Apr 302012
 

  Бугунги кунга келиб ўзбек мухолифати бор  дейишса ишонмайман.
Айни дамларда мухолифат нима иш билан машғул?
Фақатгина тўхмат,иғволар билан ўзларига обрў ортириш билан машғул
десам муболаға қилмаган бўламан.
Ҳурматли мухолифатчи  ватандошлар!
Уялмайсизларми, бир-бирларингни устиларингдан мағзава тўкишга!
Ўзбекистон ичкарисида аҳвол абгор холда,сизларни қилаётган
ишларингизни қаранглар.Шу ҳам ишми?
Ўзларингни ўзларинг шу холга келтириб, яна Ўзбекистон президенти
И.Каримовдан хафа бўласизлар.
“Каримов тўҳмат қилиб қамайди, Каримов ундай, Каримов бундай унинг
қилаётган ишлари адолатсиз деб жар соласизлар!
Ўзларингизни қилаётган ишларингиз уникидан камми?


Мен ҳеч кимни ёмонлаш ниятим йўқ!Аксинча қани эди, ҳамма бир ёқдан бош
чиқарса-ю, Ўзбекистонни ўзгартириш имкони туғилса деб умид қиламан.
Жуда кўпчиликларингиз ватанни тарк этгансизлар, мухожирликда
юрибсизлар. Ватанда узоқда бўлиш,ватан соғинчи буни тил билан
тушунтириб бўлмайди.
Буни яхши тушунаман.
Меннинг ягона тилагим биласизларми нима?
Ҳеч ким ўзга юртда қолиб кетмасин, ўзганинг юртида шох бўлиб
яшагандан, ўзининг юртида яшагани маьқул. Хеч кимнинг қабри ўзга юртларда
қолиб кетмасин!
Сизлар узоқда туриб бир-бирларингизга қараб тош отасизлар нега?
Нимани талашаяпсизлар?
Талашишга асосли бирон нарса борми?
Ўзларингиз ватан гадо бўлиб юрибсизлар,ўзганинг ватанини
талашмаётгандирсизлар, мана шу юртни ўзгартираман деб курашга
чиққандиларингиз чамаси?
Жаннатмакон жойда яшаб,Ўзбекистон ҳақида қайғуришни эсларингиздан
чиқараяпсизми дейман!
Бундан режим мағрурланиб,”баттар бўлларинг шу туришларингдан”деб
устиларингдан кулиб ўтириши сизларга ёқади чамаси!
Ёқадиган бўлса давом этинглар!
Бошқа қўлларингиздан хеч нарса келмайди, буни тан олинглар!
Қўлларингдан келганда эди, айни дамда бир-бирларингни майда чайнаб, ётмасдиларинг!
Амалий ишга ўтардиларинг!


Етар, халқ азобда яшаяпти,адолатсизлик кун сайин халқни емириб бораяпти.
Хукумат ўзи хохлаган ноғорасига  халқни ўйнатаяпти.
Буни ватан ичкарисида азобда яшаётган халқдан сўранглар!
Халқни қўрқувдан халос қилишни вақти келмадимикан?
Халқ кимга ишониб, кимга эргашсин?
Мана шу саволни ўзларинггга бериб кўринглар,балки ҳали  ҳам кеч
бўлмагандир жуда кўп нарсаларни ўзгартиришга!

30-апрель, 2012-йил.
Гулшан Қораева
Ўзбекистон Инсон Хуқуқлари Жамиятининг
Қашқадарё вилоят бўлими раиси

Sorry, the comment form is closed at this time.