Apr 192015
 

Азиз ватандошлар, юртдошлар, дўстлар! Ўзбекистон ичкарисидаги чет эл
консулликларига! Мен сизларга мурожаат ва  илтимос билан чиқишга қарор қилдим.Бу менинг илк бор илтимос билан чиқишим!


Биласизлар қарамоғимда ногирон фарзандим бор! Ўн тўрт йил умримни унинг соғлиги учун тикиб юбордим. Баҳор келиши билан фарзандимнинг аҳволи ёмонлашади.Айни дамда судирги хуружи авж олди.Икки уч кундирки уйку нималигини билмайман. Ҳаётим худди тўхтаб қолгандек….
Ухламаганим боис соғлигимга ҳам таьсир этаяпти. Қўлимдан келган бор
имконни қилаяпман. Фарзандимга қараб юрагим йиғлаяпти.На ўнгимда,на тушимда халоватим бор.

Мен онаман,юрагимнинг бир парчаси дард азобидан қийналаётган бир вақтда кўзимни юмиб, жим қараб тура олмаяпман.Ҳозир мен тирикман, тупроқнинг устида юрибман!Мен фарзандимни ҳеч бўлмаганда судирги хуружини тўхтатиш, уни оёққа турғиза оламанми? деган мақсадим бор.


Бу сатрларни кўзимдаги оқаётган ёшни тўхтата олмай ёзмоқдаман. Худо
қанча умр берган бўлса, мен фарзандимга доим қарашга, унинг бошида парвона бўлишга тайёрман.Мен умидсизликга тушганим йўқ.Ҳозиргача даволатиб тураман.Даволатишим эса  самарасиз бўлмоқда!


Менинг ниятим боламни бирор чет элнинг клиникасига олиб бориб
даволатишдир. Бунинг имкони борми?Менга ва фарзандимга ёрдам бера
оласизларми? Умид қиламан хукуматимиз ҳам бунга қаршилик кўрсатмаса керак, хукуматимиз ҳам мени яхши тушунади.

Қўлларидан келган ёрдамни қилиб беришди, бирор топилмайдиган дориси борми,паспорт масаласими улар ўзлари томонидан  ёрдамни аяшгани йўқ, буни очиқча айтаман.Мен бундан миннатдорман.Хукуматимизда ишлайдиган инсонлар орасида, меҳр оқибатли инсонлар борлигига  ҳам шукр дейман! Ҳозир масала фарзандимнинг соғлиги бўйича кетаяпти.


Мен фарзандимни олиб чиқиб даволатиш ниятим бор.Мен барчаларингизнинг ёрдамларингизга муҳтожман.Менга ёрдамларингиз керак азизлар!

Мен учун эмас,шу ногирон бола учун ёрдам беринглар! Савобли ишнинг кечи,эртаси йўқ менимча!Мен шу имкондан фойдаланай,зора фарзандимнинг соғлиги тикланса дейман.Мен ҳаёт эканман,уни хожатхонага ўзи бориб келадиган қилиш,гапиришини эшитиш, ниятим!

Агар мен дунёдан ўтсам,унга ким қарайди,,,? -деган ўй бошимда гир-гир айланаяпти.Бирор бир хайрия ташкилотлари  ёки жамғармалари борми ёрдам сўрасам?Менга аниқлаштириб беринглар.Умид қиламан халқаро ташкилотлар ҳам ёрдам қўлларини чўзишади.Мен сизларнинг ёрдамларингизга муҳтожман. Фарзандимни олиб чиқиб
даволатишга ёрдам беринглар, бу ягона умидимдир!

Гулшан Қораева

Ўзбекистон Инсон Ҳуқуқлари Жамияти

Қашқадарё вилоят бўлими раиси

19апрель, 2015-йил.