Адолат топа олмаганлиги
сабабли ўзларига ўт қўйишмоқчи.

1- сентябрь куни соат 10.00да Чироқчилик икки аёл яьни Ўктам
Абдуназаровнинг оиласи Исомова Юлдуз ҳамда янгаси Жовлиева Жамила (Ўша
аварияда унинг эри Абдуназаров Амир ўлган) адолат топа олмаганлиги
сабабли ўзларига ўт қўйишмоқчи.
Қашқадарё вилоят хокими Нуриддин Зайниевга бу
ҳақда огоҳлантириш хати ( 23.08.2010) юборишган.
Ўктам Абдуназаровнинг ногирон бўлиб қолиши ва икки кишининг ўлимига
сабабчи бўлган Нодир Холбоевга нисбатан бирор бир жиноий иш қўзгатилмаган.
Ёзилган аризалар ўзгаришсиз. Республика Бош прокуратурасига  протест
учун йўлланган ариза ҳам жавобсиз.

26-август, 2010-йил.

Гулшан Қораева, Ўзбекистон Инсон Ҳуқуқлари Жамияти Қашқадарё вилояти бўлими раиси.

Ечими топилмай қолган муаммо.

Ўзбекистонда одамлар муаммоларсиз яшашни тасаввурларига ҳам сиғдира олмай қолдилар. Муттасил муаммолар: пул бўлса сотиб олишга мол йўқ, мол бўлганида эса пул йўқ. Қишда газ, кўмир, электр қувватида танқисликлар, гоҳида эса ўшалар ҳам умуман бўлмай қолса, ёзнинг жазирамасида сув йўқ. Айни шундай ва шунга ўхшаш муаммоларсиз соддагина ўзбекона ҳаётни тасаввур қилиб ҳам бўлмайди.

Ўзбекистоннинг жанубий шаҳарларидан бири саналадиган Қаршида ёзнинг муаммоси, сув танқислиги кузатилаяпти. 5 кундирки, шаҳарнинг “Маҳаллот” ва “Кунчиқар” маҳаллалари аҳолиси бу ҳолатдан қийналишаётганларини айтишмоқда. Гап томорқани суғорадиган сув, ёинки ювиниш учун сув ҳақида бормаяпти. Кундалик зарурат, оддий ичимлик суви тақа тақ тўхтаб қолган.

Бундай манзара 16 -август кунидан кузатилаяпти ва мазкур ҳудудлар аҳолиси эса ичимлик сувини қаердан олиши мумкинлигини билмай сарсон. Бу борада бир неча бор Қарши шаҳар сув-оқова ташкилотига (00998752253363) телефон орқали қилинган мурожаатларга ташкилот раҳбарлари ижобий жавоб бера олмаяпти.

“Ҳа сув танқислигини биламиз, ҳовузда сув йўк, тўлса берамиз”- дейишади мазкур ташкилот ходимлари. Бу чучмал жавоб эса шаҳарликларни қаноатлантирмасада, улар учун умид қилмоқдан бошқа чора йўқдек.

Қарши шаҳри ҳокимлиги қабулхонасида (00998752255854) аҳоли вакиллари бирон жўялик жавоб олишмади. Қарши шаҳар ҳокимининг ёрдамчисининг таъкидлаганига кўра, улар бу муаммодан бехабар қолишган ва бунинг сабабларини аниқлаб, кейин шикоятчиларга жавоб беришади.

Кўриниб турибдики, фуқоролар ташвишига маҳаллий ҳокимликлар ҳам эътиборсиз. Хўш, аҳоли дардини кимга айтсину, ким уларнинг мушкулини осон қилишга қодир экан? Кунда қилинган қўнғироқлар ва уларга нисбатан берилган бир хил, чучмал жавоблар сувсираганларнинг ташналигини қондирармикан?

Бироқ, улар учун тоза ичимлик сувини сув ташиш машиналарида келтириб бериш учун ҳокимлик учун чигал муаммога айланган кўринадики, буни ҳам уддалай олишмаяпти.

Сувсиз яшаш, шахсий гигиена тартибининг бузилиши ҳам демакдир. Ювилмаган меваларнинг истеъмол қилиниши, ювилмаган идишларда нотоза сувларда пиширилган таомнинг истеъмол қилиниши турли юқумлик касалликларнинг тарқалишига олиб келиши аниқку. Шунчаки номигагина турли касалхоналарнинг деворларига ёпиштириб қўйилган плакатларда ҳам гап асосан гигиена тартибларига риоя қилишга қаратилади. Қаршиликлар қўлларини қайси сувда ювсинлару, қайси сувни истеъмол қилсинлар? Шундай қилиб Қаршида ҳар йилги муаммо такрорланмоқда. Ичимлик суви танқислиги ва у ҳеч қачон ўз ечимини топмайди.

20-август, 2010-йил.

Гулшан Қораева, Ўзбекистон Инсон Ҳуқуқлари Жамияти Қашқадарё вилояти бўлими раиси.

