Шавкат Мирзиёев. Мухолифатга йўл йўқ. Тиббиётда коррупция. Қашқадарё вилояти. (2020).

Президент Шавкат Мирзиёев коронавирусга қарши кураш чора тадбирлари доирасида 19-март числосида 10 триллион сўм (1 миллиард АҚШ доллари), 26-март числосида 12 триллион сўм (1,2 миллиард АҚШ доллари) суммага тенг пул ажратган эди.

Бироқ, бу пуллар аксарият врачлар, ҳамширалар, санитаркаларга етиб бормаган эди.

Озодликнинг қуйидаги кичик хабари пулларнинг аксарият тиббиёт ходимларига коррупция сабабли етиб бормаганлиги ҳақида. [1].

Озодликнинг кичик хабари: «Daryo — LIVE | Уйда қолинг!

Қашқадарё СЭОМ мутасаддилари деярли 918 млн сўм бюджет маблағларини талон-торож қилгани маълум бўлди

Қашқадарё санитария-эпидемиология осойишталик марказида қарийб 918 миллион сўмлик бюджет маблағлари талон-торож қилингани аниқланди. Бу ҳақда Қашқадарё вилояти махсус комиссиясининг Telegram’даги каналида хабар қилган.

Хабарда қайд этилишича, Бош прокуратура ҳузуридаги департаментнинг Қарши шаҳар бўлими томонидан ўтказилган терговга қадар текширувда Қашқадарё вилоят санитария-эпидемиология осойишталик марказининг собиқ раҳбари Ш.Ш, бўлим бошлиғи Б.Б. мансаб ваколатларини суиистеъмол қилгани аниқланган. Ушбу шахсларга нисбатан жиноят иши қўзғатилиб, иш прокуратурага юборилган.

Вилоят СЭОМнинг бир гуруҳ масъуллари, марказ ҳисобига тушиши лозим бўлган 480,1 миллион сўм маблағларини, марказда ишламаган фуқароларга иш ҳақи ҳисоблаб тўлаб борган. Ишлаган ходимларга ортиқча иш ҳақи ҳисоблангани оқибатида давлатга 271,6 миллион сўм зарар етказган.

Шунингдек, «Гипохлорид кальций» дезинфекция воситаси ҳақиқий баҳосидан 166,1 миллион сўм қиммат нархларда сотиб олинган. Шу тарзда жами 917,8 миллион сўм бюджет маблағлари ўзлаштирилган, растрата қилиш йўли билан талон-торож қилинган.

Аввалроқ, Навоий вилояти Санитария ва эпидемиология осойишталик маркази мансабдор шахслари Молия вазирлиги ҳузуридаги Инқирозга қарши курашиш жамғармаси ҳисобидан ажратилган 500 миллион сўмдан ортиқ маблағни ўзлаштиргани хабар берилганди.
https://t.me/joinchat/AAAAAD63OEHkQHOlfdglMg

t.me/daryo_live/46799

72.5K viewsJul 19 at 14:59 «. Иқтибос тугади. [1].

1. Прокуратура томонидан тиббиётдаги коррупционерлар фош қилиниб тергов ишлари судга оширилиб одил суд амалга оширилиши лозим эди. Суд очиқ бўлиши, унда жамоатчилик иштирок этиши, оммавий ахборот воситалари томонидан ёритилиши лозим эди.

2. Ўзбекистон Бош прокуратураси томонидан Ислом Каримов даврида болалар меҳнати, мажбурий меҳнат, қийноқлар, чинорларнинг аёвсиз кесилиш ҳолатларига кўз юмилиб келган. Прокуратура бу инсон ҳуқуқлари ва эркинликларини оёқ ости қилинишини кўрмаган.

Президент Шавкат Мирзиёев бошқарувида ҳам бу кўрмасликлар камроқ бўлсада давом этябди.

Айниқса, “Адабиёт” газетасининг бош муҳаррири, Ҳақиқат ва Тараққиёт социаль демократик партиясининг ташаббускорларидан бири соппа соғ Бахтиёр Каримнинг карантин, коронавирус баҳонасида 42 кун мажбуран “даволантирилиши” бунга яққол мисол бўла олади.

Бу партиянинг яна бир ташаббускорларидан иқтисод фанлари доктори Хидирназар Аллақуловга нисбатан таъқиб, тайзиқлар мунтазам давом этмоқда.

3. Очиқ кўриниб турибди, президент Шавкат Мирзиёев режими Ўзбекистон республикаси конституциясига зид равишда сиёсий рақобатга, сиёсий мухолифатга, сўз эркинлигига, оммавий ахборот воситалари эркинлигига йўл бермоқчи эмас.

Мамлакатда ҳануз мустақил суд тизими, мустақил парламент йўқ. Тикка ҳокимият ҳукмрон.

