Гулшан Қораева: Жамиятимизнинг, соғлом авлоднинг келажаги учун қилинадиган ишлар ҳали бир талайдир

 Инсон Ҳуқуқлари, Коррупция, ўиҳж, хабарлар  Add comments
Feb 232017
 

Ўзбекистон президенти Шавкат Мирзиёев порахўрликга қарши курашишни бошлаб юборганлар, бу албатта ижобий, яна бир кўзни қувонтирадиган масалалардан биттаси бу ўқитувчиларнинг билимларини текшириш мақсадида
аттестациялардан қайта ўтказилинаяптилар.


Энди бундан буёғи, ёш авлод  хақиқий билимли кадрлардан билим олишади
менинг тушунишимча. Буни албатта ижобий деб баҳолайман!


Ўзбекистон Республикаси президенти Шавкат Миромоновичдан ва Бош вазир, Соғлиқни Сақлаш бўйича маьсул  Абдулла Ариповдан соғлиқни сақлаш тизимига жиддий эьтибор беришларини истардим.


Соғлиқни сақлаш бўйича энг аввало автоклавлар устидан назоратни
кучайтириш керак. Оқсайдиган масалалардан бири шу хисобланади.
Бир мониторинг ўтказиб кўришса, гепатит С билан оғриганлар сони
йилдан-йил кўпайиб кетган.


Ҳеч кимга сир эмас,бугун гепатит С асосан стоматология,жарроҳлик
амалиётлари  ўтказилгандан сўнг бу касаллик ўртага
чиқаяпти(гинекалогия,хирургия ва ҳакозоларда…).


Яна бир масала ОИТС!
Бу масалага ҳам жиддий ёндошиш керак.Россиядан келаётган мигрантлар
келгандан сўнг эмас, аэропортнинг ўзида қон анализ олинишлари шарт
амаллардан бири деб биламан. Бундан, оиласига юқтиришнинг олдини олинарди.


Жамиятимизнинг, соғлом авлоднинг келажаги учун қилинадиган ишлар ҳали бир талайдир.


Маьсуллар хар бир ишга маьсулият билан ёндошишса, ишонаверинглар
жаннатмакон юртлардан бирига айланамиз.

Гулшан Қораева

Ўзбекистон Инсон Ҳуқуқлари Жамияти

Қашқадарё вилоят бўлими раиси

23 февраль, 2017 йил.