]]> http://uz.hrsu.org/2010/08/20/%d2%9b%d0%b0%d1%80%d1%88%d0%b8%d0%b4%d0%b0-%d1%91%d0%b7%d0%bd%d0%b8%d0%bd%d0%b3-%d0%bc%d1%83%d0%b0%d0%bc%d0%bc%d0%be%d1%81%d0%b8-%d1%81%d1%83%d0%b2-%d1%82%d0%b0%d0%bd%d2%9b%d0%b8%d1%81%d0%bb%d0%b8/feed/ 0 http://uz.hrsu.org/2010/08/19/%d1%9e%d0%b8%d2%b3%d0%b6-%d0%bd%d0%be%d0%b4%d0%b8%d1%80-%d0%b0%d2%b3%d0%b0%d1%82%d0%be%d0%b2%d0%bd%d0%b8%d0%bd%d0%b3-%d2%b3%d0%b0%d1%91%d1%82%d0%b8-%d0%b2%d0%b0-%d1%82%d0%b0%d2%9b%d0%b4%d0%b8%d1%80/ http://uz.hrsu.org/2010/08/19/%d1%9e%d0%b8%d2%b3%d0%b6-%d0%bd%d0%be%d0%b4%d0%b8%d1%80-%d0%b0%d2%b3%d0%b0%d1%82%d0%be%d0%b2%d0%bd%d0%b8%d0%bd%d0%b3-%d2%b3%d0%b0%d1%91%d1%82%d0%b8-%d0%b2%d0%b0-%d1%82%d0%b0%d2%9b%d0%b4%d0%b8%d1%80/#comments Thu, 19 Aug 2010 07:13:42 +0000 admin http://uz.hrsu.org/?p=1483 Режим яна бир инсон ҳуқуқлари курашчисига қопқон қўйди

Тоталитар Ўзбекистонда милиция, ёинки МХХ органлари бировни бадном қилмоқчи бўлса, ёки уни ноҳақдан ноҳақ қамашни мақсад қилиб олса, ўз “дастёрлари”, аллақандайдир суюқ оёқ аёллар хизматидан фойдаланиши кенг тарқалган ҳолат. Таниқлик инсон ҳақлари курашчилари, ёки сиёсий мухолифат вакиллари, ҳаттоки  мустақил журналистлар ҳам кўп маротиба мана шундай шахслар ҳужумларига учрашган.

Ўзбекистон Инсон Ҳуқулари Жамияти (ЎИҲЖ) Қарши шаҳар бўлими раиси бўлган Нодир Аҳадов шу кунларда нотаниш аёллардан бири томонидан мана шундай қалтис вазиятга солинмоқда. 18- август куни Нодир Ахатов билдирганига кўра, унинг уйи яқинида ўзини Феруза деб таништирган нотаниш бир аёл айлана бошлаган. Унинг ўзи айтишича, Қарши туманидаги Чўли Бегимқулов номли қишлоқдан экан. Аёлнинг ножўя ҳаракатланишини ҳаттоки Нодир Ахатовнинг қўни-қўшнилари ҳам пайқашмоқда. Инсон ҳақлари курашчисининг уйи атрофида уч кун давомида ўралашиб юрган бу аёл шу куни сув сўраш баҳонаси билан Н.Аҳатовнинг ҳовлиси ичкарисига киради.

Н. Аҳатовнинг таъкидлаганига кўра, бу аёл шу даражада тубанликга борибтики, ҳаттоки унинг уйига кириб олгач уйни тарк этишни ҳам истамас, уй эгасига унинг оила аъзолари олдида тегажоқлик қила бошлаган. Бундан фақат шундай хулоса чиқариш мумкин: бу ҳукумат мулозимларининг ўйлаб топган найранги ва Нодир Аҳатовнинг шу йўл билан тағин бир бор суд залига олиб кириш. Бир неча соат Нодир Аҳатов уйида бўлган бу чақирилмаган меҳмон оила аъзоларининг ғашига тегиб қайтиб кетган ва унинг тағинда бу ҳовлига қадам босмаслигига бирор кафолат йўқ.

Айни шунга ўхшаш ҳолат 2005 йилнинг 4 июнь кунида ЎИҲЖ нинг Қашқадарё вилоятидаги фаол аъзоларидан бири, мустақил журналист Тўлқин Қораев билан ҳам содир бўлганди. Ўшанда Шерова Юлдуз исмлик милиция дастёри бўлган суюқ оёқ аёл Тўлқин Қораевга ташланган ва натижада журналист айбдор топилиб 10 суткалик қамоқ жазосига ҳукм қилинганди. Айни воқеага гувоҳ бўлган ЎИҲЖ аъзоси Ғайбулло Жалиловни эса суд залидан чиқариб юборилгани ҳам воқелик махсус ташкиллаштирилганини кўрсатарди. Тўлқин Қораевнинг адвокати Бахтиёр Шохназаров ҳар қанча далиллар билан бўлсин, ҳукмнинг ноқонуний эканлигини исботлаган бўлсада, “одил суд” бу далилларни инобатга олмаганди. Ва натижа ўлароқ, ўзига нисбатан ўтказилган таъзйиқлар натижасида Тўлқин Қораев ватанни ташлаб кетишга мажбур бўлганди.

