан.Бу онаизор қариган чоғида оёғини узатиб ўтириш
ўрнига, қамоқхоналарга зир қатнаш билан умри ўтиб кетаяпти.
-Қизимни икки боласига бобо билан биз қараяпмиз.Нафақа билан
боқишимизга тўғри келаяпти. Куёвимни ҳам 14 йилга қамаб юборишган-дейди
Султона опа.
Бу болаларни айби нимада экан?
Султона опа Ўзбекистон республикаси Омбудсмани Сайёра Рашидовага
учрашганлигини айтиб қолдилар.
-Рашидовадан ҳам умидим йўқ энди.Бу ишга аралашишга  ҳеч кимнинг ҳадди
сиғмайди.
Султона опанинг ягона умиди, Халкаро Инсон Ҳуқуқларини Ҳимоя қилувчи
ташкилотлардан.

14-август, 2011-йил.

Гулшан Қораева
Ўзбекистон Инсон Хуқуқлари Жамиятининнг
Қашкадарё вилоят бўлими раиси.