2011 йилнинг 15 июлида бўладиган 2-конгресси кун тартибига оид…

 

Ўзбекистон Инсон Ҳуқуқлари Жамиятиининг жамият Низомига “ички регламентация”си ва жамиятнинг 2011 йилнинг 15 июлида бўладиган 2-конгресси кун тартибига оид баёноти.

Биз ЎИҲЖнинг бир гурух фаоллари Толиб Ёқубовнинг 2011 йил 5 июль куни электрон почта орқали тарқатилган ва сайтларда чоп этилган “Шотирларга жавобим” мақоласидаги жамият низомининг 11-моддаси жамиятнинг ички регламентацияси ҳақида ўз муносабатимизни билдиришга қарор қилдик. Толиб Ёқубовнинг мақолада ёзиши бўйича ички регламентация 2009 йилнинг 18 сентябрида тузилган экан. Толиб Ёқубов жамият уставининг 11-моддасига оид ички регламентациясини хеч кимга хабардор қилмаган, яъни регламентация электрон почта орқали ҳеч кимга юборилмаган, ҳеч қаерда чоп этилмаган ва ўз-ўзидан маълумки ички регламентация жамият аъзолари орасида муҳокама қилинмаган ва мухокама асосида ҳеч қандай қарор қабул қилинмаган. Ички регламентациянинг 11.3 пунктида:

11.3. Олдинги бандда келтирилган сабабларнинг ҳеч бўлмаганда биттаси тўсқинлик қилган ҳолда Ташкилий Қўмита баъзи делегатларни онлайн-алоқа орқали Конгресс ишида қатнашишларини таъминлаш чораларини кўриши лозим;

Бу пунктда бизни хайрон қолдирадиган нарса шуки, 2009 йилнинг сентябрларида Онлайн-Skype конференциялар жамият аъзолари томонидан йўлга қўйилмаган эди, ЎИҲЖ аъзолари ўзаро Скайпда гаплашиб турардилар. Skype  оркали Онлайн конференциялар 2010 йилнинг 10-14 июнида бўлибўтган Ўш-Жалолобод воқеаларидан кейин кенг қўлланила бошлади.

Биз баёнот берамизки, Толиб Ёқубов 2011 йилнинг 25 май ва 12 июнь кунлари ўз номидан Ҳазратқул Худойбердига ваколат бериб, бу ҳақда жамиятимиз президенти Абдужалил Бойматовни хабардор қилмасдан, жамият аъзоларидан яширинча Ўзбекистон Халқ Ҳаракатининг муъассиси бўлишни амалга оширганлиги тўғрисида баёнотлар берилган эди. Бошқача айтганда, Толиб Ёқубов Ҳазратқул Худойберди билан амалга оширган фитнасини хаспўшлаш учун, жамоатчилик фикрини чалғитиш учун ҳар хил асосланмаган баёнотлар, маколалар эълон қилмоқда. Бу ҳаракатлардан мақсад Абдужалил Бойматовни обрўсизлантириш, жамиятда кўрсатган фаолияти қоникарсиз, президент бўлишга нолойиқ деган иддаони исботлаш.

Биз таклиф қиламиз, Толиб ака сиз Абдужалил Бойматовга нисбатан позициянгизни тўла айтиб бўлдингиз деб хисоблаймиз, энди Абдужалил Бойматовнинг президент сифатидаги фаолиятига баҳо бериш навбати жамиятимизда 2009 йилнинг 6 майидан бери(ЎИҲЖнинг 1-конгресси бўлиб ўтган эди) фаол ишлаётган қуйидаги аъзоларимиз конгрессда ўз баҳоларини беришади.

1.Гулшан Қораева.
2.Нодир Ахатов.
3.Саида Қурбанова.
4.Маъмир Азимов.
5Юсуф Расулов.
6.Башорат Ешова.
7.Тўлқин Қораев.

2011 йилнинг 15 июлида бўладиган ЎИҲЖнинг 2-конгресси кун тартибига қуйидаги масалалар киритилишини таклиф қиламиз.
Президент Абдужалил Бойматовнинг хисоботи муҳокамасидан кейин ва хисобот бўйича жамиятнинг қарори қабул қилингандан кейин қуйидаги масалалар кун тартибига қуйилишини таклиф қиламиз.

1.Толиб Ёқубов ва Ҳазратқул Худойбердининг фитначилик фаолиятига баҳо бериш.

2.ЎИҲЖ аъзоси бўлмаган, лекин жамият билан ҳамкорлик қилган Баходир Намозовнинг 2011 йилнинг 29 июнь куни электрон почта тарқатма (рассылка) орқали тарқатилган ва сайтларда ёйинланган асосланмаган “Заявление ОПЧУ” ни муҳокама қилиш.

3.Толиб Ёқубов томонидан ўйлаб топилган сохта иддао қилинаётган “ички регламентация”нинг муҳокамаси.

ЎИҲЖ фаоллари:

 

1.Юсуф Расулов.
2.Башорат Ешова.
3.Гулшан Қораева.
4.Нодир Ахатов.

 

11-июль, 2011 йил.