Содир бўлаётган бу кўнгилсиз ҳодиса шундан дарак беррмоқдаки, Нодир Аҳатовга ҳам  режим ўзининг жирканч қопқонини қўйган ва у режимнинг навбатдаги қурбонига айланиши хавфи анчайин равшан. Ташкилотимизнинг Қарши шаҳар бўлими раиси арзимас баҳона билан қамоққа олиниши мумкин. Шу сабабдан ЎИҲЖ  Нодир Аҳатовнинг ҳаёти ва тақдири хавф остида деб ҳисоблайди.

19-август, 2010-йил.

Гулшан Қораева, Ўзбекистон Инсон Ҳуқуқлари Жамияти Қашқадарё вилояти бўлими раиси.

Ўзбекистонда кечаётган аянчлик вазият, ООВ га чалинган беморлар ҳуқуқларининг топталаётганига ҳам олиб келмоқда.

Ўтган XXI аср ўлати деб аталган ОИТС (Ортилирилган Иммунитет Танқислиги Синдроми) беҳудага ўлат хасталигига ўхшатилмаганди. Ҳали ҳануз шифоси топилмаган бу аср ўлати деб бежиз айтилмаган.Бу касаллик билан касалланган шахс ўлимга маҳкум ҳисобланади.

ОИТС нинг бошланиш даврини ООВ (Одам Организм Вируси) вирусининг соғлом танага тушишидан бошланиб, одатда организмнинг иммунитет тақчиллигига етаклайди ва уни ҳалок этади. ООВ вируси организмни иммун тизимини аста секинлик билан ишдан чикариб уни емириб боради. Бу вирусни юқтирган одам учун оддий тумов ҳам жуда хавфли ҳисобланади.

Бу хасталикнинг клиник белгилари шундан иборатки, беморнинг тана ҳарорати 37-38 С да бўлиши нормал кўринади. Шу билан бирга тана вазни камайиб боради.

ООВ вируси асосан жинсий йул билан, шунингдек бетоб шахсдан соғлом шахсга битта шприцдан фойдаланганида, текширилмаган қон қуйиш оқибатида, яхши стерилланмаган асбоб орқали юқади. Болаларда эса ООВ га чалинган онанинг сути орқали ҳам ўтади.

ООВ вирусига чалинган бемор ўзини хасталанганини, қон анализи орқали текшириб кўрмагунча бу касалликга чалинганини сезмайди ҳам. Касаллик асосан оддий тумовга ўхшаб бошланиши хам мумкин.

ООВ вируси беш даврдан иборат бўлиб, охиргиси бу ОИТС билан якуланади.

Бутун дунё жамоатчилиги бу касалликга қарши курашаяпти, аммо уни узил-кесил давоси ҳалигача топилгани йўқ. Вақтинчалик бу вирусни тўхататиб турувчи дори воситалари мавжуд. ООВ билан касалланганлар, жойлардаги ОИТС марказларида руйхатга олинади ва бу марказ беморнинг умумий аҳволидан воқиф бўлиб туради. Кераклик дори-дармонлар билан таьминлайди. Бу касаллик ҳаво-томчи йўли оркали, қўл бериб саломлашганда, битта сочиқдан фойдаланганда юқмайди.

Айни мана шу жиҳатлари билан бу турдаги хасталик жамият учун хавфлик саналмайди ва улар хоҳлаган жойларида даволаниш хуқуқига эгадирлар.

Қашкадарё вилоятида ОИТС га чалинган беморларнинг аҳволига маймунлар йиғларди. Сабаби, вирусга чалинганини эшитган касалхона маьмурияти уни ўзидан узоқлаштиришга ҳаракат қиларди ва оқибат носилкада ётган касаллар худодан ёрдам сўрарди, холос.

Бу касалликга чалинганларни исмини ошкор этиш мумкин бўлмаганлиги сабаблик, баъзи суҳбатдошларимизнинг номларини сир сақлашликни лозим топдик.

Бугунги кунларда Қашқадарё вилояти юкумлик касалликлар шифохонасида махсус ОИТС га чалинган беморлар учун алоҳида бўлим ташкил этилган. Махсус бўлим бу ерда 9 -бўлим деб аталади. ОИТС га чалинган беморлар мазкур бўлимда ётиб давланиш учун шароит яратилган дейди К исмлик бемор.

“Бу касалликга чалинганимга саккиз йиллар бўлди. Қандай қилиб бу вирус менга ёпишганини ҳали ҳам билмайман. Гиёҳванд эмасман, умуман олганда оилаликман.

Яна суҳбатдошимиз сўзига кўра, у сил хасталиги билан оғриган ва сил касалликлар касалхонасида даволаниб юрарган. У ООВ вируси ўзига айни шу беморхонада юққан бўлиши мумкин деб гумон қилади.

