Гулшан Қораева: Менинг сизларга мурожаатим  мактаб программасига Психология фанини киритишларингизни истардим

 асосий эркинликлар, Инсон Ҳуқуқлари, мурожаатлар, ўиҳж  Add comments
Mar 282015
 

Ҳурматли Ўзбекистон Республикаси Қонунчилик Палатаси сенаторлари ва депутатлари!


Мен сизларга  интернет тармоғи орқали мурожаат қилмоқдаман.
Мен бу мурожаатни  анчадан буён ёзишни режалаштириб юргандим.
Менинг мурожаатим шундан иборатки, мактаб программасида бошланғич синфидан психология фанини киритишларингизни сўрайман.

Нега деган савол туғилади?
Ўтган ой бир воқеани эшитиб,мониторинг ўтказдим ва шундай хулосага келдим. Қарши шаҳрида балоғат ёшидаги қизча ўзини осиб қўйган экан.Мен у қизчанинг кимлигини ёзмайман.
Унинг оиласини танийдиганлардан сўраб-суриштиришдим. Оилада етишмовчилик йўқ, зўрлаш бўлмаган. Оила тинч-тотув оилалардан экан.Ҳўш бу қизчанинг ўзини осишга нима мажбур қилди деган савол менга тинчлик бермади.


Оилада  икки ўғилнинг ичида, битта қиз экан.Ота-оналар ҳам болани бу ёшда жуда эьтибор  қаратишларини истардим.
Балоғат ёшида болалар асосан жиззаки бўлади.Гармонал ўзгаришлар бошланади. Бола фикрлай бошлайди. Фикрни тўғри йўлга бошқариш учун фундаментни ёшлигидан қўйиб бориш керак.Бу эса мактабдан бошланса нур устига аьло нур  бўларди. Яъни, мактабда психология фани жуда муҳим экан.


Мактаб программасини ўрганишга ҳаракат қилдим, айнан шу фан дарсликлар орасида йўқ экан.
Болалар билан биргаликда ота-оналарга ҳам қўшимча  психология курсини очишни ҳам жуда муҳим вазифалардан бири деб ҳисоблайман!
Болани балоғат ёшида тушунмасликда ота-оналарда ҳам катта хатоликларга йўл қўйилмоқда.


Бундай дейишимга боиси шу мудҳиш воқеани ўрганишим сабаб бўлди.
Қизча доим уйда бўлган, ота-она эркин ҳаракатланиш имконини бермаган
деган хулосага келдим. Акс ҳолда ота-она болани тушунмаслик ортида бундай нохуш воқеалар содир бўлаверади.


Бундай воқеаларни олдини олиш учун керак бўлса, маҳалла фаоллари ҳам бош-қош бўлишлари ўта муҳимдир!


Менинг сизларга мурожаатим  мактаб программасида Психология фанини киритишларингизни истардим.Бу фанни ҳақиқий психологлар дарс беришлари керак. Психологияни айнан шу соҳа вакилларигина тушунтириб, етказиши мумкин.

Гулшан Қораева

Ўзбекистон Инсон Ҳуқуқлари Жамияти

Қашқадарё вилоят бўлими раиси

28– март, 2015-йил.