4. Шавкат Мирзиёевнинг 4-йил бошқарувида мамлакатда сиёсий рақобат йўқ. Сиёсий мухолифатга йўл йўқ.

Мустақил суд тизими йўқ. Мустақил парламент йўқ. Сўз эркинлиги йўқ. Интернет эркин эмас, тезлиги паст, қиммат.

5.Ўзбекистонда иқтисодий эркинлик йўқ, сиёсий эркинлик йўқ. Ўрта синф шаклланиши учун шароит яратилмаган. Фуқаровий жамият шаклланиши учун шароит яратилмаган.

6. Ҳақиқатда, ҳозирги Шавкат Мирзиёев президентлиги даврида ҳам мамлакат инвестиция жозибардорлиги жуда паст, чунки коррупция кўрсаткичи жуда паст.

Коррупцияга қарши курашда қуйидагилар ҳисобга олинмаябди.

7. Коррупцияга қарши курашда қуйидаги 2 ҳолатни ҳисобга олиш керак:

Мамлакатда давлат мулки эмас, хусусий мулк кўпроқ, устун бўлиши керак.

Лекин, Ўзбекистонда давлат мулки ҳукмрон. Давлат мулки ҳукмрон бўлган жамиятда инсон ҳуқуқлари ва эркинликлари ҳурмат қилинмайди.

Коррупцияга қарши курашнинг энг самарали йўли эркин, демократик сайловлардир.

8. Мамлакатда диктатор Ислом Каримов давридагидай сўз эркинлигига, оммавий ахборот воситалари эркинлигига, эркин интернетга, мухолифатга йўл йўқ.

Бақувват ўрта синф, кучли фуқаровий жамият шаклланиши учун, иқтисодий эркинлик, сиёсий эркинлик йўқ.

Бундай шароитда мамлакатда эркин, демократик сайловлар мутлақо ўтказиб бўлмайди.

9. Яна таъкидлаб ўтишни лозим топдим, Ўзбекистонда давлат мулкчилиги, монополиялар ҳукмрон. Коррупция гуллаб яшнаябди. Иқтисодий эркинлик кўрсаткичи, сиёсий эркинлик кўрсаткичи, коррупция кўрсаткичи жуда паст ва бунинг оқибатида Ўзбекистон иқтисоди ўта қолоқ.

Зеро, Ўзбекистон иқтисодий эркинлик кўрсаткичи бўйича 57,2 билан Украина (54,9), Тожикистон (52,2), Туркманистондан (46,5) олдинда. Бироқ, Сингапур (89,4), Эстония (77,7), Қозоғистон (69,6), Қирғизистон (62,9) Россиядан(61,0) анча орқада.

Ўзбекистоннинг иқтисодий эркинлик кўрсаткичи 2020 йилда 57,2 балл билан 2019 йилдаги 53,3 баллга нисбатан 3,9 баллга ўсган. Бу ўсиш сармоявий эркинлик бўйича 20 балл (2019-йилда 10 балл), молиявий эркинлик бўйича 20 балл (2019-йилда 10 балл) ва мулк дахлсизлиги бўйича 59,1 баллга (2019-йилда 49,8 балл) тенг.

Ўзбекистон 2020-йилда иқтисодий эркинлик кўрсаткичи бўйича 57,2 балл ва 2019 йилга нисбатан 3,9 баллга ошганига қарамасдан дунёнинг ўртача иқтисодий эркинлик кўрсаткичидан, 61,6 баллдан анча орқада.

Келажакда бу кўрсаткич янада кўтарилади деган умид бор.[2].

Ўзбекистон сиёсий эркинлик кўрсаткичи 10 балл билан, Тожикистон 9 балл, Туркманистон 2 балл каби пост совет мамлакатларидан олдинда. [3].

Яна, Ўзбекистон 10, Марказий Африка Республикаси 10 ва ва Судан 12 балл билан ёмонларнинг ёмони давлатлари қаторини тарк этди.

Ёмонларнинг ёмони давлатлари 10та: Сурия 0, Эритрия 2, Жанубий Судан 2, Туркманистон 2, Шимолий Кореа 3, Экваториал Гвинея 6, Саудия Арабистони 7, Сомали 7, Ливия 9, Тожикистон 9.

Афсуски, Ўзбекистон сиёсий эркинлик кўрсаткичи 10 балл билан пост совет мамлакатлари Эстония 94, Литва 91, Латвия 89, Украина 62, Грузия 61 ва Молдавия 60 каби мамлакатлардай нисбатан эркин ва демократик сайловлар ўтказиш даражасидан жуда узоқда. [3].