Ҳозирги кунда ОИТС га махсус иқтисослаштирилган бўлимлар барча туманларда ҳам

очилса бу мақсадга мувофиқ бўларди. Сабаби, (К ) исмлик аёлнинг айтишича, уни ўзи яшаб турган ҳудудда даволашни исташмаган ва у Қашкадарё вилоят юқумлик касалликлар шифохонасига юборилган.

Шунингдек, жойларда махсус стерилизация имкониятлари йўқлиги боисидан, ООВ га чалинган беморлар тиббий ёрдамга муҳтож бўлганларида уни оломаётган ҳоллари ҳам учрайди.

“Менинг тишим оғриганди”, – дейди ООВ га чалинган фуқаро, – “стомотологни менда вирус борлиги билан огоҳ этдим, у эса бошқа жойда тишимни даволатишни маслаҳат бериб юборди”.

Соғлом одамларни имкони борича бу хасталикни юқтиришдан асраш албатта ҳар бир шифокорнинг бурчи бўлсада, тиббий ёрдамга муҳтож одамга ёрдам кўрсатиш ҳам унинг учун бурч.

Ўзбекистонда кечаётган аянчлик вазият, ООВ га чалинган беморлар ҳуқуқларининг топталаётганига ҳам олиб келмоқда.

12-август, 2010-йил.

Гулшан Қораева, Ўзбекистон Инсон Ҳуқуқлари Жамияти Қашқадарё вилояти бўлими раиси.

Ғайбулло Жалилов устидан ёпиқ суд жараёни икки ҳафтадан буён давом этиб келаётган экан.

Ўзбекистон Инсон Ҳуқуқлари Жамиятининг фаол аьзоси Ғайбулло Жалилов
устидан аниқланишича ёпиқ суд жараёни икки ҳафтадан буён давом этиб
келаётган экан. Бу ишни Судъя Бекназаров кўриб чиқаётганлиги маьлум
бўлди.
“Биринчи суд жараёнида аниқланмаган жинояти очилиб қолган ва зудлик
билан ишни кўришга ҳаракат бошланган деган”- суд ходими Нурмат
Жалиловга.
ЎИҲЖ аьзоси Ғайбулло Жалиловга Ўзбекистон Республикасининг жиноий
кодексининг 159- модданинг а ва б қисмлари бўйича жиноий иш
қўзғатилган.
Жорий йилнинг 26- июль кунидан эьтиборан Ғайбулло Жалилов Қашқадарё
вилояти Касби туманининг ИВС  вақтинчалик тергов  изолияторида
сақланишига қарамай,унинг яқинларига рухсат беришмаётганди.
Сабаби  аниқланмаганди,эндиликда аниқ ва равшан бўлдики Ғайбулло
Жалиловга нисбатан узоқ йиллик қўшимча қамок жазоси тайинланиши
мумкин,
Ғайбулло Жалилов 5- сенябрь 2009- йилнда  соат тахминан 22.00 да Қарши
шаҳар Махаллот махалласи Улджабева кўчасида Нодир Ахатовникидан
ифторликда қайтаётганда  5- 6 ички иш ходими томонидан куч
ишлатилиб,”Тико “русумли машинага босиб олиб кетилганди.
Бир ҳафталар Ғайбулло Жалиловнинг дараги топилмаганди,
Ғайбулло Жалилов Қарши шаҳар ички ишлар бошкармасининг ИВСда ушланиб
тургани 7- сенябрь куни расман хат орқали билдиришганди.
Шундан сўнг Ғайбулло Жалиловга нисбатан жиноий иш қўзғатилиб Ўзбекистон
Республикасининг бир неча моддалари 159 ва 244  бир нечта қисмлари
билан  бўйича айбланиб  9 йиллик қамоқ жазоси белгиланди.
Ғайбулло Жалилов хукумат тили билан айтганда “террорчи”га айланди.
Ғайбулло Жалилов 2002- йилдан буён ЎИҲЖ фаол аьзоларидан биридир.
У ҳеч қанақа “террорчи” эмас,
Шу сабабдан Ҳалқаро Инсон Ҳуқуқлари Ҳимоя қилувчи ташкилотлардан:-” Ғайбулло
Жалилов ёрдамга мухтож,уни озодликка чиқариш учун ёрдам беришларингизни
сўраймиз”- деб мурожаат қиламиз.

30-июль,2010-йил.
Ўзбекистон Инсон Ҳуқуқлари Жамияти.

Бир неча ойдирки, Ўзбекистон Инсон Ҳуқуқлари Жамияти аъзоси Ғайбулла Жалиловнинг дараги топилмай келмоқда. У ўтган 2009 йилнинг 5 ноябрь кунида Қарши шаҳрида қамоққа олинганди. Асоссиз айбловлар билан судланган Ғайбулла Жалиловга Жиноят Ишлари буйича Қашқадарё вилоят суди 9 йил 6 ойлик жазо тайинлаб жазони ижро этиш колоннияларидан бирида сақланиб келмоқда эди. Ғ.Жалилов Совет Армияси сафида бўлган кезларида ўпка етишмовчилиги билан хасталанган ва унинг ярим ўпкаси ампутация қилинганди. Шу сабаб ҳам, Инсон ҳақлари курашчисининг қамоқдаги ҳаёти кўпчиликни ташвишлантириб келади.

Ғайбулла Жалилов сўнги хабарларга кўра Тошкентдаги “Сангород” деб номланадиган маҳбуслар қамоқхонасида доволанмоқда деган хабар олдик. Жорий йилнинг 22 июль кунида  Ғ.Жалиловнинг рафиқаси Муқаддас Темирова билан биргаликда унинг дараги чиқган “Сангород” га сафар қилдик. Колонния маъмурлари берган маълумотларига кўра, Инсон ҳақлари курашчиси бу ерда йўқ экан ва не машаққатлар тортиб борган Мукаддас Темирова турмуш ўртоғининг у ерда топилмаганидан жуда қаттиқ кайғуга ботди.

“Эримни бу ерда йўқлиги нимани билдиради? – дейди кўзида ёш билан Мукаддас Темирова.

Мазкур саволни менга эмас, балки тегишли инстанция ходимларига берилиши лозим эди ва менда бу савол учун аниқ маълумот мавжуд ҳам эмас. Бугунги Инсон Ҳуқуқлари курашчилари ноҳақ қамалган ўз сафдошлари аҳволини фақат тахмин қилишлари мумкин холос. Зотан, инсон тақдирига бефарқ қараган расмий органларда фаолият кўрсатувчи  жиноятчилар Ғайбулла Жалиловнинг олдида айбдордирлар.

Алдагани бола яхши дейишади. Юраги касаламанд бўлиб қолган, туҳмат балоси туфайли 9,5 йилга қамалган турмуш ўртоғи ва тирик қолган болалари ташвиши бу аёлга етмасмиди?

Нега ҳукумат Ғайбулло Жалиловнинг қаерда сақланаётганлигини маълум қилишни истамайди,  ёки ёлғон билан алдаб қўйишмокда, холос? Ҳозирда бизни Ғайбулло Жалилов тирикми ўзи деган савол қийнамоқда.

Муқаддас Темирова ҳамроҳлигида тағин Сангороддан  дараги чиқмаган турмуш ўртоғи ҳақида маълумот истаб ГУИН га ҳам ташриф буюрдик. Бу ерда тумонат одам, яьни дараги чиқмаган маҳкумлар оилалари ва яқинларини учратиш мумкин эди. Муқаддас Темирова эрини манзил колониясини топиш мақсадида ариза билан ёзма равишда мурожаат қилди.

Бироз вақт навбатда тургандан сўнг, Ғ. Жалиловнинг дарагини айтишга жазм этишди. ГУИН хизматчилари бизга маълум қилганлари кўра, у  Бухоро шаҳридаги 3 рақамлик тергов изоляторида сақланаётган экан.

Бу нима дегани экан? Шундоқ ҳам асоссиз тайинланган жазо муддатини ўтаётган инсон ҳуқуқлари курашчиси тағинда нималардадир айбланаётган бўлса? Эҳтимол, уни бошқа бирор колоннияга этап қилишмоқчидир?

Ҳозирча бу саволлар очиқлигича қолишга маҳкум. Ғ.Жалилов устидан тузилган янги сценарий ҳозирча бизга номаълум ва хом! У ҳеч қандай  террорчи, ёки ваҳобий эмаслиги албатта суд-тергов органларига ҳам аниқ. У Ўзбекистон Инсон Ҳуқуқлари Жамиятининг фаол аьзоларидан бири. Бундай инсонлар ўзбекистонда душман сифат кўрилади ва бошқа инсон ҳақлари курашчиларидан Ғайбулла Жалиловнинг фарқ қиладиган томони шундаки, у диндор ва диний ибодатларни бажаради. Халқаро Инсон Ҳуқуқлари ташкилотларининг  ёрдамига муҳтожлигимизни билдирамиз ва ишонамизки, ҳақиқат букилган бўлсада, аммо сингани йўқ. Айни кунларда қамоқдаги сафдошимизнинг тақдири аянчлик эканлиги бизни ташвишлантиради.

Гулшан Қораева,

Ўзбекистон Инсон Ҳуқуқлари Жамияти Қашқадарё вилоят бўлими раиси.

Эркин Саксонов кимнинг эркатойи?

(ёхуд,  Ўзбекистонда пул муомаласи буйича янги ихтиро «ЧЕК» ҳакида)

S.Qurbon va N.Novbo’riev ish ustida

2007 йил Эркин Саксонов «Нақурт» К.Ф.Й га раис бўлиб ишга келганидан ажойиб қилиқлар ва янги «ихтиро»ларни ҳаётга тадбиқ эта бошлади. «Нақурт» қишлоғи тоғли худудда жойлашган. Бошиданоқ уни раис сифатида олиб бораётган ишларидан норози бўлиб 9 нафар фуқаролар Самарқанд вилоят Пойариқ туман прокурорига шикоят аризаси ёздик.