Transparency International ташкилотининг 2020 йилги ҳисоботидан кўриниб турибдики, Ўзбекистон 25 балл билан дунёнинг 180 мамлакати қаторида 153-ўринни эгаллаб турибди, 87 балл билан 1-ўринни эгаллаган Даниядан, 74 балл билан 18-ўринни Эстониядан қарийб 50 баллча орқада ва 19 балл билан 165-ўринни эгаллаган Туркманистондан 6 балл олдинда. Яъни, Ўзбекистоннинг коррупция кўрсаткичи пост совет мамлакатлари орасида энг охирги ўринларда, фақат Туркманистондан олдинда. Ўзбекистон коррупция кўрсаткичи бўйича дунёнинг 4-элликталик мамлакатлари қаторида. [4].

Ўзбекистон коррупция кўрсаткичи 25 балл билан 180 мамлакат қаторида 153 ўринни эгаллади. 2018 йилги коррупция кўрсаткичи 23 балл билан 158 ўринни эгаллаган эди.

Ўзбекистон коррупция кўрсаткичи 25 балл билан ўта иқтисодий қолоқликдан чиқа оладими? Дунё бўйича ўртача коррупция кўрсаткичи 43 баллга тенг.

Ўзбекистоннинг коррупция кўрсаткичи дунёнинг ўртача коррупция кўрсаткичидан юқори бўлса, ўта иқтисодий қолоқликдан нисбатан осонроқ чиқиб кетиши мумкин. Бунинг учун Шавкат Мирзиёев мамлакат коррупция кўрсаткичини камида 50 баллга кўтаришга ҳаракат қилиши керак. Афсуски, Шавкат Мирзиёевда бундай интилиш йўқ. [4].

Ўзбекистоннинг АЖБ ЯИМ ($1,832) дунёнинг ўртача АЖБ ЯИМдан ($11,464) қарийб 6 баравардан кўпроқ кам (6,3). [5,6].

Ўзбекистоннинг АЖБ ЯИМ 2019 йил учун эса ($1,560) дунёнинг ўртача АЖБ ЯИМ сидан ($11,673) қарийб 7 баравардан кўпроқ кам бўлган(7,48). [8].

Негадир, Дунёнинг 2020 йил учун АЖБ ЯИМ, яъни GDP per capita си ($11,464), 2019 йил учун ($11,673) дан камроқ. Сабабини, мен билмайман.

Ўзбекистоннинг иқтисодий кўрсаткичлари дунёнинг ўртача иқтисодий кўрсаткичларидан 2 баравар кам бўлса, Ўзбекистоннинг иқтисодини қолоқ дейишимиз мумкин. Бироқ, Ўзбекистоннинг АЖБ ЯИМси дунёнинг ўртача АЖБ ЯИМсидан 6 баравардан кўпроқ кам бўлгани учун, ўта қолоқ дейишга ҳақлимиз.

2018-йилнинг декабрида Халқаро рейтинг агентликлари Fitch ва Standard & Poor’sлар Ўзбекистоннинг АЖБ ЯИМси $1,200га тенглигини аниқлашган эди. Ислом Каримов давридаги статистик маълумотлар бўйича $2,200, Шавкат Мирзиёев давридаги статистик маълумотлари бўйича $1,560 эди. Яъни, Ислом Каримов даврида статистик маълумотлар атайлаб бўрттириб, яхшилаб кўрсатилган. Аслида, бу кўрсаткич бўйича олганда Ўзбекистоннинг иқтисодий аҳволи янада аянчлилиги аёнлашади. [7].

Абдужалил Бойматов

Ўзбекистон Инсон Ҳуқуқлари Жамияти вице президенти.

23–июль, 2020-йил.

Дублин, Ирландия.

Фойдаланилган адабиётлар:

1. Қашқадарё СЭОМ мутасаддилари деярли 918 млн сўм бюджет маблағларини талон-торож қилгани маълум бўлди. 19.07.2020.(https://www.ozodlik.org/a/30735836.html ).

2. Index of economic freedom. 2020.

(https://www.heritage.org/index/ranking?version=555).

3. Global freedom scores. 2020. (https://freedomhouse.org/countries/freedom-world/scores ).

4. Transparency International. 2019 Corruption Perceptions Index. 23.01.2020. (https://www.transparency.org/files/content/pages/2019_CPI_Report_EN.pdf ).

5. International Monetary Fund. 2020. GDP per capita Nominal ($).

( http://statisticstimes.com/economy/countries-by-projected-gdp-capita.php ).

6. International Monetary Fund. 2020. GDP (Nominal) per capita Ranking.

( http://statisticstimes.com/economy/projected-world-gdp-capita-ranking.php ).

7. Fitch Assigns Uzbekistan ‘BB-‘ IDRs; Outlook Stable

20 Dec 2018. ( https://www.fitchratings.com/site/pr/10057197 ).

8. Statistics Times.GDP Indicators 2019

( http://statisticstimes.com/economy/gdp-indicators-2019.php ).