Туман прокурори нима учундир текширишни туманнинг молия бўлимига юклабди. Молия бўлимидан текшириш учун Р. Мухаммадиев келибди. К.Ф.Й га чақиришди. Бордим. К.Ф.Й раиси хонасида учрашдик. Аризачилардан Б. Шакаров ҳам чақирилган экан. Шулар гувохлигида Э. Саксонов менга қараб «Ёздингми? Ёзган қўлингни уриб синдираман» дея дўқ ура бошлаб бизларга нисбатан тазйиқни бошлаб юборди.

Бу зўравон ўзига хон кўланкаси майдон. Билган зўравонликни ҳали ҳам давом эттирмокда. Бу зўравон махалламизда ҳоҳлаган кишини уришиб, дўк-пўписа қилиб хонасидан чиқариб юбора олиши мумкин. Бу зўравоннинг жиловини тортиб қўядиган ҳали ҳам топилмаяпти.

Э. Саксанов ДТ Халқ банкининг Пайариқ тумани бўлимининг 069шт 2008 йил 11 августидаги буйруғига асосан, банкнинг 034 шахобчасига бухгалтер назоратчиси этиб ишга тайинланган. Шу сабабли «Накурт» К.Ф.Й да болаларнинг нафакисини ва кам таъминланган оилаларга моддий ёрдам пулларини баъзан эса карилик нафакаси солинган пластикларни шахсан узи олиб келиб таркатади.

Э.Саксонов ҳафтада бор йўғи икки кун (агар ёқса) ишга келади. Сешанба ва жума кунлари. 15-20 км босиб, ёш болаларини уйида қолдириб келган 50 – 60 нафар аёллар куни буйи оч-нахор К.Ф.Й биноси олдида сарсон кутиб ўтиришади. Раис келмаса яна пиёда қайтиб кетишади. Қишлокдаги Б. Шакаров 75 ёшли кайнонаси Ражабова Чинни онанинг 2009 йилги ноябр, декабр ойлари нафака пули ололмасдан овора булгани, буни суриштириш учун туман марказига 50 км йул босиб туман ДТ.

Saksanov cheki

Халк банкига бир неча бор борганлигини хар гал Халк банки бошлиги Пулатовга учрашганда «Албатта. Эркинни топиб айтаман олиб бориб беради» деб ваъда берганлигини, нафакадан дарак йуклигини, хатто бошлиги булган Пулатов хам буйсинмаслигини бошлик Э. Саксоновга сузини утказмаслигини айтиб ачинади.

Эркатой Э. Саксонов ишга хар доим маст холда иш жойига келишига нима дейсиз? Хушёрлигидан ширакайфлиги купрок. Хаммасидан ошиб тушгани, Узбекистон буйлаб Эркатой Э. Саксонов ажойиб ихтиро уйлаб топиб хаётга тадбик этди. Бу ихтиросини махаллий халк Саксановнинг «чек»и дея атайди. Бу чекнинг маноси куйидагича; Болалар ва кам таъминланганларга бериладиган нафакаларнинг, яъни пулнинг микдори ва фоизи ёзилган оддий когоз парчасидир.

Хулласи раис «Чек» ёзиб беради (Чекнинг нусхаларидан алохида берилмокда). Хохламаган кишисини уришиб, дук-пуписа билан хонасидан хайдаб чикара олади. Ёки чек ёзишга «Когоз тугади» деб ишини тухтатиб жунаб колади. Уни хафталаб баъзан ойлаб кутиб утирганлар кизиктирмайди.

Айни кунларда хам 2 ва 16 ёшли болалар нафакаси ва кам таъминланганлар учун моддий ёрдам пули урнида суратда курсатилган «Чек» июн ойи учун таркатилмокда. Эркин Саксонов таркатаётган бу «Чек»ни ахоли каерга ва кимга олиб боради деган табиий савол тугилади. Ахоли бу «Чек» ни узларига якин, Эркин Саксоновнинг кариндошларидан булган магазинчиларга олиб бориб беришади.

Масалан «Кизилолма» кишлокчасида Э.Саксоновнинг хотини, «Ботмон» кишлокчасида синглиси Сайёра, «Довтепа» кишлокчасида эса куёви Рустам буни давом эттириииши мумкин ва магазинда ишлайди. Одамлар мажбур «чек»ни шуларга олиб боради. Чунки, туман марказидаги магазинларга бу «чек» утмайди. Шу сабабли ахолии юкоридаги магазинлардан икки баробар кимматига гуруч, ун, ёг олишади. Бошка нарса олмайди. Олишга нарса булмаса пул уша магазинда колаверади.

Эркин Саксоновнинг бераётган шахсий «чеки» билан савдо килаётган бу уддабурон «тадбиркор» савдо булинмалари каерга аникроги кимга карашли?

Бу савдо дуконлари туманннинг эркатой булган Э. Саксоновнинг укаси Уткир Саксоновга карашлидир. Аслида Эркин Саксоновнинг эркалигини тумандагилар шу Уткир Саксоновнинг хурмати («пуллари» десак тугрирок булармиди?) учун хам кутариб юришибди.

Уткир Саксонов мана неча йилдирки Пайарик туман савдо булимини бошкариб келади. «Савдо» бу маблаг дегани. Туманни инсон танаси деб олсак, пул кони-ку. Купчиликнинг айтишига караганда пайарик туманида айланаётган пул шу Уткир Саксоновники эмиш. Бу канчалик хакикатга тугри булмадиму лекин савдо дукондаги махсулотларнинг икки баробар киммат нархда сотилаётганлигига караб шу пуллар Уткир Саксоновга бориб тушаётганлигини инобатга олсак тугри булиб  чикади менимча.

Шу сабабли хам туманнинг барча рахбарлари бу эркатой аканинг барча ноъмакул киликларини кутаришмокда. Тугрироги айбини ёпмокда. Биз бир неча бор туман вилоят, республикага арзнома ёздик. Бирок текширишга келганлар бизнинг узимиздан айб излашаяпти.

Билмадик Уткир Саксоновнинг «хурмати» учун эркатой аканинг айблари качонгача хаспушланади ёки бекитилади. Тогли худудда жойлашган бу КФЙ даги махаллий хукуматнинг эркатойлари ака-ука Эркин ва Уткир Саксоновларни жиловлайдиган кимса бормикан ё ?

Нори Новбўриев. (Норбобо),

Ўзбекистон Инсон Ҳуқуқлари Жамиятининг Самарқанд вилоятига қарашли «Накурт» қишлоғи бўлими раиси.

ЎИҲЖ аьзоси Ғайбулло Жалиловнинг соғлиги ёмонлашган.

Мен Гулшан Караева ЎИҲЖнинг Қашқадарё вилояти раиси сифатида шуни
маьлум қиламанки,ЎИҲЖ нинг фаоли Ғайбулло Жалилов Ҳалкаро Инсон
Ҳуқуқлари Ҳимоя қилувчи ташкилотлар ёрдамига муҳтождир.
Ғайбулло Жалиловнинг рафиқаси Муқаддас Темированинг хабар беришича,
турмуш ўртоғидан қамоқхона ичкарисидан хат чиккан,Бу қамоқхонада
чиқаётган (прогон)га кўра, Ғайбулло Жалиловнинг аҳволи
ёмонлашган,унинг ўпка етишмовчилигидан ташқари,кўзи кўрмай қолаётгани
ва тинимсиз йўтал хуружи қийнаётганлиги  қамоқхона ичида кийиладиган
қора роба,қора туфли кераклиги билдирилган экан.
Ғайбулло Жалиловнинг рафиқаси айни кунларда қари ота-онасининг
нафақасига икки боласи билан яшаб келмоқда.Муқаддас Темирова ҳеч
қаерда ишламайди.
У ўзи ёрдамга муҳтож.
Ҳўш у қаердан турмуш ўртоғига керак бўлган, рўйхати узундан иборат,
нарсаларни олиб беради? Масалан:(дори- дармон,кийим- кечак,егулик ва
бошқалар)
Ғайбулло Жалилов  хукумат тили билан айтганда,”Террорчи”эмас.
У ЎИҲЖ фаол аьзоси,айни кунда режим қурбонларидан бири ҳисобланади.
Ҳалкаро Инсон Ҳуқуқларини Ҳимоя қилувчи ташкилотлар бу
борада,ёрдамларини дариғ тутишмайди деган умиддамиз, акс ҳолда Ғайбулло
Жалиловни аҳволи оғирлашиши мумкин.
Бу Ўзбекистон қамоқхоналарида, “санчасть”дея номланган,бўлимлар
мавжуд, у ерда дори-дармонлар етарли бўлмаслиги ва маҳбуслар қийин
аҳволда эканлигидан далолатдир.
ЎИҲЖ аьзоси Ғайбулло Жалиловга молиявий ёрдам керак.

25-апрель,, 2010- йил.

Гулшан Қораева,Ўзбекистон Инсон Ҳуқуқлари Жамияти Қашкардарё вилояти бўлими раиси.

ЎИҲЖ фаолларининг тақдири келгусида
бизнинг бошимизга тушмайди деб ким кафолат беради?

Мен Гулшан Караева Тураевна Ўзбекистон Инсон Ҳуқуқлари Жамиятининг
Қашқадарё вилоят бўлими раиси сифатида шуни маьлум қиламанки,жорий
йилнинг 12- апрель куни ЎИҲЖ икки нафар аьзоси яьни,Шаҳло Рахмонова, Меҳринисо Хамдамова ва Зулхумор Хамдамовалар Ўзбекистон Жиноят кодексининг бир нечта
моддалари билан айбланиб узоқ муддатли қамоқ жазосига хукм этилдилар.
Бу хукуматнинг биринчи бор ҳуқуқ фаолларини қамок жазосига махкум
этиши эмас, январ ойида ЎИҲЖ фаоли Ғайбулло Жалиловни 9 йилга
озодликдан маҳрум этган эди.
Ғайбулло Жалиловнинг бўлиб ўтган суд жараёнининг ҳукмлари билан танишар
эканман,унда бирон бир асосланган жиноятдан факт келтирилмаган.Бу
қандай одилона ўтказилган суд ҳукми бўлиши мумкин?
Ҳукмнинг баьзи бир жойларида фақат “пинҳон гаплашиб туришганини
кўргандим”деб гувоҳлик берган,гувоҳлардан бири.
Пинҳон гаплашиш  қачондан бўён жиноят ҳисоблана бошланган?
Шуни орқасидан 9 йилга озодликдан маҳрум қилинадими?
Ўзбекистон суд тизимларида, оз булсада одиллик бўлганда ва улар
судланганлар ҳақиқий “террорчи” бўлишганда нега суд очиқ ўтказилмади?
Монеллик қилишга нима сабаб бўлди?
Қуйидаги саволлар  ҳар бир фуқарода туғилиши тайиндир.
Яна қамалган икки ҳуқуқ фаоли Шаҳло Рахмонова ва Меҳринисо Хамдамова,
Зулхумор Хамдамоваларга  тўхталсак, Шаҳло Рахмонованинг қизи Шаҳноза
Рахмонованинг хабар беришича охирги суд жараёнини “телевидения”
тасмага тушириб олганини  айтади
Хўш келажакда, балки тез кунда,Қарши  ёки Қашқадарё телевидениялари
орқали (ҳали бирон бир ном қўйилмагандир эҳтимол, масалан “Аёллар
қаноти”каби) махсус тайёрланган кўрсатув кўришимиз мумкин бўлади.
Хукумат ярим ўпкаси олиб ташланган, ногирон Ғайбулло Жалиловни
аямади-ю, ожиза аёлларни аярмиди?
Боши берк кўчанинг адоғи борми ўзи?
Бу  Ўзбекистон Инсон Ҳуқуқлари Жамиятининг тагига сув қуйиш дегани эмасми?
Юқорида номи тилга олинган учта ЎИҲЖ фаолларининг тақдири келгусида
бизнинг бошимизга тушмайди деб ким кафолат беради?
Режим ҳамма нарсага қодир ва бу йўлда ҳеч нарсадан қайтмайди деган
тахмин ҳам йўқ эмас.
Ҳалқаро Инсон Ҳуқуқларини Ҳимоя Қилувчи ташкилотлар, ҳуқуқ
фаолларининг тақдирига бефарқ бўлишмайди,деган умиддаман.
Шу жумладан ёрдамга муҳтожлигимизни билдирмокчиман..

15-апрель,, 2010- йил.

Гулшан Қораева,Ўзбекистон Инсон Ҳуқуқлари Жамияти Қашкардарё вилояти бўлими раиси.

Биринчи навбатда кўп қаватли уйларни иссиқ-совуқ сув билан таьминласа.

2009- йилнинг декабрь ойида Қарши шаҳар Пахтазор митти тумани 29- домда

Портлаш содир бўлганлиги туфайли, Қарши газ ташкилоти ходимлари барча

кўчадан уйга кириб келаётган газ трубаларини обдон текширувдан ўтказишмокда.

Бу ҳолни ижобий баҳоласа бўлади, аммо газ қувурларини кап ремонт қилишнинг ўзи бўлмайди,сабаби ер тагидан ўтган трубалар вақтини ўтаб бўлган,қайта қувур ўтказиш эса анча катта маблағ талаб этади, эскидан шундай мақол бор «эскини ямагунча,эсинг кетади».

Хукумат газ бўйича жиддий шуғулланаётган экан, биринчи навбатда кўп қаватли уйларни иссиқ-совуқ сув билан таьминласа, иситиш тизимларини яроқли ҳолга келтирганда мақсадга мувофиқ бўлган бўларди.

Совуқ кунлар бошланиши билан газнинг босими ҳам пасаяди,бу одатий ҳол албатта, бунга Қарши шаҳар ахолиси кўникиб кетган, шу сабабли ҳамма ўзи учун ҳаракат қила бошлайди,масалан кўп қаватли уйларда истиқомат қилувчилар, алоҳида катёл ўрнатиб олиш ҳоллари ҳам учраб турибди, нима бўлганда ҳам қишдан соғ- омон чиқса бўлгани.

Ҳаёт давом этаверади қиш ўтиб, ёз ҳам келади.

22-март, 2010- йил.

Гулшан Қораева,Ўзбекистон Инсон Ҳуқуқлари Жамияти Қашкардарё вилояти бўлими раиси.

]]> http://uz.hrsu.org/2010/03/22/%d0%b3%d0%b0%d0%b7-%d1%82%d1%80%d1%83%d0%b1%d0%b0%d0%bb%d0%b0%d1%80%d0%b8%d0%bd%d0%b8-%d0%be%d0%b1%d0%b4%d0%be%d0%bd-%d1%82%d0%b5%d0%ba%d1%88%d0%b8%d1%80%d1%83%d0%b2%d0%b4%d0%b0%d0%bd-%d1%9e%d1%82/feed/ 0